السلام عليكم
انا عمر 17 سنة انا مهتم بالصيد و جربتو وانا صغير مرة و عجبنى بس مجربتوش تانى
انا جيت المنتدى هنا عجبنى جدا و خلانى عاوز احب الصيد المهم انا لقيت
مصطلحات كتير اوى مش فاهمها ارجو منكم انكم تفهموهالى انا من المنوفية بس انا بقضى تقريبا شهرين الصيف فى الاسكندرية و بقضى شهر فى الشتاء فى اسكندرية برضو انا كنت عاوز اعرف شوية حاجات
1- اشترى منين صنارة صيد فى اسكندرية من محل كويس و اقله نوعها ايه و المستلزمات اللى معاها ايه بس ياريت السعر يكون رخيص لان الفلوس هاخدها من ابويا (فمش هيدينى
كتير :d ) و ايضا الخامة تبقى كويسة
2- ايه افضل اماكن الصيد فى اسكندرية و اوقاتها و الطعم المناسب فى ذلك الوقت و المكان؟
3- ايه معنى المصطلحات دى (غزل الصنار -شعر رقم -رصاصة-لشعر المستخدم رقم 40 او 50 بوصة الصيد -الصيد بالفلة-الشعر الاساسي-شعرالارمه- السلاح 10-11-12-صيد المشنقة - يعنى ايه الجملة دى ( شعر 40 على المكنه ورمل ب 30 او 35) ؟؟ -واعمل وش طويل يفضل 1.5 (يعنى ايه وش ) )
انا عارف ان اسالتى
كتير بس انا حابب اعرف كل حاجة و شكرا مقدما ليكم على الرد