طلعة القناطر 21-01-2012

[eng.amg]

طلعة القناطر 21-01-2012

السبت الماضي خرجنا أنا وعبد الرحيم للقناطر .. أجرنا مركب بنية إصطياد البط البري
وربنا رزقني بصيد أوزة برية وحيدة .. كنت فاكرها بطة بس لما نظفتها إكتشفت إنها وزة

الصراحة الطائر قوي جداااا عزبتنا لغاية مسيطرنا عليها وحطيناها في المركب رغم إني بعد مضربتها في جناحها بالبام 22 عبد الرحيم ضربها تاني بالكرال وضربتها تالت في رقبتها وبعد كل دا حصل إصابات قطعية لعبد الرحيم من مخالبها ونابني من الحب جانب لما عضتني بمنقارها في كف إيدي أدت لجرح وكدمات وحسيت إن حد ضربني بشاكوش من قوة العضة

مطولش عليكم

لما نظفتها وحطتها في ميه وخل وملح.... لمدة ساعات النتيجة بعد التسوية إن ريحتها زفرة جدا .. ومعتقدش إنها مستصاغة للأكل. فالنتيجة كانت في سلة المهملات.

أنا متأكد أنها وزة وليست غاق أو طائر آخر..
فهل حد عنه فكرة إيه الغلط إلي عملته في التسوية ؟؟

المصدر: منتدى صيادين مصر

[Mastersssss]

بسم الله مشاء الله يا بشمهندس بالتوفيق البام عامله شغل امابالنسبه للزفاره اللي اعرفه انها بتتنقع في الخل والليمون ليوم كامل علشان الزفاره تطلع زي فراخ الميه كدا بالاضافه لشويه توابل اثناء الطهي نفسه .

[mody_kamal]

بسم الله مشاء الله عندي وجه نظر بسيطه يعني خل وليمون ودقيق لمده ساعتين وتتبل بالبصل والفلفل
وتوابل فلفل اسود وملح وتتساب ف التتبيل 4 5 سعات لو مش مستعجل عليها سبها وتاني يوم اشويها ع الغدا وبالهنا والشفا انفع طباخ صح :d