محتاج ارائكم ومساعدتكم ليا

[mody_kamal]

محتاج ارائكم ومساعدتكم ليا

السلام عليكم ورحمه الله وبركاته
بسم الله الرحمن الرحيم





انا جديد ف المنتدي ف الصيد كويس نشاني مثلا ممكن نقول 4\6
يعني علي قدي كنت عايز اتعرف علي حضارتكم واشارك معاكم في كل شئ وعايز اشتري
بندقيه كويسه نوع حلو وتكون حلوه وف رنج كويس معقول في حدود مثلا 1000
او 1300 1500 ف الحدود دي

المصدر: منتدى صيادين مصر

[قناص الظلم]

اولا اهلا ومرحبا بك بين اخوانك وابائك الاعضاء فى المنتدى افهم كدا - ان حضرتك مسكت بنادق وصوبت بيها قبل كده - ما نوعها - ما نوع الطيور التى تفضل صيدها - هل عندك فكره بسيطه عن سياسه ونظريه عمل بنادق ضغط الهواء -المبلغ مناسب لبنادق كتير برجاء الاجابه على هذه الاستفسارات لنتمكن من خدمتك

[mody_kamal]

اول بندقيه جبتها المصري النمره 1 دي اشترتها من محل في العتبه قدام الجراج المحل ده طلع حرامي يعني كنت جبتها من حوالي 4 سنين ب 250 وعرفت انه غالي جدااا ومع الوقت البندقيه ضعفت وغيرت سوسته ليها
والماسوره بقي فيها تانيه وسعات لما بعدي ع الي هيا الموالد وكده وبيبقي في بمب كنت بضرب بصوب كويس اصطادت يمام وحمام وعصافير كمان معنديش فكره عن عمل بنادق ضغط الهواء لما لقيت المنتدي ده بالصدفه
مسكت فيه وعملت عضويه وحابب اني اتعلم منكم كل شئ واشتري بندقيه كويسه ف الحدود الي وضحتها لحضرتك

[قناص الظلم]

ارشح لحضرتك البندقيه الكرال - انا عن نفسى معجب بها وهى هاى باور ونمره 2 تصطاد معاك الطيور الكبيره سعرها فى حدود هذا المبلغ يتم تغيير سوستتها لانها قد تنكسر ولكن المعامله بحرص ستطيل عمرها لن تتعدى 1500 بالسوسته الجديده ونحن جميعا فى خدمتك - دى ارخص سعر

[mody_kamal]

يعني حضرتك بتنصح بيها ممكن صور ليها او فيديو ليها
وهيا التعميره بتاعتها كسر واحط الرشه ولا ايه نظامها معلش معنديش معلومات اوي

[قناص الظلم]

ستجد معلومات مفيده عن الكرال فى هذا الرابط - الكرال كسر زالدبشك فيبر ويوجد نوع خشب - http://www.misrhunting.trakhes.com/showthread.php?t=155

[قناص الظلم]

وهذا رابط اخر للمساعده - http://www.misrhunting.trakhes.com/showthread.php?t=98

[mody_kamal]

شكرا يا قناص انا كلمت البشمهندس احمد وقالي هشوفلك حاجه مناسبه وكويسه وهقولك شكرا ليك يا قناصنا
وشكرا للاستاذ احمد ع المساعده

[قناص الظلم]

المشاركة الأصلية كتبت بواسطة mody_kamal

شكرا يا قناص انا كلمت البشمهندس احمد وقالي هشوفلك حاجه مناسبه وكويسه وهقولك شكرا ليك يا قناصنا
وشكرا للاستاذ احمد ع المساعده

hالمهندس احمد دا على كيفك وبيعرف جامد فى الكرال وانا هاقصده قريبا انشاء الله فى كرال واتعلم معانا هنا الصيانه واى استفسار جميعنا تحت امرك

[mody_kamal]

الف شكرا البشمهندس احمد اما يشفلي بس بندقيه حلوه زي ما قال هتعلم منكم الصيانه وكل حاجه وان شاء الله نطلع نصطاد مع بعض