سرقه

[bodygard 34]

انا شفت الموضوع على منتدى تانى النهارده .. ولفت نظرى جدا موضوع الوضوء ده..جديده بجد.. وانا بحب اى حاجه تضحك حتى لو كانت بالشكل ده .. احنا شعب كوميدى حتى واحنا بنسرق..اما بخصوص الثوره المجيده ..فالرجا كل الرجا عدم فتح الموضوع ده عشان ماعورش حد ..انا امنى القومى بتاعى انا ..اللى هو اكل عيشى اتدمر ..عاوزينى احبها ازاى الثوره دى؟؟؟؟؟؟؟؟؟؟؟ فى مثل شهير بيقول : الطريق الى جهنم مفروش بالنوايا الحسنه...يعنى مش كفايه النوايا عشان تخش الجنه ..بالعكس .. النوايا دى ممكن تدخلك النار اذا لم يصحبها العمل الطيب .. وانا ماشفتش عمل طيب واحد من بعد الثوره

[محمد كمال المحامي]

احلى مسا على الفلول و اعوانهم

وان شاء الله عمرنا ما هنقول ولا يوم من ايامك يا ................

باذن الله البلد هتنضف لأن الوساخة ظهرت

و ربنا يجعل مصر بلد الأمن والأمان ويوسع رزق اهلها ويبارك لهم في اولادهم واموالهم

[eng.amg]

المشاركة الأصلية كتبت بواسطة bodygard 34

انا شفت الموضوع على منتدى تانى النهارده .. ولفت نظرى جدا موضوع الوضوء ده..جديده بجد.. وانا بحب اى حاجه تضحك حتى لو كانت بالشكل ده .. احنا شعب كوميدى حتى واحنا بنسرق..اما بخصوص الثوره المجيده ..فالرجا كل الرجا عدم فتح الموضوع ده عشان ماعورش حد ..انا امنى القومى بتاعى انا ..اللى هو اكل عيشى اتدمر ..عاوزينى احبها ازاى الثوره دى؟؟؟؟؟؟؟؟؟؟؟ فى مثل شهير بيقول : الطريق الى جهنم مفروش بالنوايا الحسنه...يعنى مش كفايه النوايا عشان تخش الجنه ..بالعكس .. النوايا دى ممكن تدخلك النار اذا لم يصحبها العمل الطيب .. وانا ماشفتش عمل طيب واحد من بعد الثوره

يا حج... معلش خليني أقولك علي رأي شخصي من التاريخ...

أولا: مصر تختلف عن أي دولة إنها لا تكون في رخاء أبدا لمدة كبيرة. وممكن نراجع التاريخ من ساعة مبدأت الدولة الفرعونية.
كل فترة لازم حرب .. مجاعة..كارثة داخلية أو خارجية .. وأعتقد كلنا متفقين إننا شعب في جلد ورباط إلي يوم القيامة ولازم كل جيل يصيبه شيئ من هذا الجلد.

جيل أبويا ضيع أحلى سنين عمره في الحرب وما بعد الحرب من أوضاع إقتصادية غاية في السوء. (طبعا كان ضابط جيش ومستفدش من الإنفتاح)

أما الجيل بتاعي من مواليد 1977 وما بعدها معاصرش الفترات دي. وكان عايش في نعيم..

ولأننا مدخلناش حروب بقالنا مدة حوالي 40 سنة فلازم الجيل دا يدفع ثمن سكوته وخوفه كل السنين دي وثمن حمله للجنسية المعذبة..

والحمد لله إن الجيل ألي جاي حيحصد ثمار الثورة كما حصد الجيل الحالي ثمار حروب 48 و 56 و 67 و 73 إلي دفعها جيل أبويا.

ولا أنت مش عايز تدفع ثمن لأحفادك يا حج؟

[bodygard 34]

انا من الجيل اللى وعى على الدنيا لقى البلد مهزومه .. كان عندى 5 سنين وشفت معركه جويه فوق الزقازيق وكنت متخيل انا احنا الاقوى وبعدها بيومين عرفت ان احنا اتهزمنا .. اتربيت على كراهية اسرائيل وعلى القوميه العربيه لأنها كانت بتدرس لنا فى المدارس .. وكنت وانا صغير مابحبش حاجه اكتر من مصر و عبد الناصر..كنا بنقول عليه بابا جمال .. ولما مات كانت صدمه كبيره لى .. زيى زى اى حد من جيلى .. لما قامت حرب اكتوبر كان عندى 12 سنه واتمنيت يسمحوا لنا ان احنا نحارب .. طبعا ماكانش ممكن ..بس شفت بيوت بيدخلها جثامين شهداء وبيوت الزغاريد بتلعلع فيها لأن ابنهم رجع بالسلامه ..شفت الناس وهى بتعمل كعك العيد وبترميه بالكامل فى عربيات الجيش عشان العساكر على الجبهه تاكل.. ووقتها بعض مديريات الامن لم تسجل حادث سرقه واحد ..لا نشل ولا سرقه بالاكراه ولا هجامة بيوت ..كنا على قلب رجل واحد ..وبعد اتفاقية السلام ماعرفتش اشيل كراهية اسرائيل من قلبى وتقريبا كل جيلى كده .. ودام السلام بس اللى فى القلب فى القلب .. وبرضه فضل حب بلدى هو اللى مالك قلبى.. حضرت ايام ماكنتش تعرف تتصل بالتليفون من مصر لبجديده لمصر الجديده ومن الزقازيق للزقازيق .. ..وبعدها شفت نهضه كبيره فى كل المجالات وبنيه اساسيه محترمه ومترو انفاق وثورة اتصالات ومطارات ومدن جديده وصناعيه وسكنيه وطرق كبيره ..جربت حظى فى السفر.. والمرض ارجعنى لبلدى مكسور ومفلس .. واحتضنتنى بلدى وربنا رزقنى بتجارتى بعد ماكنت عايش على المعونات من اخوتى واهلى واصدقائى عشان اأكل اولادى.. وربنا كرمنى وبدل المحل بقوا اتنين وبعدين بقوا تلاته وشميت نفسى وحمدت الله على مانا فيه من خير .. مش حاقول بقيت ثرى ..لا.. بقيت مستور والحمد لله ..كل شئ دلوقت بينهار ..ربنا يخلف ظنى.. كنت منتظر مكافأة نهاية الخدمه تكون غير كده خالص ...الحمد لله من قبل ومن بعد .. الثوره عملت اللى ماعرفتش اسرائيل تعمله فى مصر ..عرفت ليه انا مش باحب الثوره

[اشرف ابراهيم]

تعبير من الاخ والزميل بودى جارد عن ما بداخل الكثيرون من جيلنا لما نشاهدة الان ، لان الاجيال الجديدة لم ترى ما كانت عليه مصر قبل مبارك ومك ما احدثه من بنية اساسية كاملة لمصر وهذا لم له ، ايضا تركة الدولة لابنه ولاحمد عز اخر فترات حكمة ليتحكموا فى البلاد والعباد تلك مصيبة وكارثة كبرى يتحمل تبعاتها وهذا ما علية ولكن الاجيال الحالية نشأت بعد انجاز البنية التحتية ولم ترى ما كنا نراة فبل سنوات حكم مبارك الاولى ، اما مرسى فحدث ولا حرج عن عدم قدرة على القيادة وعدم ادراك بابسط قواعد ومهارات وسمات االقيادة بخلاف تدخل الجماعة فى الحكم وانشغالها بالسيطرة والتمكن فى الجهاز الادارى للدولة وهو منافى لابسط قواعد الادارة العامة فى العالم .

[Trigger]

و ماذا اقول بعد كل ما قيل



اتقوا شر الشعب المصرى اذا غضب

[Compact]

لابد من ان يضحى البعض لكى يعيش الجميع ... انها الحياه الدنيا ... و الآخره خير و أبقى

تفائلوا بالخير تجدوه

[bodygard 34]

المشاركة الأصلية كتبت بواسطة compact

لابد من ان يضحى البعض لكى يعيش الجميع ... انها الحياه الدنيا ... و الآخره خير و أبقى

تفائلوا بالخير تجدوه

انت فين يا كبير؟؟؟؟ ينفع كده؟؟؟

[eng.amg]

المشاركة الأصلية كتبت بواسطة bodygard 34

انا من الجيل اللى وعى على الدنيا لقى البلد مهزومه .. كان عندى 5 سنين وشفت معركه جويه فوق الزقازيق وكنت متخيل انا احنا الاقوى وبعدها بيومين عرفت ان احنا اتهزمنا .. اتربيت على كراهية اسرائيل وعلى القوميه العربيه لأنها كانت بتدرس لنا فى المدارس .. وكنت وانا صغير مابحبش حاجه اكتر من مصر و عبد الناصر..كنا بنقول عليه بابا جمال .. ولما مات كانت صدمه كبيره لى .. زيى زى اى حد من جيلى .. لما قامت حرب اكتوبر كان عندى 12 سنه واتمنيت يسمحوا لنا ان احنا نحارب .. طبعا ماكانش ممكن ..بس شفت بيوت بيدخلها جثامين شهداء وبيوت الزغاريد بتلعلع فيها لأن ابنهم رجع بالسلامه ..شفت الناس وهى بتعمل كعك العيد وبترميه بالكامل فى عربيات الجيش عشان العساكر على الجبهه تاكل.. ووقتها بعض مديريات الامن لم تسجل حادث سرقه واحد ..لا نشل ولا سرقه بالاكراه ولا هجامة بيوت ..كنا على قلب رجل واحد ..وبعد اتفاقية السلام ماعرفتش اشيل كراهية اسرائيل من قلبى وتقريبا كل جيلى كده .. ودام السلام بس اللى فى القلب فى القلب .. وبرضه فضل حب بلدى هو اللى مالك قلبى.. حضرت ايام ماكنتش تعرف تتصل بالتليفون من مصر لبجديده لمصر الجديده ومن الزقازيق للزقازيق .. ..وبعدها شفت نهضه كبيره فى كل المجالات وبنيه اساسيه محترمه ومترو انفاق وثورة اتصالات ومطارات ومدن جديده وصناعيه وسكنيه وطرق كبيره ..جربت حظى فى السفر.. والمرض ارجعنى لبلدى مكسور ومفلس .. واحتضنتنى بلدى وربنا رزقنى بتجارتى بعد ماكنت عايش على المعونات من اخوتى واهلى واصدقائى عشان اأكل اولادى.. وربنا كرمنى وبدل المحل بقوا اتنين وبعدين بقوا تلاته وشميت نفسى وحمدت الله على مانا فيه من خير .. مش حاقول بقيت ثرى ..لا.. بقيت مستور والحمد لله ..كل شئ دلوقت بينهار ..ربنا يخلف ظنى.. كنت منتظر مكافأة نهاية الخدمه تكون غير كده خالص ...الحمد لله من قبل ومن بعد .. الثوره عملت اللى ماعرفتش اسرائيل تعمله فى مصر ..عرفت ليه انا مش باحب الثوره

المشاركة الأصلية كتبت بواسطة اشرف ابراهيم

تعبير من الاخ والزميل بودى جارد عن ما بداخل الكثيرون من جيلنا لما نشاهدة الان ، لان الاجيال الجديدة لم ترى ما كانت عليه مصر قبل مبارك ومك ما احدثه من بنية اساسية كاملة لمصر وهذا لم له ، ايضا تركة الدولة لابنه ولاحمد عز اخر فترات حكمة ليتحكموا فى البلاد والعباد تلك مصيبة وكارثة كبرى يتحمل تبعاتها وهذا ما علية ولكن الاجيال الحالية نشأت بعد انجاز البنية التحتية ولم ترى ما كنا نراة فبل سنوات حكم مبارك الاولى ، اما مرسى فحدث ولا حرج عن عدم قدرة على القيادة وعدم ادراك بابسط قواعد ومهارات وسمات االقيادة بخلاف تدخل الجماعة فى الحكم وانشغالها بالسيطرة والتمكن فى الجهاز الادارى للدولة وهو منافى لابسط قواعد الادارة العامة فى العالم .

معلش يا حاج.. والله أنا أتأثرت جدا لما قرأت مشاركة حضرتك.
تحياتي لسيادتك وإصرارك ورجولك..

لكن القصد مصلحة البلد وليس مصلحة الشخص.

أنا أيضا مضرور من الثورة وطبعا كلي قلق ومشاريع وقفت وأخرى إتصفت. لكن محدش ينكر إن الثورة تصب في مصلحة البلاد. أينعم كنا مستريحين ماديا لكن مع إحترامي لكل الناس وأنا آسف في هذه الكلمة ((إحنا كنا مستحمرين)) وملناش حقوق وأي حد ممكن يودي أي حد ورا الشمس طالما يعرف ظهر أكبر منه.
وطبعا أنا أقصد كل الشعب:

-غني وفقير
-إلي مسنود وإلي ملوش ظهر
-المتعلم والجاهل
-داخل البلد وفي الخارج

كان حاكمنا شلة حرامية

-كان فاضل كام سنة وطبقة البرجوازية تختفي تماما وتسود طبقتين (الغني غناء فاحش) (والفقير المعدم)

-ياراجل دا أنا لما كنت بقابل ناس أجانب من شرق آسيا وشمال أوروبا ويعرفوا إني مصري كانو بيستغربو إن لون بشرتي أبيض. وبتكلم إنجليزي. وبعرف كمبيوتر. ومعايا رخصة قيادة
-كانوا بيفتكرونا سود زنوج وبنركب جمال وبنسكن خيام وبنتجوز 700 زوجة

[eng.amg]

المشاركة الأصلية كتبت بواسطة compact

لابد من ان يضحى البعض لكى يعيش الجميع ... انها الحياه الدنيا ... و الآخره خير و أبقى

تفائلوا بالخير تجدوه

أولا: ألف حمد لله علي السلامة.. نورت المنتدى من جديد.

ثانيا: لازم التفاؤل الشديد عند الحديث عن (مصر) الذي يصل لدرجة الثقة المطلقة. لأن مصر إختصها الله بحمل أمانة الدفاع عن أديان الله. وهي رمانة ميزان المنطقة والعالم.

وأعتقد إن الله إبتلانا بهذا الضيق والغم لأننا (كشعب) فرطنا في حق مصر طول مدة حكم الحرامية.