طلب نصيحه من الاعضاء الكرام بخصوص بارابيلوم 9مم

[محمد جمال الشافعي]

طلب نصيحه من الاعضاء الكرام بخصوص بارابيلوم 9مم

السلام عليكم
انا عضو جديد تشرفت بالانضمام لمنتداكم الراقي ومعي تصريح شراء صادر في 8/4/2013 من طنطا
برجاء النصيحه بخصوص مسدس بارابيلوم 9 مم ماسوره طويله بحاله جيده ومطلوب فيه 15000 ج
للاسف انا لم استطع تصويره لاني عاينته في مخزن سلاح القسم ولكني متردد بسبب قدم طرازه مع ان حالته جيده ولا يوجد به خدوش وطبعا لانه في القسم ومتحرز لوفاة صاحبه لم اتمكن من معاينه كل اجزاءه
الورثه موافقين علي التنازل ولايوجد به قصر
برجاء التكرم بالنصيحه بخصوص السعر وهل اعطاله كثيره ولو حبيت اغيره بعد فتره فعل من الممكن اعاده بيعه ولا حاكون اتورط فيه ومش حاعرف اغيره
مع خالص شكري وتقديري للمجهود الرائع للساده المشرفين والاعضاء والذي لاحظته من خلال تصفحي لمواضيع المنتدي
وجزاكم الله عنا خير الجزاء

المصدر: منتدى صيادين مصر

[Amr Moussa]

سيدى الفاضل هذا السلاح رائع عمليا وعياره هو اللى سائد بمصر اذا لم يكن عندك مشكله فى شكله
سلاح قديم جدا طرازا وشكلا

غير مرغوب لكثير من الناس
فى منه ساعات بيبقى معاه ماسورتين واحده طويله والتانيه قصيره والطويله للرمايه
ملوش تقريبا اعطال والعطل الوحيد دائما شرخ بجانب الماسوره

مميزات
عيار متوفر ومتداول
السعر يعنى ب 15000 الف ممكن متلاقيش غير عيار 7.65 فيما اقل

نصيحه منى دور شويه انتا فى طنطا عفوا يعنى فى الارياف اتعب شويا هتلاقى انا فى واحد صاحبى اشترى فيزور 8000 جنيه امبارح من المحله
وبعدين القرار يتوقف على متبقى كام يوم بالتصريح
انما لو الميزانيه 15000 وحضرتك ده كل المبلغ توكل على الله مسدس جميل وسهل بس عفوا اسف على القول محتاج معلم والقرار لك
وشكرا

[محمد كمال المحامي]

المسدس كما ذكر استاذ عمرو عملي جداً و من الاصدارات المحترمة

لكن الشكل مختلف عن المسدسات الحديثة و هتواجه مشكلة قطع الغيار

و لكن الأمر يتوقف كما ذكر استاذ عمرو على الميزانية والوقت فهما العاملان الأساسيان

لو الوقت ضيق و مالياً لا يتوافر الا هذا المبلغ ممكن تشترية وبعد فترة تعمل استبدال بمسدس اخر

انا ليا صديق من الفيوم يمتلك نفس المسدس وبيشكر فيه جداً لكن لو احتاج قطع غيار بيطلع عينه لما يلاقيها

و نصيحة اخوية خد معاك حد خبرة وانت بتشتري وممكن تكسر شوية في السعر

[ايهاب رشدى]

البرابوليوم سعره معروف و يكاد يكون ثابت السليم من 10 الى 12 وسعره فى طنطا اقل من كده وبالتوفيق ان شاء الله اما بالنسبه للبيع بعد فتره هيتباع وفى حدود سعره ده مافيش مشكله

[Amr Moussa]

راى الشخصى انك بتشترى حاجه قديمه اغلى من قيمتها ب 5 الاف جنيه

بس للمره التانيه لو دى امكانياتك هاتو واعتمد على ارتفاع سعر السلاح خلال الاسابيع القادمه لتعويض خسارتك

العجيب انك من طنطا احنا بنروح ندور عنكم دور يا باشا وعشان اغششك فى حته بلجيكى 9 طلقات فى قسم المحله اكتر من كده معرفش

[أشرف صبرى]

انا رأيى انك مش مستعجل لأن تصريحك حديث...دوّر تانى و اتعب أكتر من كده ف البحث....وجودك ف طنطا هيساعد ف البحث عن الكنوز المستخبيه....

[محمد جمال الشافعي]

عمرو بك
الف شكر علي استجابتك السريعه وعلي النصيحه الغاليه
الحقيقه انا ممكن اشتري لغايه ٢٥٠٠٠ ج بس هو ده اللي لقيته لغايه دلوقتي وان شاء الله انزل المحله واشوف الموجود هناك
جزاك الله كل خير علي النصيحه

[محمد جمال الشافعي]

عمرو بك
الف شكر علي استجابتك السريعه وعلي النصيحه الغاليه
الحقيقه انا ممكن اشتري لغايه 25000 ج بس هو ده اللي لقيته لغايه دلوقتي وان شاء الله انزل المحله واشوف الموجود هناك
جزاك الله كل خير علي النصيحه

[محمد جمال الشافعي]

الاعضاء الافاضل
ادمن
اشرف صبري
ايهاب رشدي
مع حفظ الالقاب بالطبع
الف شكر لحضراتكم علي الاهتمام وعل الردود والنصائح القيمه وان شاء الله ادور تاني لانه فعلا المسدس شكله غير معتاد
بس انا ماكنتش اعرف ان الفرصه في الاقاليم افضل من القاهره ودي نصيحه ممتازه حاحاول اني استخدمها وبالنسبه للميزانيه ممكن تكون لغايه 25000 ج بس هو ده اللي لقيته دلوقتي مع اني بدور من شهر ونص حتي قبل ما استلم تصريح الشراء والتجار والمحلات بتتكلم في اسعار غير معقوله
جزاكم الله جميعا خير الجزاء وجعلكم عون لجميع الاعضاء في هذا المنتدي المحترم

[Trigger]

لو حالته كويسه اشتريه لان البرابيلوم يعتبر ارخص 9مم طويل فى مصر
و لو مرتاح نفسيا لشكله الخارجى اشتريه و لو لم تختلف الاذواق لبارت السلع
و خد وقتك شوية و دور كويس و ان شاء تلاقى حاجة افضل
و عموما البرابيلوم لو بحالة 80% يعتبر سلاح ممتاز و اجزاءه بنظام البكره