الأسبوع الي فات كان عندي مشوار في المنوفية وكنت ماشي علي (الجي بي إس) وعديت علي القناطر بالصدفة .. ولقيت أسراب البط طايره بكثافة في القناطر. وطبعا نسيت المشوار إلي كنت طالعه وفضلت ماشي متتبع الأسراب لدرجة إني مشيت عكس وأنا مش واخد بالي وأخدت مخالفة.. يالا الحمد لله...
لحد ملقيت مكان مليان بط. وسألت عن حد مركبي في المنطقة ودلوني علي مكان واحد.
و إمبارح بعد الشغل روحت هناك علي المغرب وقابلت مركبي ورتبت معاه علي النهاردا الفجرية.
و طلعت النهاردا مع أحد زملائي للقناطر فجرا معايا البام 22 وهوا معاه كرال ماجنم.
المكان جيد جدا للصيد ولكن محتاج خرطوش. لأن الصيد بالرش يعتبر تحدي..
للأسف الكرال لم تجدي نفعا إطلاقا لأن المسافة لا تقل عن 60 متر بأي حال.. ,اقل من هذه المسافة. البط بيطير. ولكن بفضل لله فدرت أصيب 2 من المسافة دي رغم إن المركب متحرك طبعا وبيتهز .. والبط برضو متحرك بإستمرار.
كانت الإصابات في الجناح والبطن والإصابات غير قاتلة, ولكن لم تمكنهم من الطيران. وطبعا فضلوا يجروا ويعوموا ويغطسو وإحنا نجري وراهم بالمركب لحد مالمركبي طلع عينه
]
اعتقد ان البام تصطاد البط مرتاح خصوصا من الرأس او الرقبة
احسن بنادق ضغط هواء سرعتها متوسطة للبط هى نمرة3 (عيار6.35مم) بمتوسط سرعة 180 متر\ثانية
يا جنرال الضرب علي الرأي أو الرقبة دا ممكن يكون بالصدفة. لكن تخيل بقى لو المركب ماشية في المية وبتتهز يمين وشمال والبطة بتتحرك في المية والمسافة 60 متر...
معتقدش أبدا أن الفي حد بإمكانه تعمد الإصابة في الرأس.
هيا مجرد مالطلقة نيجي في جسمها مبتقدرش تطير. وا المطلوب
اقتباس:
المشاركة الأصلية كتبت بواسطة admin
منتظرين ظهور البي سي بي بأسعار معقولة
وان شاء الله نخلص فيها علطول ونطلع نصطاد بط وغزلان