اقتباس:
المشاركة الأصلية كتبت بواسطة ويكا ويكا
احب اقول تجربتى حتى يستفاد كل شخص بيطلع ترخيص سلاح
الاوراق الى قدتمته كانت كاالاتى
1- صحيفة السجل الجنائى
2- 6 صور شخصية و6 صور من البطاقة الشخصية
3- صور من صور عقود لكل ما املك من عقارات و رخص سيارات
4- وقدمت ثلاث سجلات تجارية لثلاث شركات ملكى السجل الواحد اكثر 4 اضعاف من المبلغ المطلوب
5- كشوف حسابات الشركات بمبالغ وحركة عليها باضعاف اضعاف الى مطلوب
6- صورة من كرنية عضوية نادى الصيد زائد شهادة من فريق رماية الخرطوش انى عضو فى الفريق و زائد شهادة من فريق رمايى الرصاص انى عضو فى فريق الرماية بالطبنجة
7- ورقة كشف العائلة وفيها جميع الاقارب من خيلان وخالات و عمام وعمات و الاخو والاخوات يعنى الكل
وبعد كيدة يتم التحرى عنى فى ( المخدرات - الاداب - الاموال العامة - التهرب الضريبى - الخ الخ )
وبعد وصول التقرير من هذة الجهات بيتم عمل تقرير من المباحث عنى وعن مبراراتى و دة اتكتب صح عشان رئيس المباحث القسم التابع لة صديقى
ولانى فى محفظة اكتوبر يتم ارسال الورق الى مدرية امن الجيزة وعشان انا كنت واثق فى المبرراتى معملتش و سطى و بعد 6 اشهر سئلت علية قالو لسة فى المدرية فكلمت صديق ظابط قال انة لسة عند العميد رئيس مباحث اكتوبر فا كلمة ومضى الورق وكلم مفتش مباحث شمال الجيزة ومضى الورق ثم راح الى رئيس المباحث الجنائية فكلمت صديق لى يعرفو كويس فمضى الورق وبعد كدة راح الى رئيس مباحث مدرية الجيزة فكلمت صديق لى يعرفو فمضى الورق وكدة خلصت جميع موافقات المباحث ورجع الورق الى القسم عشا بيخرج بعد كدة بتقرير من مامور القسم الى تراخيص المدرية الامن ويقف على امضاء مدير الامن و الحمد لله ان كان عندى صديق يعرفو كويس رحلو مكتبو واتمضى الورق وهو عندة وبكدة حصلت عل تصريح الشراء
اختصار الكلام دة كلة لو انتا من اغنى اغنياء مصر و معندكش وسطى لايمكن ها تاخد ترخيص
لان سياسة الدولة لا تسمح لمدنى انة يشيل سلاح والجهات الى بيترخص لها منغير الوسطى " الظباط جيش و شرطى و مخابرات القضاة و وكلاء النيابة اعضاء مجلس الشعب والشورى الوزراء و المحافظين ورجال العمال الى ولاءهم لنظام الدولة "
|
استاذ ويكا أنا عملت نفس اللى انت عملته بالضبط مع اختلاف ان مبرراتى كانت أنى عضو هيئة تدريس الجامعة زائد ممتلكاتى البسيطة
بس الصراحة ان ما فيش حاجة ممكن تمشى للأسف الا بالواسطة مهما كانت مبرراتك
و الحمد لله بعد وسائط كتير طلعت ترخيص بندقية خرطوش و دلوقتى معايا اضافة تصريح شراء مسدس
بالمناسبة أنا كمان من اكتوبر و بادور على مسدس، ربنا يوفقك و أبقى طمنا جبت إيه
و شكرًا على المشاركة التفصيلية الواضحة