اخيرا.... ربنا وفقني واشتريت طبنجه

[ستورى بورد]

المشاركة الأصلية كتبت بواسطة bodygard 34

اخبار ال 920 ايه ؟؟ فينك ياطيب؟؟؟

موجود ومتابع يا حج محمد وشكرا على السؤال
ال920 ذى الفل بس لسه مضربتش بيها غير طلقه لتجربه الطلق مش الطبنجه ههههههههههه
مشغول شويه ومش عارف اطلع بيها
تحياتى لشخصكم الكريم

[سامح حلمى]

المشاركة الأصلية كتبت بواسطة محمد جمال الشافعي

عمرو باشا
تسلم ويسلم الواجب الجامد بتاع الخزنتين وانت مش محتاج عزومه انت صاحب بيت وياريت تشرفني والله حاكون في قمه السعاده ومن غير توصيه دكتور ولا حاجه والف مليون سلامه عليك لاني قريت علي الشات انك كنت عامل تحاليل . ربنا يعافيك ويطمنا عليك
شكرا علي مرورك الكريم

المشاركة الأصلية كتبت بواسطة amr moussa

الف مبروك سلام تلت تلات للطبنجه الجديده ممتازه ماشاء الله خزنتين منى فى الجو للطبنجه الجديده وانا راشق فى موضوع العزبه ده اه عشان الدكتور قاللى غير جو

الف مبروك يا محمد بك اختيار ممتاز و سعر رائع و واضح انها من بيت أصيل
و بالمناسبة أنا الدكتور اللى طلبت لعمرو التحاليل و قولتله يغير جو بس طبعا تحت الإشراف الطبى (يعنى أنا جاى معاه فى اي عزومة)

[bodygard 34]

المشاركة الأصلية كتبت بواسطة سامح حلمى

الف مبروك يا محمد بك اختيار ممتاز و سعر رائع و واضح انها من بيت أصيل
و بالمناسبة أنا الدكتور اللى طلبت لعمرو التحاليل و قولتله يغير جو بس طبعا تحت الإشراف الطبى (يعنى أنا جاى معاه فى اي عزومة)

شكله كده لا هو عيان ولا انت دكتور ..بتشتغلونا عشان العزومه ..ماشى ..انا بقى الصديق المخلص اللى قال له لازم تروح للدكتور سامح .. فى مكان ولا اجى بعربيتى؟؟

[bodygard 34]

المشاركة الأصلية كتبت بواسطة محمد جمال الشافعي

مساء الانوار ياحج محمد
النسبه للسعر انا مارضيتش احطه علشان مش عارف ده متوافق مع قوانين المنتدي ولا لا لاني اشتريت مش ببيع بس طبعا طالما حضرتك سالت يبقي لازم اجاوب انا اخدتها ب 27 الف جنيه لان الناس عندها سماحه في البيع مش معقوله وزي ماقولت لحضرتك خلصت فيها في كلمتين

سعر رائع طبعا مقارنة بجنون الاسعار فى الوقت الحالى..مبروك ياباشا

[سامح حلمى]

المشاركة الأصلية كتبت بواسطة bodygard 34

شكله كده لا هو عيان ولا انت دكتور ..بتشتغلونا عشان العزومه ..ماشى ..انا بقى الصديق المخلص اللى قال له لازم تروح للدكتور سامح .. فى مكان ولا اجى بعربيتى؟؟

يا حاج محمد يا كبيرنا ده إحنا نيجى ناخدك من باب البيت
بس المهم هنروح فين؟ هى العزومة فين اصلا؟

[محمد جمال الشافعي]

المشاركة الأصلية كتبت بواسطة سامح حلمى

الف مبروك يا محمد بك اختيار ممتاز و سعر رائع و واضح انها من بيت أصيل
و بالمناسبة أنا الدكتور اللى طلبت لعمرو التحاليل و قولتله يغير جو بس طبعا تحت الإشراف الطبى (يعنى أنا جاى معاه فى اي عزومة)

اخي الفاضل د/ سامح
الله يبارك في حضرتك واتشرفت بمعرفتك وبمرورك الكريم وطبعا انت تشرفني سواء مع المريض بتاعك او من غيره مع اني ابتديت اشك في قصه المريض اللي مش حايخف غير بالعزومات ده وشكله كده عامله حجه علشان يزوغ من البيت

[محمد جمال الشافعي]

المشاركة الأصلية كتبت بواسطة bodygard 34

شكله كده لا هو عيان ولا انت دكتور ..بتشتغلونا عشان العزومه ..ماشى ..انا بقى الصديق المخلص اللى قال له لازم تروح للدكتور سامح .. فى مكان ولا اجى بعربيتى؟؟

ده انت لو ماشالتكش الارض اشيلك علي راسي ياحج محمد وليك بدل العربيه الف تجيب حضرتك من والي المكان اللي انت عايزه وكفايه ان نصيحتك لاخونا عمرو خلتني اتعرف علي د/ سامح ...، وهو كده انا كمان حضمن توصياته طبيه بالعزومات بعد كده

[أحمد هانئ]

الف مبروك ربنا يعطيك خيرها و يكفيك شرها ان شاء الله،

[ايهاب رشدى]

الف مليون مبروك على الطبنجه الجميله وان شاء الله يعطيك خيرها ويكفيك شرها وطنطا لها معزه غير عاديه فى قلبى ليها ذكريات غير عاديه

[محمد جمال الشافعي]

المشاركة الأصلية كتبت بواسطة أحمد هانئ

الف مبروك ربنا يعطيك خيرها و يكفيك شرها ان شاء الله،

الله يبارك في حضرتك يا احمد بك وشكرا علي مرورك الكريم ودعواتك الصادقه