[محمد حسام]

المشاركة الأصلية كتبت بواسطة bodygard 34

بعد اذن الاستاذ حسام طبعا..دى صور بعض اشهر انواع القروش الاول من اليمين قرش الحوت واللى الاستاذ حسام ذكره فى بداية موضوعه وهو مسالم جدا والغطاسين بينزلوا يلعبوا ويتصوروا معاه..والتانى الاشهر على الاطلاق ونجم السنما العالميه فى عديد من الافلام great white shark او القرش الابيض العظيم(الفك المفترس) والتالت tiger shark او قرش النمر(اسم على مسمى خصوصا فى البقع اللى على جلده) الرابع bull shark (واضح من شكله) والخامس احد اغرب اشكال الحيوانات عموما (سبحانك يارب)مش بس فى الاسماك hummer head او قرش المطرقه..والانواع من التانى للخامس لو قابلتها فى الشارع امشى فى شارع تانى احسن لك وموجود عندنا فى البحر الاحمر قرش النمر وقرش الثور والمطرقه وفى انواع تانيه زى العويس ابو نقطه سوده والعويس ابو نقطه بيضه وحاحاول انزل صورهم ودول برضه يتفات لهم بلاد..اما الباشا الابيض العظيم فده ماينزلش الحوارى الضيقه اللى زى البحر الاحمر ده مكانه فى المحيطات وحياته لغز كبير لأنه بيمشى لوحده (زى مابيقولوا الصحه ونس) ونظام اوديكى فين يا صحه لأنه بيلف نص الكره الارضيه ويرجع لمكانه تانى بدون سبب مفهوم .ده لوحده قصه كبيره

الف شكرا على المعلومات الجميله القيمه دى جزاك الله خير