طبعا كلنا شفنا وقرينا عن الطبنجه الاماراتى كاراكال..اهو هو ده الكاراكال القط البرى .. للأسف كان موجود فى مصر وكان عايش على حواف الدلتا يعنى مش وسط المناطق الاهله بالسكان ولا بعيد فى الصحراء.. وقابلته شخصيا واتعاملت معاه سنة 84 وانا فى الجيش..وبيخاف من البشر جدا ولا يهاجمهم ويمكن استئناسه مع قليل من الصبر والفراعنه استأنسوه هو والشيتا( الفهد الارقط) اللى هو اسرع حيوان فى العالم.. ولكن للأسف صاحبنا الكاراكال على وشك الانقراض بسبب خوف الانسان منه على حيواناته الداجنه..وهو ظهر لنا فى الجيش اثناء فترة تجنيدى لما الفئران زادت اعدادها وفوجئنا بصاحبنا عمل لنا شبه معجزه..وكان بياكله كل ليله اكتر من 10 فئران لما طفشهم..و شفته ناس صايدينه من حوالى سنه من ناحية صان الحجر وعايزين يسفروه الامارات لواحد غاوى تربية الحاجات دى هناك..اسمه عندنا هنا الوشق