الديك الهندى -المصارع
الديك الهندى او ديك المصارعه ديك متوحش وشرس جدا ويستخدم فى حلبات وميادين مخصوصه لممارسه هذه اللعبه التى يراهن الكثيرين بنقودهم عليها http://l.yimg.com/lo/api/res/1.2/6wr...7437_48505.jpg
يتم تربية ديك المصارعة وفقا لاسس معينة و بطريقة معينة منذ صغرة فيت غذاءة علي البيض المسلوق بصفة يومية و الفول المدمسالى هو غذاء الشعب دة بجانب طبعا الذرة عند بلوغ الديك سن سنة يتم تجهيزة للمصارعة و امصارعة بتكون بوقت معين و لازم الديكين المتصارعين يكونو في حجم واحدووزن واحد و ليس حجمين مختلفين و يتم تعليق الفلوس (الرهان)و الاتفاق علي الوقت الذي ستقوم فيةالمصارعة و ياخذ كل مربي وقتة لتجهيز الديك و يتم تجهيزة بالتدريب علي ديك اخر اضعف منة يسمي ديك التجاريب و ديك التجاريب دة بيبقي تمنة رخيصطبعا لانه بيبقى كبش فداء او كتكوت فداء:):D بعد تجهيز الديكو يجي يوم المضاربة و غاليا ما بيكن يوم جمعة صباحا قبل صلاة الظهر و يمتد الي ما بعد العصر لان بيكون في اليوم دة مضاربات كتيرة اوي بين كل الغاوين و تتم المضربة و الاتفاق بيكون ياما الديك يجري او يموت لو الديك انسحب او هرب وجري يبقي كدة خسر و في حالةوجود اتفاق ثانى يكون بالمصارعه والمضاربه حتى الموت كل ما الديك يجري يرجعوة تاني لحد ما يموتبفعل الضرب والاصابات وطبعا هذه اللعبه حرام لانها شبيهه بلعب القمار 0000وهذه صوره من احدى المصارعاتhttp://l.yimg.com/lo/api/res/1.2/TTd...sbou3-in-1.jpg واتمنى ان يعجبكم الموضوع :cool: |
رد: الديك الهندى -المصارع
موضوع ممتاز والله
انا شفت مره واحد بيبيع ديك فى السوق طول الديك حوالى تلات تربع متر وشكله متشحور كان واحد ضربه علقة بكرباج او كانه دخل فى سلك شائك تعرف هو عامل كام يا محمد بيك ؟ وهل بيبقا اليف مع الى مربيه ؟ وياترى ممكن يهاجمنى انا مثلا؟ ولو اتحط فى وسط فراخ عاديه مثلا هل ممكن يهاجمهم احسن انت عارف ممكن تكبر فى دماغى واشترى واحد واربطة تحت العمارة :) لو جنبك حد او محل تبقا كسبت فييا ثواب والله انا بتكلم بجد وانت عارف هنا مبيبعوش الا عصافير وسمك زينه وكلاب متقطقته حتى الكلاب الكبيرة مبلاقيهاش هنا , بلد مانجا انت عارف :)؟ الموضوع ده فى دماغى من زمان بس عيبهم بيبقا ديما شكلهم مش حلو ومتبهدلين تحياتى ليك يا اخى وصديقى العزيز |
رد: الديك الهندى -المصارع
اقتباس:
|
رد: الديك الهندى -المصارع
يبقا اتفقنا
طالما انت من هواة الحيونات الغريبه زى يبقا باذن الله انشاء الله بدون مقاطعه اذا عشت النزله الى جايه القاهرة باذن الله نتقابل باكر علشان نشترى حاجة من الحاجات دى 1-عاوز اشترى جوز حمام من حمام الزينه الى مبيتاكلش زى ابو نوفيخ ابو صدر احمر او جوز كينج يكونو دكر ونتايه 2- اجيب سلاحفاه صغيره للواد حودة علشان عاوز اعلمه العطف ميبقاش قاسى على الحيوان لانه عنيف معاهم قوى وده طبيعى علشان صغير ومش فاهم لسه سنتين ونص ولا تلاته 3- عاوز اجيب ديك من الديوك دول بس يبقا شكله حلو ومظهرة جميل لما تشوفه يعجبك لانى مره واحد فقط شوفت واحد عند القصر العينى عنده حيوانات ولقيته رابط ديك من الدويك دول رقبته كلها ريش احمر ودماغه زرقه وشكله فعلا جميل فعشان كده عاوز اجيب واحد والمكان موجود للتربيه علشان مظلمش معايا وزى منت شايف حاجات كلها معتقدش تعمل الف جنيه وحجمها صغير وباذن الله هحاول انزل بعربيتى او عربيه اى حد صديق علشان اجيبهم وانا جاى اتفقنا ؟ باذن الله نتقابل و نفطر سوا و ننزل السوق لو وقتك يسمح ونقعد مع بعض باذن الله تعالى ايه رايك؟ |
رد: الديك الهندى -المصارع
معاك يا حوبى بس تدينى خلفيه قبلها بفتره عشان الحق انزل واقابلك فى القاهره
|
رد: الديك الهندى -المصارع
باذن الله تعالى هقولك وانشاء الله هيبقا فى حدود شهر 7 اذا عشنا انشاء الله
والله نفسى اقابلك ونقعد نحكى ونتكلم براحتنا ربنا يصلح الحال يارب ويعمل الصالح وتحياتى يا اخى العزيز |
الساعة الآن 08:35 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
استضافة وتصميم : المصرية للأنظمة الرقمية والخدمات المتكاملة