طلعه الكوماندوز
5 مرفق
السلام عليكم.... أحلى واجدع صيادين فى مصر كلها أنهرده طلعت أنا والبشمهندس أحمد للمكان السرى بتاعى الساعه 9 صباحا ووصلنا حوالى الساعه 9.30 وبدانا فى وضع خطه الصيد وترتيب وتجهيز أماكن لينا(كل واحد ملتزم بحدود منطقته) وجهزنا البنادق وتأكدنا من السكوبات وعملنا خطه الكماشه وبردوا من داخل الغرف والممرات السريه قعدنا حوالى ساعه مفيش ولا فرد جه لكن فجاه نزل الحمام وكانه سيل من السماء ومبقناش عارفين ننشن على ايه ولا ايه من كثرته المهم التزمنا الهدوء لمده دقيقه واستخدمنا أشارات اليدين والموبايلات فى تضبيط الضرب والحمد لله ربنا رزق ب5 فرادى فى حوالى 10 دقائق وطبعا انت عارفين صوت الديانا والبام 22 عامل أذاى خاصه فى مكان شبه مغلق والرنه فى الحوائط المهم قعدنا نصطاد والغفير بتاع المكان يلم وفى الاخر وجدنا الغفير دابح الحمام ومنضفه وفى حله على النار كمان يعنى طازه بطازه على رايه طبعا هو مش فاهم موضوع الصور والتصوير لكن الحمد لله صورنا اللى لحقناه لكن الحق والحق يقال صيد الحمام البرى من امتع ما يكون وخاصه لومعاك 2 سفاحين الديانا والبام 22 والله والله الحمام بيتفجر قبل مابينزل وأسيبكم مع الصور ويا رب تعجبكم.......
|
رد: طلعه الكوماندوز
هاش اليوم الجامد دا يا بشمهندس...
الصراحة كنا عاملين أحلي شغل النهاردا |
رد: طلعه الكوماندوز
|
رد: طلعه الكوماندوز
اقتباس:
قولي.. جبت بندقية ولا لسه؟؟ ويا تري البام ولا إيه والله كنا في سيرتك النهاردا بس عارفين إنك مشغول اليومين دول |
رد: طلعه الكوماندوز
والله لسه مجبتش باذن الله قريبا وانتو واحشني والله لما تيجي لازم تعدي عليا بدل ما انزلكو الهرم اكبس عليكو هههههههه بس ايه الصيد الجميل مشاء الله المره الجايه معاكو باذن الله
|
رد: طلعه الكوماندوز
ياريت لو في طلعة قريبة يكون في نصيب فيها ان شاء الله
|
رد: طلعه الكوماندوز
الله ينور ياكبير
ماشاء الله عليك الموضوع مش موضوع بندقية ولا حاجة الموضوع موضوع صياد وتسلم ياغالي على رحلاتك الجامدة |
رد: طلعه الكوماندوز
جامد يا استاذى
|
رد: طلعه الكوماندوز
ماشاء الله
|
رد: طلعه الكوماندوز
ايه يا بشمهندسين الحلاوه دى..............والله شكلكوا هتطلعوها ف دماغى...............
الله ينور............ بقولكوا ايه ...قولولى اسعار البنادق دى و التلسكوبات و الطلقات.... |
الساعة الآن 07:14 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
استضافة وتصميم : المصرية للأنظمة الرقمية والخدمات المتكاملة