|
لادا نيفا
|
رد: لادا نيفا
كانت دايما سياره قائد الفرقه
فيها دفع رباعى وفيها فتيس غرز وكانت عربيه اعتماديه لابعد الحدود بس لو فى حد يعرف عنها ايه تفاصيل ياريت يقولنا لانى شوفت منها جديد زيرو بيتباع فى الامل بشارع التحرير من فترة يعنى مثلا قطع غيارها عامله ايه سحبها سرعتها الحموله عدد السى سى استهلاكها للبنزين يعنى يعملها تقييم شامل لانها اكيد ارخص من اى عربيه جيب دفع رباعى وابقا شاكر ليه جدا جدا جدا جدا وتحياتى ليك يا محمد بيه يا مظبطنا :) |
رد: لادا نيفا
موضوع جميل .. إنت شكلك كده قومتها في دماغي أجيب العربية دي..
يس هل كل الي بيتزل منها 4*4 ؟؟ |
رد: لادا نيفا
اقتباس:
الطراز دفع رباعي المحرك الاساسي 4 / 80 / 1.7 المحرك الاختياري غير متوفر منظومة الدفع رباعى ناقل الحركة يدوى 5 الطول 3740 العرض 1814 الارتفاع 1640 قاعدة العجلات 2200 وزن السيارة 1210 سعة خزان الوقود 42 من 0 الى 100 كلم 19 السرعة القصوى 137 معدل استهلاك الوقود 11.4 |
رد: لادا نيفا
ايه الخشونة و الحﻻوة دى
هى دى قاهرة المعز و على و فوزى و اى حد 1700 سى سى يمتازوا بالخشونة و السخونة فيه منها جديد زيرو بالتكييف سعرها حاليا 68000 |
رد: لادا نيفا
اقتباس:
وكيلها هو شركة الامل قطع غيارها موجودة عشان هى هى القديمة بالضبط ماعدا الفوانيس الخلفية تقريبا سعرها زى ما تريجر قال و طبعا ما تستهلوش لانها بتسخن بسرعة اوى بالذات لو التكييف شغال ميزة العربية دى من وجهة نظرى فى الشاسيه و الصاج و ان مفيش عربية زيرو دلوقتى فيها فتيس غرز بالسعر ده فى الدنيا كلها يعتمد عليها الجيش المصرى الى الان و للابد :) |
رد: لادا نيفا
تسلم ايد يا محمد بيه الله ينور
ايه اخبار السعر وتوافر قطع الغيار ؟وسعر قطع الغيار زى اللادا ال 2107 ولا اغلا؟ وتسلم الايادى مقدما |
رد: لادا نيفا
اقتباس:
متشتريهاش زيرو طبعا .. اشترىها مستعملة و وفر فلوسك و انا اؤيدك تماما فى شرائها لانها مفيدة جدا و حمالة اسية و اى حد يضايقك و انته سايق ممكن تخبطه من غير ما تحس بيه و طبعا ليها هيبة و الكل يخاف يخبط فيها عشان صاج القطر المصنوعة منه |
رد: لادا نيفا
اقتباس:
انا اعرف كل الادا القديم خشن علشان سير الكاتينة (timing belt) جنزير مش كاوتش زى بقيه العربيات اه مبيتغيرش الا كل 20 سنه بس بيعمل خشونه ولكن الجديد منها بردو خشن ؟ وموضوع السخونه ده بيتعالج عن طريق تغيير الثرموستات بتاع مروحة الريدياتير بيركبلو واحد على درجة حرارة زى بتاع الفيات50 درجة لان الاصلى بتاعها 95 درجة يعنى المروحه بتشتغل لما الموتور بيولع بس :) وشكرا لمعلومات حضرتك الى مغرقانا |
رد: لادا نيفا
اقتباس:
هههههههههههههههه والله ينور عليك يا جنرال انا مليش نصيب مع الناعم خالص بعمل حوادث :) انشاء الله فى مشوار قدامى اسده وباذن الله حتاج حاجة اكبر شويه بس بينى وبين معاليك عيبها الوحيد بالنسبه لى بعد الى قريته ده كله هو شكلها مشهتبقا عارف الرعبيه دى مشيا بوشها ولا راجعة بضهرها شكله ملخفن كدة ومش عاطفى بس اعتماديه لابعد الحدود وقليله الاعطال وهو دة الى انا بحتاجة فى سفرى من البحر الاحمر للغردقه الماتريكس مستعمله دلوقتى ب 70 الف تخيل اجيب النص نقل دى زيرو وبالتكيف وبالسعر ده وتحياتى لمعاليك وارجو النصيحة من خبرة حضرتك |
| الساعة الآن 06:24 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
استضافة وتصميم : المصرية للأنظمة الرقمية والخدمات المتكاملة