المساعد الشخصي الرقمي

مشاهدة النسخة كاملة : حصريا المسدس المعجزة Walther CP88 صيانته وتلافى عيوبه من الالف للياء


kefafy
04-12-2012, 04:25 PM
السلام عليكم ورحمه الله وبركاته
اخوانى واحبائى فى الله احب اقدم لحضراتكم موضوعى الشامل وليس الكامل لان الكمال لله
عن المسدس الرش او الغاز ولتر سى بى 88 Walther Cp و الشرح لكل شىء خاص بالمسدس هو شرحى وغير منقول حتى الصور هى صور حصريه للمسدس وهو مفكوك قطعه قطعه , والموضوع بمجمله حصرى لمنتدى صيادين مصر.
ولو حد شاف جزء من هذا الموضوع فى منتدى اخر هيلاقينى انا الى كنت عمله قبل كده بمسدسى وفى شقتى كمان :) , ولكن الموضوع كمجمل بكل هذة البنود و بكل الصور لا يوجد على اى منتدى من المنتديات العربيه او المصريه .
معلومات اوليه :
هذا المسدس يوجد منه اصدارتين
1- CP88 العادى (ماسورة طول 4 بوصه )
(اسود / نيكل) و المقبض ( اسود بلاستيك / خشب طبيعى )
2- CP 88 Competition الطويل (ماسورة طول 6 بوصه ) مرفق صورتين له فى المشاركة التاليه

(اسود / نيكل) و المقبض ( اسود بلاستيك / خشب طبيعى )
والمسدس الذى املكه وساقوم بالشرح عليه هو الاول بيد سوداء كما هو موضح بالصورة ( 010)
المواصفات
الوزن : كيلو و 40 جرام
الطول الكلى : 18 سنتى
طول الماسورة الداخليه : 10 سنتى
السرعة : 120 متر فى الثانيه وبالماستر بوينت مقاسه اعلى من 130 متر فى الثانيه

المرمى الؤثر : 15 متر كافى لاسقاط غراب (عن تجربه) المرمى الكلى كما هو مذكور بالكتالوج (قد يسبب الاصابه فى مرمى 400 يارده او 366 متر
العيار : (رش / بلى) 4.5 مللى (لا يزيد طول الرشايه عن 6.5 مللى طولا)
العيار المقترح من قبل الشركة المصنعه : الرش الهنتر فقط
انسب عيار مدمر تم استخادمه وتجربته : جامو ماجنوم / جامو ماتش
الخزينه : خزينه مستديره سعه 8 رشات
النيشان الخلفى : تعديل للرياح افقى يمين ويسار
الامان : امان خلفى بفصل الابرة نهائيا لاعلى عن الشاكوش
المواد المصنعة : معدن قوى وليس من الحديد الخام او الصلب
نظام الضرب : سنجل / دبل اكشن
انبوبه الغاز : 12 جرام تكفى لضرب من 30 الى 40 رشايه بنفس القوة وتكفى حتى 65 رشايه بقوة اقل بشكل غير ملحوظ ويتم تركيبها باليد.
وضع الاستعداد : بعد وضع الانبوب تكفى فى حدود اسبوع بنفس القوة / وممكن ان تظل فى وضع انتظار حتى ثلاث اسابيع ولكن ستكون قوة الرشايه اقل ويعتبر حمل زائد على الجلبه.
الجهة المصنعه : المانيا
الاصل : هو نسخة طبق الاصل للمسدس للولتر بى 88
العيوب : نظرا لتساع فتحة الشيز الخلفى وعرض حجم سن نمله الدبانه يصعب التصويب به على الاهداف البعيدة وسيتم معالجة هذا فى نفس الموضوع
طريقه الفك و التركيب :
يوجد صورة مرفقه Assembly Diagram ونحاول نخليها قدامنا لو هنبدا نفك علشان اللخبطة وناخد بالنا من السوست الصغيرة علشان متنطش ونفرد قطعه من القماش الابيض الكبير وذلك علشان اى حاجة ممكن نلاقيها على اللون الابيض


1- وضع الامان على وضع الضرب وليس الامان
2- يتم فك مسمار الجهة اليمنى الموجود بالامان
3- يتم خلع مجموعه الامان من الجهة اليسرى ببطىء والحرص من قفزة سوسته الابرة و الابره
4- يتم فتح كوبرى المسدس كانك هتعمرة ببكرة ولكن يتم فك المسمار الموجود اسفل الكوبرى وسحب الكبرى ببطىء وبحرص لانه تحت ضغط سوسته الكوبرى
5- وبعدها ستصبح الطبنجة كما هى موضوحه بالصورة 002
6- فى الصورة رقم 004 كافه رؤس الاسهم تشير على السوست الصغيرة التى ممكن ان تقفز فعليك الحرص
7- فى الصورة 005 تشير الاسهم الخضراء الى كافه الروافع و الادله و الشاكوش ويجب الحرص ايضا من فقدان اى شىء فيهم
8- فى الصورة 006 يتضح الاتى
a) وهو الجزء الرافع بين الزيناد و البلف (متلقى الاوامر )
b) ناق حركة الشاكوش
c) بنز فرمله الشاكوش ويجب الحرص منه ومن فقدانه
d) سوسته الضغط على الانبوبه التى يتم غلقها على الانبوبه لاحكام الغلق
e) رافعه تحريك الخزينه لاعلى (الخزينه مستديرة وعند الضرب يقوم هذا الذراع بلف الخزنة حول نفسها لتنتقل من رشه للرشة التى تليها )
f) يتم تثبيت الماسورة عليها وربطها فى جسم المسدس
9- فى الصورة 003 وتركتها مؤخراً لكى يتم الحذر الشديد حيث ان بعد فك الكوبرى يجب الضغط كما هو موضوح فى الصورة بعصى خشبيه كى لا يطير بليه قفل الكوبرى (الكوبرى منزلق للامام والخلف ويفتح ويغلق لكى يتم تلقيم خزينه وراء الاخرى ولكى يتم احكام الاغلاق تم عمل زر جانبى من الجهة اليسرى لفتح الكوبرى عند الضغط علي)
فيجب الضغط بعصى او بمفك وخلع هذة البليه او النز الصغير وسوستته الصغيرة واستخدمت العصى كى لا يتم تجريح جسم المسدس ثم الضغط بمفك الان كيه صغير كى يتم تحرير القفل كله من المسدس

ولتلافى عيوب المسدس كما هو المذكور اعلاه وذلك عن طريق عمل نيشان فوسفورى للمسدس وبعدها انتهى تماما عيوب هذا المسدس القيم والصور من 007 الى 009 توضح المسدس بعد تعديل النيشان وتجميعه .

المكونات :
1-لزق فسفورى(اصفر , برتقالى , احمر اى لون يريحك) من اى محل اكسسوارات سيارات (بيستحمل الشمس والغسيل وكل العوامل وبيقعد فى السنين على العربيه ويوم متحب تشيله هتشيله بسهولة )
2-كتر للتقطيع
3-مسطرة

بعض النقط التى يجب مراعاتها :
1-يجب تجفيف سن نملة الدبانه وفتحة الشيز جيدا من اى اثار زيوت او اوساخ لان ممكن يتسبب فى خلع اللزق بسهولة
2-احذر التعامل بالقطر لان الاصابه به خطرة وعميقة

طريقة العمل :
1-خد مقاس سن نملة الدبانه وتسيب فراغ يمين وشمال سن نملة الدبانة بحيث تكون الشريط الرفيع بتاع الفسفور فى المنتصف بالمللى ويكون حوليه اللون الاسود الاساسى بتاع السن بالنسبة لى عمل واحد ونص مللى وفى حوالى نص مللى فراغ يمينه وشماله زى الى فى الصور
2-فتحة الشيز بقا فيها جزء يمين وشمال هتاخد مقاس جزء واحد وهتسيب فراغ اسود حوليه وبعد كدة ترسم المربع ده على ضهر اللزق الفوسفورى وتقوم بقصه بالقطر و المسطرة زى سن نملة الدبانة
3-تقوم بالغضط جيدا على كل الاجزاء التى تم لصقها ثم بالاستشوار على السخن توجه ناحية الملصقات وبعض كدة تضعط ضغط مستمر وبكدة تبقا خلصتها خالص

الفوائد :
1-سرعة التجميع فى اقل من نصف ثانية
2-زيادة دقة التصويب بشكل مش طبيعى
3-التصويب الدقيق جدا حتى فى الاماكن الشبه مظلمه كما فى الصورة حتى ولو الهدف نفسة مظلم او الخلفيه مظلمه
4-سهولة التصويب من الاشخاص الى مبيقدروش يغمضو عين ويفتحو التانية ممكن تنشن وانت مفتح بمنتهى السهولة
5-سهل جدا فى التصويب لو ضربت بالتوجيه واكثر من طلقة ورا بعض
6-يصلح لكل انواع مسدسات المعدنية سواء غاز او حى (التى لايوجد بها من الاصل) الصوت لا طبعا علشان صوت file:///D:/DOCUME%7E1/Owner/LOCALS%7E1/Temp/msohtmlclip1/01/clip_image001.gif
7-جودة الزق لا يمكن تطلع الا لو انت عاوز تطلعها بقا file:///D:/DOCUME%7E1/Owner/LOCALS%7E1/Temp/msohtmlclip1/01/clip_image001.gif

نهاية :
المسدس كما هو موضح تفصيليا بكل الصور المرفقه وواضح جدا شكل الخامات المستخدمه فى تصنيعه من اجود انواع مسدسات الرش فى مصر ومن فتره قريبه عالميا وذلك قبل ظهور بعض الموديلات مثل الكولت نمره 2 مش نمره واحد ;)
ارجو ان يكون الشرح واضح ومستوفى لكل البنود
و اعتذر اذا سقط او اخطأت فى شيئا واذا حدث بسيكون سهوا
وتحياتى لكل اخوانى بالمنتدى واخص بالشكر
استاذى الجنرال كومباكت واخى الاكبر الحااج محمد بودىجارد و اخى العزيز محمد بيك لطفى و اخى المحترم الرجوله تريجر و استاذ محمد كمال المحترم
كلهم بمعزة اخواتى واهلى بظبط

نفسى اعمل موضوع صور وفيديوهات فقط بس للاسف مش عارف بتأفور منى بس والله علشان عموم الفائده زاسف للاطاله

وتحياتى لكل اخوانى بالمنتدى العزيز المحترم

kefafy
04-12-2012, 04:28 PM
CP 88 Competition الطويل (ماسورة طول 6 بوصه )

Compact
04-12-2012, 04:37 PM
موضوع رائع من خبير محنك :)

قناص الظلم
04-12-2012, 04:41 PM
موضوع رائع من خبير محنك :)
فعلا يا جنرال تميز وابداااااااااااااااااع

kefafy
04-12-2012, 04:41 PM
موضوع رائع من خبير محنك :)
الحمد لله انه عجب حضرتك وياريت سرد الموضوع يكون كافى جدا وتفصيلى
والى باسطنى يا جنرال ان عجب حضرتك

kefafy
04-12-2012, 04:50 PM
فعلا يا جنرال تميز وابداااااااااااااااااع
والله انا فرحان جدا انه عجب حضرتك يا محمد بيك
ومبسوط قوى علشان حصرى لمنتدانا الغالى
فى كتيير قوى معاهم المسدس ده وبيحتارو فيه اساسا لانه مكعبل وكله سوست وحاجات بتطنت
فلما يدورو على الموضوع ويلقوه فى الجوجل انه مسجل فى منتدانا ده فيه مصلحة كبيرة جدا
ودعايه وشغل عالى :) وكل مكان المنتدى مواضيعه حصريا فى اى مجال كل مكان بقى فى موضع قوه مقارنه بالمنتدايات المنافسه له
وتحياتى ليك يا عبقرى المنتدى كله

Compact
04-12-2012, 05:10 PM
الحمد لله انه عجب حضرتك وياريت سرد الموضوع يكون كافى جدا وتفصيلى
والى باسطنى يا جنرال ان عجب حضرتك

ده يعجب الاعمى يا ابو محمود

كفاية المجهود المنقول من تجربتك الشخصية

kefafy
04-12-2012, 05:32 PM
ده يعجب الاعمى يا ابو محمود

كفاية المجهود المنقول من تجربتك الشخصية
ربنا يعزك يفندم وياريت افضل عند حسن ظنكم
وتحياتى يفندم

المدير العام
04-12-2012, 06:06 PM
مشاء الله موضوع متكامل وشرح وافي مشكوور

kefafy
04-12-2012, 06:12 PM
مشاء الله موضوع متكامل وشرح وافي مشكوور

يكفى تشريف حضرتك للموضوع يفندم

محمد كمال المحامي
04-12-2012, 06:16 PM
انت بقيت مبدع يا ابو محمود

ما شاء الله عليك وعلى شرحك

تسلم يا غالي

Trigger
04-12-2012, 06:37 PM
ايه الجمال ده يا ابو محمود. ده احلى من اى اعﻻن عملته شركة والتر لمسدساتها. موضوع ممتاز و يستحق التثبيت

kefafy
04-13-2012, 09:18 AM
انت بقيت مبدع يا ابو محمود

ما شاء الله عليك وعلى شرحك

تسلم يا غالي


حبيبى وصديقى واخى الاكبر محمد بيك كمال
الحمد لله ان الموضوع عجبك والله
هوايه الصيد و البنادق والرش دى من زمااااااااااااااااان من ايام الصف :)
بس بفضل الله مبنساش حاجة واعرف افك واركب اى حاجة املكها
وشرفت الموضوع

kefafy
04-13-2012, 09:23 AM
ايه الجمال ده يا ابو محمود. ده احلى من اى اعﻻن عملته شركة والتر لمسدساتها. موضوع ممتاز و يستحق التثبيت
ياااااااااااه كلام جميل قوى منك يا محمد باشا
فعلا حبيبى وصديقى وزميل سلاح وطول عمرك مثال للادب والاخلاق و المثل العليا
بس سيبك انت ايه رايك فى الخامات بتاعه المسدس ده ؟؟
تعرف يا أحمد باشا ان فعلا حتى سنتين فاتو المسدس ده كان افضل مسدس رش فى العالم من حيث الخامات و جودتها وقله الاعطال
انما فى السرعه البيريتا البى اكس و البيريتا البى 2
بس من سنتين شركة ولتر عملت نسخة الكولت 1911 بس عملوه بيضرب نمره اتنين 5.5 مللى وسرعته 120 متر فى الثانيه زيه زى نمره واحد
وبنفس خامات الولتر كدة علشان كده الكولت حل محل الولتر فى جودة الخامات و السرعه
النزوله الى جايه بتاعتك بقا انشاء الله هبعتلك عنوانهم فى انجلترا ولى صديق هناك معاه واحد ومجربه وبيقولى عنه البدع
وتحياتى ليك يا خبير الخبراء

kefafy
04-13-2012, 09:32 AM
بالنسبه لموضوع التثبيت مفيش مشكلة اهو موجود فى المنتدى وخلاص اتثبت مثبتش الحمد لله انه موجود
بس متهيئلى لو حد بحث فى الجوجل هيطلع له عادى ؟؟ مش عارف بقا تقنيا ايه الموضوع

aybek
04-13-2012, 07:07 PM
بعد ما قرأت موضوع حضرتك ندمت اني بعت اللي كان عندى مع انه مش خسارة في السيد الفاضل اللي كان من نصيبه , شكرا جزيلا . تحياتي

kefafy
04-14-2012, 08:37 AM
بعد ما قرأت موضوع حضرتك ندمت اني بعت اللي كان عندى مع انه مش خسارة في السيد الفاضل اللي كان من نصيبه , شكرا جزيلا . تحياتي
ا.جمال يستاهل كل خير راجل محترم جدا جدا ومتخيرش عن حضرتك
وشرفت الموضوع يفندم
بينو مصر الجديدة عرفت امبارح ان عنده الاصدارتين ال 4 بوصة و الكومبيتيشن ال 6 بوصه
الاول ب 2800 و الثانى ب 3100
وتحت امرك يا ايبك باشا

Compact
04-14-2012, 08:54 AM
ا.جمال يستاهل كل خير راجل محترم جدا جدا ومتخيرش عن حضرتك
وشرفت الموضوع يفندم
بينو مصر الجديدة عرفت امبارح ان عنده الاصدارتين ال 4 بوصة و الكومبيتيشن ال 6 بوصه
الاول ب 2800 و الثانى ب 3100
وتحت امرك يا ايبك باشا

غالى اوىىىىىىىىىىىىىىىى

ب 75 دولار بره المحروسة

Compact
04-14-2012, 08:57 AM
ايه الجمال ده يا ابو محمود. ده احلى من اى اعﻻن عملته شركة والتر لمسدساتها. موضوع ممتاز و يستحق التثبيت

ابو احميييدددد يا بتاع الاعلانات :)

kefafy
04-14-2012, 10:10 AM
غالى اوىىىىىىىىىىىىىىىى

ب 75 دولار بره المحروسة
لالالالا ده من فتره يا جنرال
سعره الان فى الولايات المتحدة من 230 الى 300 دولار
http://www.airgunwarehouseinc.com/py-358.html


والديانا 54 الاير كينج من 640 الى 750 دولار
يعنى ضعف ثمن الولتر
http://www.pyramydair.com/s/m/Diana_RWS_54_Air_King/398

ولو قلنا ان ال 54 عامله 7000 جنيه فى مصر يبقا المفروض الولتر يعمر 3500 جنيه

:)
نظريه بردو :)
بس طبعا العرض و الطلب بيبقا عليه عامل كبير


طبعا الاسعار رفعت عندهم بعد الثورة بتاعتنا برود
ههههههههههههههههههههههههههههههههههههههههههههه
هههههههههههههه
الثورة اثرت عليهم بردو يا جنرال :)

kefafy
04-14-2012, 10:19 AM
ابو احميييدددد يا بتاع الاعلانات :)
مفيش تعليق واحد قاله احمد بيك الا لما تلاقيه معناه حاجات كتيير قوى
جزاه الله خيرا

ابراهيم بسيونى
05-04-2013, 04:35 PM
انا ضيف جديد علي هذه الرياضة لذا ارجوا معرفة
كيفية استخدام هذا المسدس
هل مسدسات الرش تضرب ضربات متتالية ام انها تحتاج للتعمير فى كل مره

Trigger
05-04-2013, 04:55 PM
انا ضيف جديد علي هذه الرياضة لذا ارجوا معرفة
كيفية استخدام هذا المسدس
هل مسدسات الرش تضرب ضربات متتالية ام انها تحتاج للتعمير فى كل مره

مسدسات الرش 3 انواع
1- ضغط هواء بنظام السوسته : تعمير كل ضربه (كسر - عتله)
2- ضغط هواء بنظام الشحن (pcp) : مجموعة من الرش بدون تعمير لكل ضربه
3- ضغط غاز ثانى اكسيد الكربون (انابيب co2): مجموعه من الرش او البلى بدون تعمير لكل ضربه

ابو علي خليل
05-04-2013, 05:15 PM
موضوع متميز جدا ينم عن خبرة و دراية جيدة جدا بالمسدس موضوع الشرح ..
شكرا للاخ الفاضل صاحب الموضوع ..و شكرا للاخوة الزملاء في المنتدي ..كل يوم بنتعلم منكم حاجة جديدة

هشام الرفاعى
06-06-2013, 11:11 PM
الله يباركلك ويفتح عليك
انا صديق جديد فى المنتدى
عندى مسدس والتر cb99 فكيتو عشان اعملو صيانة ههههههه هههههههههههه معرفتش اجمعو تانىهههههههههه تكون مشكور لو حضرتك دلتنى على حد يصلحولى 01145500798
والف شكر منى ليك ولاسرة المنتدى

Trigger
06-07-2013, 03:27 AM
الله يباركلك ويفتح عليك
انا صديق جديد فى المنتدى
عندى مسدس والتر cb99 فكيتو عشان اعملو صيانة ههههههه هههههههههههه معرفتش اجمعو تانىهههههههههه تكون مشكور لو حضرتك دلتنى على حد يصلحولى 01145500798
والف شكر منى ليك ولاسرة المنتدى
الcp99 و الcp88 غلسين جدا فى فكهم و تركيبهم
ممكن تجبهولى المحل بس المهم ميكونش فيه قطع ناقصة لان قطع غيارهم غالية جدا ان وجدت اصلا