المساعد الشخصي الرقمي

مشاهدة النسخة كاملة : قررت اشترى حلوان 920 ب 27000 جنيه


أشرف صبرى
04-01-2012, 11:30 PM
أنا قررت اشترى حلوان 920 ب 27000 جنيه من المصنع لأنى بعد دراسة السوق اكتشفت إن ده أحسن حل لأنى مش لاقى أنواع محترمه بالسعر ده....ودورت كتير

ارجوكم إبداء رأيكم فى قرارى....بس ياريت اللى يقول رأيه يكون عارف ظروف السوق يعنى ميقولليش لأ دا كتير و خلاص

مع الشكر للإخوه جميعاً

Compact
04-02-2012, 02:34 AM
أنا قررت اشترى حلوان 920 ب 27000 جنيه من المصنع لأنى بعد دراسة السوق غكتشفت إن ده أحسن حل لأنى مش لاقى أنواع محترمه بالسعر ده....ودورت كتير

ارجوكم إبداء رأيكم فى قرارى....بس ياريت اللى يقول رأيه يكون عارف ظروف السوق يعنى ميقولليش لأ دا كتير و خلاص

مع الشكر للإخوه جميعاً

اسمحلى اضع نفسى مكانك و اقولك رأيى

لو مثلا طبنجة بريتا او ستار اسبانى بتضرب 9مم قصير حتبقى احسن و أوفر من الحلوان920
ولو طبنجة بتضرب عيار 7.65 مستوردة معاها 50 طلقة برضوا حتبقى احسن و اوفر بكتيييير قوى
او لو قدامك 920 القديم حيبقى ارخص و احسن من الجديد فى الماسورة بالذات

سيبك من ان الحلوان ماسك سعره فى السوق المصرى (ما طار طير و ارتفع حتى اذا طار وقع) ... يعتى لما سعره 4500 جنيه و يوصل فى اقل من سنتين لما يقارب ال27000 جنيه

و الحاجات دى نصيب فى الاول و فى الاخر زى العربيات كده و ممكن تلاقى نفسك معاك ترخيص بطبنجة تانية غير ال920

انا معرفش تصريح الشراء عندك فاضل فيه مدة اد ايه بس ممكن تجدده قبل ميعاد انتهائه و تدى لنفسك وقت تدور فيه احسن

و ربنا يرزقك بالطبنجة اللى تتمناها و يكفيك شرها

القانوني
04-02-2012, 09:47 AM
مع وافر احترامــــــــــــــــي لجنرال المنتدى
ولاكلام بعده
أرى أخونا الفاضل أنه معروض في السوق اسباني 9 مل قصير ومعه طلقات بمبلغ عشرة آلاف جنيه
كما أنني أعرف ناس ورثه لديهم حلوان 51 ممكن تخلص على أقل من كده بكثير
يعني من الواضح ان حضرتك لم تبحث جيدا وارجوك لاتغضرب مني
فقط نتمنى لك الخير
والله الموفق

kefafy
04-02-2012, 10:34 AM
مع وافر احترامــــــــــــــــي لجنرال المنتدى
ولاكلام بعده
أرى أخونا الفاضل أنه معروض في السوق اسباني 9 مل قصير ومعه طلقات بمبلغ عشرة آلاف جنيه
كما أنني أعرف ناس ورثه لديهم حلوان 51 ممكن تخلص على أقل من كده بكثير
يعني من الواضح ان حضرتك لم تبحث جيدا وارجوك لاتغضرب مني
فقط نتمنى لك الخير
والله الموفق
--------------------------------------------------------------------------------------

القانوني
04-02-2012, 11:57 AM
السلام عليكم ورحمه الله وبركاته
هو الجنرال الى لم يبحث جيدا ولا حضرتك اللى لم تبحث جيدا ؟
اذا كان على الجنرال الراجل مفيش مكان فى الرخصه بتعته يثبت فيها ابره
انما حضرتك مختار اسؤ اصدار للحلوان ولو كانت محترمه كانو خلوه هو التسليح الاساسى للدخليه و الجيش
يعنى لو حضرتك جبت 51 يبقا احسن لان بعد 5 خزن ال 920 الششخانات هتتاكل حضرتك
وبالفعل 27 الف جنيه فى مسدس زى ده مع احترامى لحضرتك يبقا لاقى فلوسك ومش تعبان فيها
ممكن تدفعهم فى حاجة استيراد افضل وتكمل عليهم كمان مفيش مشكله
ونتمنى لك الخير ايضا وتحياتى

أرجو التوضــــــــــــــــــــيح
كلامك موجه لي أنـــــــــــــا أم لصاحب الموضوع
ضروري جدا من فضلك لأنك اقتبست مشاركتي وخلطت الحابل بالنابل

القانوني
04-02-2012, 12:04 PM
الاستاذ أشرف صبري المحترم
من باب التعاون
تفضل
هذه المعلومات التي أشــــــار بها جنرال المنتدى المحترم
طبنجة روسى 9 مم قصير و خزنة اضافية و الجراب الجلد الاصلى و الحاربى الاصلى و عدد 40 طلقة مرخصة و بندقية خرطوش بلجيكى متنكلة بروحين مرخصة لاصحاب التراخيص فقط مطلوب 10000 ج للطبنجة و 7000 ج للبندقية نهائى بدون فصال 01119190300

مع وافر تمنياتنا لك بالتوفيق

قناص الظلم
04-02-2012, 12:12 PM
أرجو التوضــــــــــــــــــــيح
كلامك موجه لي أنـــــــــــــا أم لصاحب الموضوع
ضروري جدا من فضلك لأنك اقتبست مشاركتي وخلطت الحابل بالنابل
لمعاليك رساله عالخاص

kefafy
04-02-2012, 01:02 PM
أرجو التوضــــــــــــــــــــيح
كلامك موجه لي أنـــــــــــــا أم لصاحب الموضوع
ضروري جدا من فضلك لأنك اقتبست مشاركتي وخلطت الحابل بالنابل
انا اعتذر لحضرتك لانى فهمت غلط وفعلا خلط الحابل بالنابل والنت فصل ولسه واصل
ولحضرتك الف شكر

قناص الظلم
04-02-2012, 01:29 PM
انا اعتذر لحضرتك لانى فهمت غلط وفعلا خلط الحابل بالنابل والنت فصل ولسه واصل
ولحضرتك الف شكر وانا اشهد على ذلك

القانوني
04-02-2012, 03:20 PM
انا اعتذر لحضرتك لانى فهمت غلط وفعلا خلط الحابل بالنابل والنت فصل ولسه واصل
ولحضرتك الف شكر

اعتذارك غير مقبول

فليس بين الاخوة اعتذار ونحن أخوه ياعزيزي

وكلنا تلامـــــــــــــيذ الجنرال ولو لاحظت أنا كتبت
لا كلام بعد كلام الجنرال

أحبك في الله

القانوني
04-02-2012, 03:21 PM
وانا اشهد على ذلك


وانا اشهد انك صديق فاضــــــــــــــــــــــــل

كل التحية والتقدير والاحترام للجمــــــــــــــــــــــــــــيع

bodygard 34
04-02-2012, 04:03 PM
لو الروسى اللى قايل عليها اخونا القانونى متاحه فعلا تبقى فى الجون خصوصا ان معاها 40 طلقه واعتقد تكون افضل من الحلوان بأى حال من الاحوال..تحياتى للجميع انا مشغول شويه اليومين دول بافتتاح محل جديد.. ادعو لى

محمد حسام
04-02-2012, 04:36 PM
لو الروسى اللى قايل عليها اخونا القانونى متاحه فعلا تبقى فى الجون خصوصا ان معاها 40 طلقه واعتقد تكون افضل من الحلوان بأى حال من الاحوال..تحياتى للجميع انا مشغول شويه اليومين دول بافتتاح محل جديد.. ادعو لى

ربنا معاك انشأ الله

أشرف صبرى
04-02-2012, 04:42 PM
أنا أشكر الأب العزيز الجنرال و أشكر سيادة المستشار ( القانونى ) و الاستاذ كفافى و الاخ بودى جارد و صديقى محمد حسام و انا اخذت بنصائحكم و اشتريت الروسى من زميل....ولكن هناك عطل انا مش متأكد منه فأرجو من الخبراء ( أرجو بشده ) أن يتصلوا بى للاستفسار عن العطل و لابداء المشوره ان كان هذا العطل جوهرى ام لا.....
انا تليفونى 01097705881
او ارجو من الاخوه الخبراء ترك رساله بتليفونهم لى على الخاص ضرورى و بسرعه علشان انا قلقان من اذا كانت الطلقات مكدبه وللا العيب ف ابرة ضرب النار

معلش انا مش عايز اكمل هنا...ارجو الاتصال او ترك رساله ع الخاص بالتليفون

القانوني
04-02-2012, 05:38 PM
ألف مبروووووووووووووووووووووووك

ربي يكفيك شرها

في كل الاحوال لاتقلق سهل جدا الاصـــــــــــــلاح

المهم انك اشتريت

نكرر التهاني والتبريكات

أشرف صبرى
04-02-2012, 05:43 PM
ألف مبروووووووووووووووووووووووك

ربي يكفيك شرها

في كل الاحوال لاتقلق سهل جدا الاصـــــــــــــلاح

المهم انك اشتريت

نكرر التهاني والتبريكات

ربنا يكرمك سيادة المستشار

Compact
04-02-2012, 09:14 PM
اشكركم جميعا على روح المودة و التصالح الجميلة بينكم ... هذه اكبر دلالة على مدى احترامكم لنفسكم و للآخرين ... و اكبر دلالة على المستوى الاخلاقى الرفيع لكم ... و اتشرف بوجودى معكم فى هذا المنتدى المحترم و الذى يزيد احتراما بوجود اشخاص مثل بودى جارد و كفافى و قناص الظلم و القانونى و آخرين

اشكركم على الكلام الجميل فى حقى و فى غيبتى

و اشكر تريجر الذى ابلغنى بانه سيجعل احد اصدقائه من الذين يمتلكون الطبنجات الروسية الصنع و لهم من الخبرة ما قد يفيد أ\ أشرف صبرى صاحب الموضوع وهذا هو شكل آخر للتعاون الجميل

اشكركم جميعا و بشدة على هذا النموذج الرائع منكم فى هذا الموضوع الجميل

محمد حسام
04-02-2012, 09:19 PM
الف مبروك ياستاذ ا/اشرف وربنا يديك خيره انشاء الله

Compact
04-02-2012, 09:22 PM
بالنسبة لمشكلة الطبنجة الخاصة بصاحب الموضوع أ\ أشرف صبرى

اعتقد و فى الغالب ان طبنجة حضرتك غالبا نوعها هو مكاروف , و لو هى مكاروف روسى و ليس الالمانى القديم لا يمكن تضرب غير عيار المكاروف الاصلى 9*18 و اسمه عيار المكاروف على اسم الطبنجة , و غالبا الطلقات المتاحة معه لا تضرب لان مقاسها مختلف سواء كانت 9*19 او 9*17 و هى المتاحة بالسوق المصرى

يمكن ايضا ان تكون الطبنجة نوعها توكاريف روسى و هى تضرب عيار 7.62*25 و هو عيار نار الوجود جدا فى مصر مثل المكاروف و ليس له بدائل او مقاس آخر يتماشى مع الطبنجة ... لذا فأنا ارجح انها مكاروف


و من الواضح جدا لى شخصيا مدى حب الله للاستاذ أشرف صبرى لوجود الردود السريعة و المفيدة من اعضاء المنتدى المشهود لهم بالاحترام الشديد :)

Compact
04-02-2012, 09:28 PM
الاستاذ أشرف صبري المحترم
من باب التعاون
تفضل
هذه المعلومات التي أشــــــار بها جنرال المنتدى المحترم
طبنجة روسى 9 مم قصير و خزنة اضافية و الجراب الجلد الاصلى و الحاربى الاصلى و عدد 40 طلقة مرخصة و بندقية خرطوش بلجيكى متنكلة بروحين مرخصة لاصحاب التراخيص فقط مطلوب 10000 ج للطبنجة و 7000 ج للبندقية نهائى بدون فصال 01119190300

مع وافر تمنياتنا لك بالتوفيق

اسعار ممتازة و الله

بس ممكن نعرف نوع الطبنجة الروسى جرانش ولا مكاروف ولا توكاريف ولا ايه ؟

محمد كمال المحامي
04-02-2012, 09:54 PM
الف مبروك يا استاذ اشرف

و ما شاء الله على الروح الحلوة اللي في المنتدى

ربنا يديم علينا المحبة و الأخوة ويبعد عننا ولاد الشمال

Trigger
04-03-2012, 01:00 AM
بالنسبة لمشكلة الطبنجة الخاصة بصاحب الموضوع أ\ أشرف صبرى

اعتقد و فى الغالب ان طبنجة حضرتك غالبا نوعها هو مكاروف , و لو هى مكاروف روسى و ليس الالمانى القديم لا يمكن تضرب غير عيار المكاروف الاصلى 9*18 و اسمه عيار المكاروف على اسم الطبنجة , و غالبا الطلقات المتاحة معه لا تضرب لان مقاسها مختلف سواء كانت 9*19 او 9*17 و هى المتاحة بالسوق المصرى

يمكن ايضا ان تكون الطبنجة نوعها توكاريف روسى و هى تضرب عيار 7.62*25 و هو عيار نار الوجود جدا فى مصر مثل المكاروف و ليس له بدائل او مقاس آخر يتماشى مع الطبنجة ... لذا فأنا ارجح انها مكاروف


و من الواضح جدا لى شخصيا مدى حب الله للاستاذ أشرف صبرى لوجود الردود السريعة و المفيدة من اعضاء المنتدى المشهود لهم بالاحترام الشديد :)

قام احد اصدقائى باﻻتصال بالمقدم اشرف صاحب الموضوع و قال له ان المسدس نوعه ماكاروف روسى و يستعمل معه طلقات عيار 9مم قصير و اتضح ان هذا هو سبب التكديب اثناء الضرب ﻻختﻻف المقاس مثل ما ذكرت حضرتك بالضبط.
فعﻻ استاذى و افتخر

قناص الظلم
04-03-2012, 02:51 AM
اعتذارك غير مقبول

فليس بين الاخوة اعتذار ونحن أخوه ياعزيزي

وكلنا تلامـــــــــــــيذ الجنرال ولو لاحظت أنا كتبت
لا كلام بعد كلام الجنرال

أحبك في الله
بارك الله فى حضرتك ايها الزميل العزيز الخلوق

قناص الظلم
04-03-2012, 02:52 AM
وانا اشهد انك صديق فاضــــــــــــــــــــــــل

كل التحية والتقدير والاحترام للجمــــــــــــــــــــــــــــيع
صديق - دا شرف عظيم ليا يا سياده المستشار

قناص الظلم
04-03-2012, 02:53 AM
لو الروسى اللى قايل عليها اخونا القانونى متاحه فعلا تبقى فى الجون خصوصا ان معاها 40 طلقه واعتقد تكون افضل من الحلوان بأى حال من الاحوال..تحياتى للجميع انا مشغول شويه اليومين دول بافتتاح محل جديد.. ادعو لى بالتوفيق يا عمى الحاج

قناص الظلم
04-03-2012, 02:55 AM
الف مبروك يا استاذ اشرف

و ما شاء الله على الروح الحلوة اللي في المنتدى

ربنا يديم علينا المحبة و الأخوة ويبعد عننا ولاد الشمال





اللهم امين يا دكتور

قناص الظلم
04-03-2012, 02:57 AM
الف مبروك يا سياده المقدم الله يكفيك شرها وشر استعمالها

أشرف صبرى
04-03-2012, 03:03 AM
أولاً أشكر الجنرال الاب الجميل و بالمناسبه انا اكتشفت انى زميل له (دا اللى انا فهمته من الصديق احمد) ودا من دواعى فخرى و سرورى
ثانياً أشكر أ. محمد حسام و الأدمن الصديق المدير العام الذى لم أتشرف بمعرفته عن قرب وان كنت اتمنى ذلك...
و شكر كبير للأخ الكريم الجميل تريجر الذى اهتم كل الاهتمام و كلّف الصديق أحمد بالاتصال بى و هذا كرم منه لم أتوقعه....و الصديق احمد قاللى انى ممكن اقابل الاستاذ تريجر علشان يتأكد ان الموضوع فعلاً ف اختلاف الطلقات و انا اتمنى ذلك و انا من مدينة نصر و تليفونى معروف 01097705881...
فعلاً زى ما قال لى ان طلقاتى 9 * 18 مكاروف و للأسف هيا نادره ف السوق و اتمنى لو حدّ عنده منها يقول لى لأشتريها منه او استبدالها بطلقات 9 مم قصير لو يقبل ذلك لو عنده استعداد
لأن انا فهمت انى مينفعش اضرب غيرها فى هذا المسدس مع ملاحظة ان هيا بتضرب 9 مم قصير و لكن طلقه او طلقتين ف الخزنه و التالته بتكدِّب
انا سعيد بهذه الرعايه

انا اشتريت من زميل لى هذا المسدس الروسى الجميل

انا سعيد بصداقتكم و فخور انى عضو بالمنتدى و اتمنى انى اكون عضو مفيد للجميع زى ما انا استفدت بخبراتكم

أشرف صبرى
04-03-2012, 03:05 AM
الف مبروك يا سياده المقدم الله يكفيك شرها وشر استعمالها
ربنا يكرمك يا دكتور و يجازيك خير عننا

Compact
04-03-2012, 03:28 AM
أولاً أشكر الجنرال الاب الجميل و بالمناسبه انا اكتشفت انى زميل له (دا اللى انا فهمته من الصديق احمد) ودا من دواعى فخرى و سرورى
ثانياً أشكر أ. محمد حسام و الأدمن الصديق المدير العام الذى لم أتشرف بمعرفته عن قرب وان كنت اتمنى ذلك...
و شكر كبير للأخ الكريم الجميل تريجر الذى اهتم كل الاهتمام و كلّف الصديق أحمد بالاتصال بى و هذا كرم منه لم أتوقعه....و الصديق احمد قاللى انى ممكن اقابل الاستاذ تريجر علشان يتأكد ان الموضوع فعلاً ف اختلاف الطلقات و انا اتمنى ذلك و انا من مدينة نصر و تليفونى معروف 01097705881...
فعلاً زى ما قال لى ان طلقاتى 9 * 18 مكاروف و للأسف هيا نادره ف السوق و اتمنى لو حدّ عنده منها يقول لى لأشتريها منه او استبدالها بطلقات 9 مم قصير لو يقبل ذلك لو عنده استعداد
لأن انا فهمت انى مينفعش اضرب غيرها فى هذا المسدس مع ملاحظة ان هيا بتضرب 9 مم قصير و لكن طلقه او طلقتين ف الخزنه و التالته بتكدِّب
انا سعيد بهذه الرعايه

انا اشتريت من زميل لى هذا المسدس الروسى الجميل

انا سعيد بصداقتكم و فخور انى عضو بالمنتدى و اتمنى انى اكون عضو مفيد للجميع زى ما انا استفدت بخبراتكم


كلنا فى خدمة الرب و الوطن يا سيادة المقدم

و كلنا هنا عشان نساعد بعض على قد ما نقدر فى هوايتنا الجميلة

عموما لو شاريها بسعر كويس متبيعهاش لانها طبنجة مميزة جدا وحمالة اسية بجد

و اهلا بيك معانا فى منتدى صيادين مصر

أشرف صبرى
04-03-2012, 03:35 AM
كلنا فى خدمة الرب و الوطن يا سيادة المقدم

و كلنا هنا عشان نساعد بعض على قد ما نقدر فى هوايتنا الجميلة

عموما لو شاريها بسعر كويس متبيعهاش لانها طبنجة مميزة جدا وحمالة اسية بجد

و اهلا بيك معانا فى منتدى صيادين مصر
ربنا يكرم حضرتك يافندم
انا مش ناوى ابيعها الا ف حاله واحده بس.....لو جالى فلوس هبيعها و اشترى حاجه احسن و تكون 16 طلقه 9 مم طويل لأنى مقتنع ان ف حالة التعرض لهجوم او بلطجيه اثناء السفر ال 8 طلقات مش كفايه

Compact
04-03-2012, 03:49 AM
ربنا يكرم حضرتك يافندم
انا مش ناوى ابيعها الا ف حاله واحده بس.....لو جالى فلوس هبيعها و اشترى حاجه احسن و تكون 16 طلقه 9 مم طويل لأنى مقتنع ان ف حالة التعرض لهجوم او بلطجيه اثناء السفر ال 8 طلقات مش كفايه

احييك على ذوقك و طريقة تفكيرك العملية جدا

لو كنت شاريه بمبلغ اقل من 12 الف جنيه متبيعهوش

طلقاته صعبة الوجود حتى داخل الجيش نفسه

خليك ماشى بالخزنتين

امتلك حاليا جلوك19 خزنة 15 طلقة و بمشى بخزنتين برضوا و احتاجتهم فى مرة من المرات من حوالى سنة بطريق مصر اسكندرية و ربنا هو اللى بيستر فى الاول و فى الاخر و السلاح ما هو الا وسيلة

قناص الظلم
04-03-2012, 03:58 AM
ربنا يحفظكم من كل سوء ويكفيكم شر المجرمين اللهم امين

أشرف صبرى
04-03-2012, 04:00 AM
احييك على ذوقك و طريقة تفكيرك العملية جدا

لو كنت شاريه بمبلغ اقل من 12 الف جنيه متبيعهوش

طلقاته صعبة الوجود حتى داخل الجيش نفسه

خليك ماشى بالخزنتين

امتلك حاليا جلوك19 خزنة 15 طلقة و بمشى بخزنتين برضوا و احتاجتهم فى مرة من المرات من حوالى سنة بطريق مصر اسكندرية و ربنا هو اللى بيستر فى الاول و فى الاخر و السلاح ما هو الا وسيلة
لأ....المشكله مش كده يافندم
المشكله ان حتى الخزنتين اللى معايا طلقات 9 مم قصير يعنى 9 * 17
وبالتالى بيضربوا طلقتين و التالته تكدب و هكذا علشان مش طلقاتها
وانا سألت ف الجيش قالوا مش موجوده

Trigger
04-03-2012, 04:04 AM
أولاً أشكر الجنرال الاب الجميل و بالمناسبه انا اكتشفت انى زميل له (دا اللى انا فهمته من الصديق احمد) ودا من دواعى فخرى و سرورى
ثانياً أشكر أ. محمد حسام و الأدمن الصديق المدير العام الذى لم أتشرف بمعرفته عن قرب وان كنت اتمنى ذلك...
و شكر كبير للأخ الكريم الجميل تريجر الذى اهتم كل الاهتمام و كلّف الصديق أحمد بالاتصال بى و هذا كرم منه لم أتوقعه....و الصديق احمد قاللى انى ممكن اقابل الاستاذ تريجر علشان يتأكد ان الموضوع فعلاً ف اختلاف الطلقات و انا اتمنى ذلك و انا من مدينة نصر و تليفونى معروف 01097705881...
فعلاً زى ما قال لى ان طلقاتى 9 * 18 مكاروف و للأسف هيا نادره ف السوق و اتمنى لو حدّ عنده منها يقول لى لأشتريها منه او استبدالها بطلقات 9 مم قصير لو يقبل ذلك لو عنده استعداد
لأن انا فهمت انى مينفعش اضرب غيرها فى هذا المسدس مع ملاحظة ان هيا بتضرب 9 مم قصير و لكن طلقه او طلقتين ف الخزنه و التالته بتكدِّب
انا سعيد بهذه الرعايه

انا اشتريت من زميل لى هذا المسدس الروسى الجميل

انا سعيد بصداقتكم و فخور انى عضو بالمنتدى و اتمنى انى اكون عضو مفيد للجميع زى ما انا استفدت بخبراتكم


العفو يا اشرف باشا
احنا هنا لتبادل خبراتنا فى الصيد و السﻻح و كمان طلعنا جيران :-)
ممكن نتقابل فى اى وقت. يزيدنا الشرف

أشرف صبرى
04-03-2012, 04:10 AM
العفو يا اشرف باشا
احنا هنا لتبادل خبراتنا فى الصيد و السﻻح و كمان طلعنا جيران :-)
ممكن نتقابل فى اى وقت. يزيدنا الشرف
ربنا يكرم حضرتك
انا طلبت من حضرتك او الجنرال تتصل بيا لو سهران او تبعتلى تليفونك ع الخاص
انا تليفونى معروف 01097705881

Trigger
04-03-2012, 04:13 AM
ربنا يكرم حضرتك
انا طلبت من حضرتك او الجنرال تتصل بيا لو سهران او تبعتلى تليفونك ع الخاص
انا تليفونى معروف 01097705881

تم ارسال رقم الهاتف على الخاص

أشرف صبرى
04-03-2012, 04:36 AM
ربنا يحفظكم من كل سوء ويكفيكم شر المجرمين اللهم امين
ربنا يكرم حضرتك

قناص الظلم
04-03-2012, 04:53 AM
انا كنت اتمنى ااساعد سيادتك مع الساده الاعضاء فى الموضوع دا بس انا للاسف عمرى ما مسكت مسدس حى باذن الله اقدر اخدمك فى شىء اخر

Compact
04-03-2012, 05:34 AM
اعتذارك غير مقبول

فليس بين الاخوة اعتذار ونحن أخوه ياعزيزي

وكلنا تلامـــــــــــــيذ الجنرال ولو لاحظت أنا كتبت
لا كلام بعد كلام الجنرال

أحبك في الله


كلنا تلاميذ فى الدنيا يا عزيزى القانونى

و الواحد لسة بيتعلم لحد دلوقتى

و يموت المعلم ولا يتعلم :)

Compact
04-03-2012, 06:14 AM
لو الروسى اللى قايل عليها اخونا القانونى متاحه فعلا تبقى فى الجون خصوصا ان معاها 40 طلقه واعتقد تكون افضل من الحلوان بأى حال من الاحوال..تحياتى للجميع انا مشغول شويه اليومين دول بافتتاح محل جديد.. ادعو لى

10000000000000000000000000000 مبروك يا حاج محمد يا محترم على الفرع الجديد

و عقبال الفرع اللى بعده

ربنا يرزقك من اوسع ابوابه و يباركلك فى رزقك

kefafy
04-03-2012, 08:45 AM
اعتذارك غير مقبول

فليس بين الاخوة اعتذار ونحن أخوه ياعزيزي

وكلنا تلامـــــــــــــيذ الجنرال ولو لاحظت أنا كتبت
لا كلام بعد كلام الجنرال

أحبك في الله
والله مش عارف اقول لحضرتك ايه ربنا يعزك كلك زوق والله
واحرجتنى بزوقك انا بس التبس عليا الموضوع وحصل خير
وربنا يباركلك فى علمك ورزقك وربنا يديم المعروف مبينا يارب
وتحياتى ودعائى حضرتك

kefafy
04-03-2012, 08:47 AM
10000000000000000000000000000 مبروك يا حاج محمد يا محترم على الفرع الجديد

و عقبال الفرع اللى بعده

ربنا يرزقك من اوسع ابوابه و يباركلك فى رزقك
اضم صوتى لصوت استاذى فى الدعاء واقول ربنا يوسع رزقك ويسترها معاك يا حج محمد
ويبارك لك فى رزقك وصحتك وعمرك يارب
وتحياتى لحضرتك و للجنرال

قناص الظلم
04-03-2012, 08:51 AM
10000000000000000000000000000 مبروك يا حاج محمد يا محترم على الفرع الجديد

و عقبال الفرع اللى بعده

ربنا يرزقك من اوسع ابوابه و يباركلك فى رزقك
اللهم امين

kefafy
04-03-2012, 08:58 AM
العفو يا اشرف باشا
احنا هنا لتبادل خبراتنا فى الصيد و السﻻح و كمان طلعنا جيران :-)
ممكن نتقابل فى اى وقت. يزيدنا الشرف
ارجوكم لو لقيتو حد من الغردقة غيرى ابقو قولوى احسن مفيش حد اتقابل معاه :)
ربنا يديم المعروف مبينكم يارب وتحياتى ليكم ودعائى للاستاذ اشرف بالتوفيق ويبارك له يارب فى المسدس ويكفيه شره وشر استخدامه ويبارك لك ياحمد بيك انت انسان زوق وخلوق ومحترم فعلا ويشرف اى حد انه يصحبك
وباذن الله الاجازة الى جايه كمان كام شهر اذا عشت نتقابل جميعا على خير
وربنا يديم الموده و المحبه مبين كل اعضاء هذا المنتدى الى بتشرف انى اكون فى وسطيهم

bodygard 34
04-03-2012, 04:02 PM
الف شكر لجميع من يدعو لى ويبارك لى ..الجنرال واخويا كفافى واخويا القناص وللكل كل الشكر.. والف مبروك للأستاذ اشرف المسدس الجديد وهارد لك على ان عيار الطلقات مطلعش هو بس برضه اكيد هو افضل من الحلوان بكل المقاييس واكيد خبيرنا الجنرال متفق معايا..ولا ايه؟؟ ومن دواعى سرورى انى اقول للأستاذ اشرف ان فى حد من معارفى كان معاه الطبنجه دى او حاجه شبيهه بس نفس العيار المعقد ده واحتمال يكون لسه عنده شويه طلقات ..بس افوق من افتتاح المحل وانا حادور لك عليه وربنا يكرم ان شاء الله

ahmed.76
04-03-2012, 10:45 PM
مبروك يا أشرف بك وربنا يكفيك شره

أشرف صبرى
04-03-2012, 10:48 PM
انا كنت اتمنى ااساعد سيادتك مع الساده الاعضاء فى الموضوع دا بس انا للاسف عمرى ما مسكت مسدس حى باذن الله اقدر اخدمك فى شىء اخر
يا باشا حضرتك ساعدتنى لمّا شرفتنى و علقت على مواضيعى

ahmed.76
04-03-2012, 10:50 PM
لو الروسى اللى قايل عليها اخونا القانونى متاحه فعلا تبقى فى الجون خصوصا ان معاها 40 طلقه واعتقد تكون افضل من الحلوان بأى حال من الاحوال..تحياتى للجميع انا مشغول شويه اليومين دول بافتتاح محل جديد.. ادعو لى

الف مبروك يا حاج محمد ربنا يزيدك

أشرف صبرى
04-03-2012, 10:51 PM
الف شكر لجميع من يدعو لى ويبارك لى ..الجنرال واخويا كفافى واخويا القناص وللكل كل الشكر.. والف مبروك للأستاذ اشرف المسدس الجديد وهارد لك على ان عيار الطلقات مطلعش هو بس برضه اكيد هو افضل من الحلوان بكل المقاييس واكيد خبيرنا الجنرال متفق معايا..ولا ايه؟؟ ومن دواعى سرورى انى اقول للأستاذ اشرف ان فى حد من معارفى كان معاه الطبنجه دى او حاجه شبيهه بس نفس العيار المعقد ده واحتمال يكون لسه عنده شويه طلقات ..بس افوق من افتتاح المحل وانا حادور لك عليه وربنا يكرم ان شاء الله
الأول طمنّا على المحل الجديد.....أنا بدعيلك يالتوفيق و النجاح و اللهِ
وان شاء الله قريبك نلاقى عنده

أشرف صبرى
04-03-2012, 10:52 PM
مبروك يا أشرف بك وربنا يكفيك شره
الله يبارك فيك حبيبى...انا اتشرفت بيك

أشرف صبرى
04-03-2012, 11:04 PM
بصوا بأه قبل ما تسيبوا الموضوع .....انا بفكر ف حاجه و استشرت فيها صديقى تريجر و عايزكم تشاركونى فيها و خصوصاً أحبابى اللى متابعه أسعار اليومين دول....انا هبقى اعملها موضوع منفصل عشان اعضاء المنتدى كلهم يشاركوا.....هل ممكن لو بعت مسدسى اشترى بتمنه مسدس ستار او بريتا... المهم يكون 15 طلقه 9 مم طويل....وللا لازم ادفع فرق وللا مسدسى أغلى.....و فرق التمن سواء سالب او موجب كام تقريباً؟
السبب انا قلته للجنرال ان انا نفسى ف طبنجه محترمه سعر مناسب بس تكون 15 طلقه علشان انا بحس ان ف اى موقف بلطجه على طريق سفر لا قدر الله انا محتاج طلقات كتير....
ايه رايكم....الفرق لصالح مسدسى وللا العكس؟

bodygard 34
04-03-2012, 11:40 PM
الأول طمنّا على المحل الجديد.....أنا بدعيلك يالتوفيق و النجاح و اللهِ
وان شاء الله قريبك نلاقى عنده
ان شاء الله الافتتاح يوم الخميس القادم ..طبعا فى الزقازيق..هو احد فروع تيد لاموند لملابس الرجال( مش قصدى اعلان والله)

bodygard 34
04-03-2012, 11:44 PM
بصوا بأه قبل ما تسيبوا الموضوع .....انا بفكر ف حاجه و استشرت فيها صديقى تريجر و عايزكم تشاركونى فيها و خصوصاً أحبابى اللى متابعه أسعار اليومين دول....انا هبقى اعملها موضوع منفصل عشان اعضاء المنتدى كلهم يشاركوا.....هل ممكن لو بعت مسدسى اشترى بتمنه مسدس ستار او بريتا... المهم يكون 15 طلقه 9 مم طويل....وللا لازم ادفع فرق وللا مسدسى أغلى.....و فرق التمن سواء سالب او موجب كام تقريباً؟
السبب انا قلته للجنرال ان انا نفسى ف طبنجه محترمه سعر مناسب بس تكون 15 طلقه علشان انا بحس ان ف اى موقف بلطجه على طريق سفر لا قدر الله انا محتاج طلقات كتير....
ايه رايكم....الفرق لصالح مسدسى وللا العكس؟
رأيى الخاص..مسدس محترم جدا لكن ندرة عياره تعمل فرق كبير لصالح اى مسدس 9 طويل لوفرة عياره ..لكن لو نجحنا فى توفير كميه مناسبه من الطلقات بتاعته يبقى مافيش داعى للتغيير ..المسدسات الروسى مشهوره بجودتها وصلابتها وعمرها الطويل..ومستنى رأى خبيرنا الجنرال

bodygard 34
04-03-2012, 11:47 PM
الف مبروك يا حاج محمد ربنا يزيدك
تسلم لى ياباشا والله يبارك فيك

أشرف صبرى
04-04-2012, 12:02 AM
ان شاء الله الافتتاح يوم الخميس القادم ..طبعا فى الزقازيق..هو احد فروع تيد لاموند لملابس الرجال( مش قصدى اعلان والله)
ياباشا حتى لو اعلان.....انا لو عليّا اعمل لك اعلان ف الجرايد كلها على حسابى

أشرف صبرى
04-04-2012, 02:52 AM
يا جماعه محدش رد عليا بالارقام
انا هطرح السؤال تانى
انا بفكر ف حاجه و استشرت فيها صديقى تريجر و عايزكم تشاركونى فيها و خصوصاً أحبابى اللى متابعه أسعار اليومين دول....انا هبقى اعملها موضوع منفصل عشان اعضاء المنتدى كلهم يشاركوا.....هل ممكن لو بعت مسدسى اشترى بتمنه مسدس ستار او بريتا... المهم يكون 15 طلقه 9 مم طويل....وللا لازم ادفع فرق وللا مسدسى أغلى.....و فرق التمن سواء سالب او موجب كام تقريباً؟
السبب انا قلته للجنرال ان انا نفسى ف طبنجه محترمه سعر مناسب بس تكون 15 طلقه علشان انا بحس ان ف اى موقف بلطجه على طريق سفر لا قدر الله انا محتاج طلقات كتير....
ايه رايكم....الفرق لصالح مسدسى وللا العكس؟

الردود كانت ان الانواع دى اغلى من مسدسى
بس انا عايز فرق السعر كام؟تقريباً؟

Trigger
04-04-2012, 03:10 AM
بريتا 9مم قصير و ممكن يتبقالك فلوس كمان وكده كده معندكش مشكلة فى الطلقات القصيرة ال 9 مم.
على فكرة يا جماعة فى طلقات قصير من المصنع بس ﻻزم تبعتله فاكس اﻻول بعد كده تروح تستلم بعد 10 ايام على اﻻورنيك طبعا وهو ده نظام'شراء الطلقات القصير اليومين دول.

Trigger
04-04-2012, 03:16 AM
*ملحوظة بسيطة و لها معانى جميلة : ﻻحظوا نسبة المشاهدة للموضوع من الصفحة الرئيسية للمنتدى

أشرف صبرى
04-04-2012, 03:33 AM
بريتا 9مم قصير و ممكن يتبقالك فلوس كمان وكده كده معندكش مشكلة فى الطلقات القصيرة ال 9 مم.
على فكرة يا جماعة الفى طلقات قصير من المصنع بس ﻻزم تبعتله فاكس اﻻول بعد كده تروح تستلم بعد 10 ايام على اﻻورنيك طبعا وهو ده نظام'شراء الطلقات القصير اليومين دول.
طيب انا معايا طلقات قصير كتير يعنى تقصد البريتا بتاخد 15 طلقه؟ و لها خزنه اضافيه معاها.....رد قبل ماتنام ياباشا

أشرف صبرى
04-04-2012, 03:41 AM
*ملحوظة بسيطة و لها معانى جميلة : ﻻحظوا نسبة المشاهدة للموضوع من الصفحة الرئيسية للمنتدى
يعنى انا كده قرّبت ادخل موسوعة جينيس بتاعة صيادين مصر

أشرف صبرى
04-04-2012, 04:05 AM
طيّب بصوا يا جماعه...انا كده من الردود فهمت ان انى علشان ابيع اللى معايا و اشترى 9 مم طويل خزنه 15 طلقه و معاه خزنه احتياطى من النوع ستار او بريتا او حلوان 920 القديم هدفع كتير.....طيّب تعالوا نعدّل السؤال.....
لو انا بعت اللى معايا( الماكروف الروسى) و هوا منكل و خزنه تانيه اضافيه و اشتريت مسدس 9مم القصير بريتا مثلاً او ما يعادلها بس يكون خزنته 15 طلقه و معاه خزنه اضافيه.....هل كده الفرق لصالحى وللا عليا....والفرق أدّ أيه تقريباً؟
http://www.google.com.eg/imgres?um=1&hl=ar&safe=off&client=firefox-a&sa=N&rls=org.mozilla:ar:official&tbm=isch&tbnid=hgCBlitGCqMncM:&imgrefurl=http://arabic.rt.com/forum/showthread.php%3Ft%3D8931&docid=3kjaejpdmKenyM&imgurl=http://www.1-bulgaria.com/UserFiles/Image/bulgarian%252520makarov.jpg&w=700&h=490&ei=Q7J7T6PVNsnKsgbjkcSzCQ&zoom=1&iact=hc&vpx=949&vpy=277&dur=3083&hovh=188&hovw=268&tx=119&ty=136&sig=107182596885617168514&page=1&tbnh=159&tbnw=212&start=0&ndsp=10&ved=1t:429,r:5,s:0,i:76&biw=1366&bih=572

دى الصوره و اللى معايا متنكل كمان و معاه كل حاجاته

أشرف صبرى
04-04-2012, 04:42 AM
الصور من النت مع ملاحظة ان اللى معايا متنكل و الخزنه متنكله و المقبض الخشب الاصلى

http://www.google.com.eg/imgres?um=1&hl=ar&safe=off&client=firefox-a&sa=N&rls=org.mozilla:ar:official&tbm=isch&tbnid=ZLx775jyMoe0JM:&imgrefurl=http://www.yemencsf.org/vb/showthread.php%3Fp%3D83633&docid=KENm34FOAoLMUM&imgurl=http://www.thefirearmblog.com/blog/wp-content/uploads/2009/02/pistol-ij-70-makarov.jpg&w=574&h=449&ei=Q7J7T6PVNsnKsgbjkcSzCQ&zoom=1&iact=hc&vpx=301&vpy=212&dur=3422&hovh=198&hovw=254&tx=178&ty=96&sig=107182596885617168514&page=1&tbnh=163&tbnw=216&start=0&ndsp=10&ved=1t:429,r:3,s:0,i:71&biw=1366&bih=572



http://www.google.com.eg/imgres?um=1&hl=ar&safe=off&client=firefox-a&sa=N&rls=org.mozilla:ar:official&tbm=isch&tbnid=qDZMGTiAMr3vEM:&imgrefurl=http://www.yemencsf.org/vb/showthread.php%3Fp%3D83384&docid=o05nVSq0PuLRTM&imgurl=http://img.photobucket.com/albums/v77/thoallen/RussianMakarov.jpg&w=640&h=480&ei=Q7J7T6PVNsnKsgbjkcSzCQ&zoom=1&iact=rc&dur=308&sig=107182596885617168514&page=2&tbnh=127&tbnw=165&start=10&ndsp=29&ved=1t:429,r:11,s:10,i:115&tx=74&ty=58&biw=1366&bih=572

Compact
04-04-2012, 05:18 AM
رأيى الخاص..مسدس محترم جدا لكن ندرة عياره تعمل فرق كبير لصالح اى مسدس 9 طويل لوفرة عياره ..لكن لو نجحنا فى توفير كميه مناسبه من الطلقات بتاعته يبقى مافيش داعى للتغيير ..المسدسات الروسى مشهوره بجودتها وصلابتها وعمرها الطويل..ومستنى رأى خبيرنا الجنرال

كلام مضبوط و من الاخر

المكاروف لو حالته كويسة يبقى خسارة تبيعه , لانه مسدس قيم وذو اعتمادية عالية جدا و احسن من الستار الاسبانى طبعا و زيه زى البريتا فى الاعتمادية

و مشكلة صغر سعة الخزنة حلها موجود بوجود الخزنة الاحتياطية و بكده يبقى معاك 16 طلقة

خد بالك ان اى طبنجة خزنتها اكبر من 12 طلقة بسعر مقارب لسعر المكاروف حاليا حتبقى حجمها كبير قوى و وزنها تقيل ... انما المكاروف حجمه مثالى و شيلته متحسش بيها

و انشاء الله تلاقيلوا طلقات و متبيعهوش

و الروسى روسى يا سيادة المقدم

أشرف صبرى
04-04-2012, 03:27 PM
كلام مضبوط و من الاخر

المكاروف لو حالته كويسة يبقى خسارة تبيعه , لانه مسدس قيم وذو اعتمادية عالية جدا و احسن من الستار الاسبانى طبعا و زيه زى البريتا فى الاعتمادية

و مشكلة صغر سعة الخزنة حلها موجود بوجود الخزنة الاحتياطية و بكده يبقى معاك 16 طلقة

خد بالك ان اى طبنجة خزنتها اكبر من 12 طلقة بسعر مقارب لسعر المكاروف حاليا حتبقى حجمها كبير قوى و وزنها تقيل ... انما المكاروف حجمه مثالى و شيلته متحسش بيها

و انشاء الله تلاقيلوا طلقات و متبيعهوش

و الروسى روسى يا سيادة المقدم

ربنا يكرم سيادتك يا فندم
هوا كده حالته كويسه و انا ضربت بيه 9 مم قصير و ضرب رغم ان انا مقتنع بنصيحة سيادتك اننا نضرب بيه طلقاته المكاروف بس مش معايا مكاروف و تمنها ف الصعيد غالى.....
طبعاً إحنا أكتر ناس عارفين قيمة الروسى و انه بيستحمل ضغط الشغل(سيادتك فاهم قصدى طبعاً)
لكن انا بتكلم يا فندم عن حاجتي ل 30 طلقه مش 12 او 16 وانا كنت قلت لسيادتك ليه ( موضوع سفرى بليل لوحدى ع الطرق ) فأنا محتاج طلقات متوفره و خزنتين كبار
وبالنسبه لل 9مم قصير انا اقدر اجيب لكن المكاروف صعب و غالى عليا

معلش يا فندم أستأذنك تساعدنى بالاجابه عن سؤالى الجديد

السؤال القديم كان كالآتى :
.....هل ممكن لو بعت مسدسى اشترى بتمنه مسدس ستار او بريتا... المهم يكون 15 طلقه 9 مم طويل و الخزنه الاضافيه موجوده....وللا لازم ادفع فرق وللا مسدسى أغلى.....و فرق التمن سواء سالب او موجب كام تقريباً؟
السبب انا قلته للجنرال ان انا نفسى ف طبنجه محترمه سعر مناسب بس تكون 15 طلقه علشان انا بحس ان ف اى موقف بلطجه على طريق سفر لا قدر الله انا محتاج طلقات كتير....
ايه رايكم....الفرق لصالح مسدسى وللا العكس؟
انتهى السؤال القديم

دا كان السؤال القديم
الردود كانت ان الانواع دى اغلى من مسدسى علشان ال9 مم طويل متوفر فبيبقى غالى

أنا علشان كده سألت سؤال جديد و هوا ده اللى عايز الاب الجنرال و تريجر و باقى الاصدقاء يشاركونى فيه

السؤال الجديد هو :
مسدسى: هو
http://www.google.com.eg/imgres?um=1&hl=ar&safe=off&client=firefox-a&sa=N&rls=org.mozilla:ar:official&tbm=isch&tbnid=hgCBlitGCqMncM:&imgrefurl=http://arabic.rt.com/forum/showthread.php%3Ft%3D8931&docid=3kjaejpdmKenyM&imgurl=http://www.1-bulgaria.com/UserFiles/Image/bulgarian%252520makarov.jpg&w=700&h=490&ei=Q7J7T6PVNsnKsgbjkcSzCQ&zoom=1&iact=hc&vpx=949&vpy=277&dur=3083&hovh=188&hovw=268&tx=119&ty=136&sig=107182596885617168514&page=1&tbnh=159&tbnw=212&start=0&ndsp=10&ved=1t:429,r:5,s:0,i:76&biw=1366&bih=572

بما ان ال 9مم القصير موجود و ارخص
لو انا بعت اللى معايا( الماكروف الروسى) و هوا منكل و خزنه تانيه اضافيه و جراب و حربى بس من غير طلقاته المكاروف و اشتريت مسدس 9مم القصير نضيف و حالته كويسه بس يكون خزنته 15 طلقه و معاه خزنه اضافيه.....هل كده الفرق لصالحى وللا عليا....والفرق أدّ أيه تقريباً؟

طبعاً يا جماعه السؤال للزملاء كلهم مش لسيادة الأب الجنرال بس
أرجوكم يا جماعه جاوبونى على سؤالى بالضبط

kefafy
04-04-2012, 03:46 PM
ربنا يكرم سيادتك يا فندم
هوا كده حالته كويسه و انا ضربت بيه 9 مم قصير و ضرب رغم ان انا مقتنع بنصيحة سيادتك اننا نضرب بيه طلقاته المكاروف بس مش معايا مكاروف و تمنها ف الصعيد غالى.....
طبعاً إحنا أكتر ناس عارفين قيمة الروسى و انه بيستحمل ضغط الشغل(سيادتك فاهم قصدى طبعاً)
لكن انا بتكلم يا فندم عن حاجتي ل 30 طلقه مش 12 او 16 وانا كنت قلت لسيادتك ليه ( موضوع سفرى بليل لوحدى ع الطرق ) فأنا محتاج طلقات متوفره و خزنتين كبار
وبالنسبه لل 9مم قصير انا اقدر اجيب لكن المكاروف صعب و غالى عليا

معلش يا فندم أستأذنك تساعدنى بالاجابه عن سؤالى الجديد

السؤال القديم كان كالآتى :
.....هل ممكن لو بعت مسدسى اشترى بتمنه مسدس ستار او بريتا... المهم يكون 15 طلقه 9 مم طويل و الخزنه الاضافيه موجوده....وللا لازم ادفع فرق وللا مسدسى أغلى.....و فرق التمن سواء سالب او موجب كام تقريباً؟
السبب انا قلته للجنرال ان انا نفسى ف طبنجه محترمه سعر مناسب بس تكون 15 طلقه علشان انا بحس ان ف اى موقف بلطجه على طريق سفر لا قدر الله انا محتاج طلقات كتير....
ايه رايكم....الفرق لصالح مسدسى وللا العكس؟
انتهى السؤال القديم

دا كان السؤال القديم
الردود كانت ان الانواع دى اغلى من مسدسى علشان ال9 مم طويل متوفر فبيبقى غالى

أنا علشان كده سألت سؤال جديد و هوا ده اللى عايز الاب الجنرال و تريجر و باقى الاصدقاء يشاركونى فيه

السؤال الجديد هو :
مسدسى: هو
http://www.google.com.eg/imgres?um=1&hl=ar&safe=off&client=firefox-a&sa=n&rls=org.mozilla:ar:official&tbm=isch&tbnid=hgcblitgcqmncm:&imgrefurl=http://arabic.rt.com/forum/showthread.php%3ft%3d8931&docid=3kjaejpdmkenym&imgurl=http://www.1-bulgaria.com/userfiles/image/bulgarian%252520makarov.jpg&w=700&h=490&ei=q7j7t6pvnsnksgbjkcszcq&zoom=1&iact=hc&vpx=949&vpy=277&dur=3083&hovh=188&hovw=268&tx=119&ty=136&sig=107182596885617168514&page=1&tbnh=159&tbnw=212&start=0&ndsp=10&ved=1t:429,r:5,s:0,i:76&biw=1366&bih=572

بما ان ال 9مم القصير موجود و ارخص
لو انا بعت اللى معايا( الماكروف الروسى) و هوا منكل و خزنه تانيه اضافيه و جراب و حربى بس من غير طلقاته المكاروف و اشتريت مسدس 9مم القصير نضيف و حالته كويسه بس يكون خزنته 15 طلقه و معاه خزنه اضافيه.....هل كده الفرق لصالحى وللا عليا....والفرق أدّ أيه تقريباً؟

طبعاً يا جماعه السؤال للزملاء كلهم مش لسيادة الأب الجنرال بس
أرجوكم يا جماعه جاوبونى على سؤالى بالضبط
والله يفندم لو بنفس حاله المسدس الى فى الصورة يبقا حرام تبدلها لاى سبب من الاسباب
دى روسى حتى النخاح ولو العيار نادر شويه بس اكيد يفندم هتلاقيه هتلاقيه
ولو غالى شويه مش مشكله اكيد حضرتك مش هتجامل حد فى فرح بيه او كده طالما سلاح شخصى بالمنظر ده والحاله دى حرام يتبدل لاى سبب من الاسباب
ومن غير تنكيل كمان يفندم الحديد بتاعه حديد روسى يعنى عمر ما هيجرى له حاجه
وموضع الخزنه وعدد الطلقات حضرتك ممكن تجيبله خزنيتين اضافيتين
معلش الموضوع مكلف ولكن الطبنجة تستاهل
وانا هسال لحضرتك زميل لى عقيد سابق بالقوات المسلحة وبالمعاش حاليا وزى والدى او اخى الاكبر وكيفه روسى
وانا هساله كدة لو لقيت عياره هدى رقم حضرتك له وهو هيكلم حضرتك
ده راى المتواضع يفندم واكيد جنرالنا و استاذنا الموسوعه هيفدنا ويقولنا من الاخر باذن الله
وربنا يوفقك يفندم ويعملك الصالح

kefafy
04-04-2012, 03:49 PM
هو عيارة كام فى كام معلش ؟

أشرف صبرى
04-04-2012, 03:53 PM
والله يفندم لو بنفس حاله المسدس الى فى الصورة يبقا حرام تبدلها لاى سبب من الاسباب
دى روسى حتى النخاح ولو العيار نادر شويه بس اكيد يفندم هتلاقيه هتلاقيه
ولو غالى شويه مش مشكله اكيد حضرتك مش هتجامل حد فى فرح بيه او كده طالما سلاح شخصى بالمنظر ده والحاله دى حرام يتبدل لاى سبب من الاسباب
ومن غير تنكيل كمان يفندم الحديد بتاعه حديد روسى يعنى عمر ما هيجرى له حاجه
وموضع الخزنه وعدد الطلقات حضرتك ممكن تجيبله خزنيتين اضافيتين
معلش الموضوع مكلف ولكن الطبنجة تستاهل
وانا هسال لحضرتك زميل لى عقيد سابق بالقوات المسلحة وبالمعاش حاليا وزى والدى او اخى الاكبر وكيفه روسى
وانا هساله كدة لو لقيت عياره هدى رقم حضرتك له وهو هيكلم حضرتك
ده راى المتواضع يفندم واكيد جنرالنا و استاذنا الموسوعه هيفدنا ويقولنا من الاخر باذن الله
وربنا يوفقك يفندم ويعملك الصالح


انا سعيد باهتمامك الدائم واللهِ....ربنا يكرمك و يجازيك خير وانا دايماً باهتم برأي حضرتك
طيب برضه بعد اذن حضرتك ردّ على سؤالى كده من باب زيادة معرفتى بالسوق و بالخيارات

kefafy
04-04-2012, 04:10 PM
ربنا يعزك ويبارك فى حضرتك كل زوق والله
والله يفندم بالنسبه للفرق المادى معنديش خلفيه عن سعر البريتا بس اكيد هى لو بنفس حاله مسدس حضرتك اكيد هتكون اغلى
ولاكن بكلم حضرتك فنيا مسدس حضرتك من وجهة نظرى احسن مليون مره من خامات البريتتا بالرغم من توافر عيارها عن عيار حضرتك
المشكله فقط فى المكاروف او العيار و مهما كان نادر فمش مشكله خالص ومش معنى كدة انه مش موجود الى بيدور هيلاقى باذن الله
وصدقنى انا لو معايا ده وفى امكنيتى اجيب غيره او ابدله مش هوافق طبعا
فا الى مش هرضاه لنفسى مش هرضاه لحضرتك
بس ليه حضرتك عاوز تبدله او تبيعه هل عشان موضوع العيار فقط ولا شكله او الديزاين بتاعه مش عجبك ؟ او زى مبيقولو قرفته (بكسر القاف ) مش على هواك ؟ وميال اكتر لشكل البرييتا؟

أشرف صبرى
04-04-2012, 04:53 PM
هو عيارة كام فى كام معلش ؟
9 * 18
بس انا ضربت بيه 9 * 17 اللى هوا ال9 مم القصير و ضرب بس ممكن يعلق بعد تانى او تالت طلقه و لازم تشد الاجزاء تانى

أشرف صبرى
04-04-2012, 04:57 PM
ربنا يعزك ويبارك فى حضرتك كل زوق والله
والله يفندم بالنسبه للفرق المادى معنديش خلفيه عن سعر البريتا بس اكيد هى لو بنفس حاله مسدس حضرتك اكيد هتكون اغلى
ولاكن بكلم حضرتك فنيا مسدس حضرتك من وجهة نظرى احسن مليون مره من خامات البريتتا بالرغم من توافر عيارها عن عيار حضرتك
المشكله فقط فى المكاروف او العيار و مهما كان نادر فمش مشكله خالص ومش معنى كدة انه مش موجود الى بيدور هيلاقى باذن الله
وصدقنى انا لو معايا ده وفى امكنيتى اجيب غيره او ابدله مش هوافق طبعا
فا الى مش هرضاه لنفسى مش هرضاه لحضرتك
بس ليه حضرتك عاوز تبدله او تبيعه هل عشان موضوع العيار فقط ولا شكله او الديزاين بتاعه مش عجبك ؟ او زى مبيقولو قرفته (بكسر القاف ) مش على هواك ؟ وميال اكتر لشكل البرييتا؟

لا يا باشا انا مقلتش ضرورى بريتا.....بس انا عايز حاجه نضيفه و خزنتين كبار يعنى يكون معايا 30 طلقه ف السفر و لما لقيت 9مم طويل غالى قلت اتكلم ف 9 مم قصير لانى اقدر اجيبه
لكن انا مصمم على خزنتين كبار عشان يأمنونى ف السفر
نفسى حد يقوللى فرق التمن ليّا وللا عليا و أد ايه؟

أشرف صبرى
04-04-2012, 04:59 PM
معلش انا هسافر دلوقتى
ارجو التعليق على الموضوع و انا هرد بكره زى دلوقتى
انا بقول كده علشان محدش يزعل انى مش هرد فوراً
ارجو الرد على استفسارى يا جماعه

kefafy
04-04-2012, 05:09 PM
9 * 18
بس انا ضربت بيه 9 * 17 اللى هوا ال9 مم القصير و ضرب بس ممكن يعلق بعد تانى او تالت طلقه و لازم تشد الاجزاء تانى
طبعا لان العيار مش بتاعه يبقا لازم يكدب
يبقا انا اسال لحضرتك عن عيار 9*18
ودى بعض المعلومات عنه بما يخص تاريخ الصنع
Production year Letter Code
1958 S
1959 J, K, L, N, U
1960 B, F, G, H, M, T
1961 AP*,AR, AS, AQ, AT, AU, AV, AW, AX, AY, AZ
1962 BR, BT, BU, BV, BW, BX, BY, BZ
1963 DA, DB, DE, DF, DH, DK, DL, DP, BO, BP
1964 ES, ET, EV, EX, EZ
1965 ER, FB, FH, FF

وارجوك اتفرج كدة على الفيديو ده ليه هيعجب حضرتك انشاء الله
http://www.youtube.com/watch?v=GBBW6KpaNXE

وده اسم الفيديو
EAST GERMAN MAKAROV 9X18 VS.BERETTA 90 TWO & CZ 75B STAINLESS 9mm.AVI


وبالنسبه لى باذن الله هرد على حضرتك قريب جدا جدا بعد مسال صديقى ولو لقيت عنده هخليه يكلم حضرتك وانتو ظباط زى بعض تعيشو سوا بقا انا بتاع مسدسات رش بس :)

ودعائى لحضرتك بالتوفيق يفندم كلك زوق وردودك توضح شخصيه حضرتك المحترمه جدا جدا جدا
اخوك احمد كفافى

kefafy
04-04-2012, 05:28 PM
معلش انا هسافر دلوقتى
ارجو التعليق على الموضوع و انا هرد بكره زى دلوقتى
انا بقول كده علشان محدش يزعل انى مش هرد فوراً
ارجو الرد على استفسارى يا جماعه
توصل وترجع بالف سلامه انشاء الله
يقا احنا محتاجين حد يفصل المكاروف على حالته بكام
ويقولنا سعر البريتا 9 مللى قصير بكام
ونطرح الفرق ونعرف بالموجب ولا بالسالب
واعتقد جنرالنا واستاذنا الكبير هيقولنا و احمد بيك تريجر انشاء الله هيقولنا
وتحياتى لكل اخوانى الاعزاء

Compact
04-04-2012, 06:12 PM
هو عيارة كام فى كام معلش ؟

9*18 makarov

Compact
04-04-2012, 06:43 PM
توصل وترجع بالف سلامه انشاء الله
يقا احنا محتاجين حد يفصل المكاروف على حالته بكام
ويقولنا سعر البريتا 9 مللى قصير بكام
ونطرح الفرق ونعرف بالموجب ولا بالسالب
واعتقد جنرالنا واستاذنا الكبير هيقولنا و احمد بيك تريجر انشاء الله هيقولنا
وتحياتى لكل اخوانى الاعزاء

نفس متوسط السعر تقريبا و هو 17000-18000 جنيه للمدنيين و يقل قليلا 12000-13000 جنيه للعسكريين

و طبعا السعر يتوقف على الحالة و ممكن ب 5 الاف جنيه تجيب مكاروف روسى برضه

أشرف صبرى
04-05-2012, 11:24 PM
طبعا لان العيار مش بتاعه يبقا لازم يكدب
يبقا انا اسال لحضرتك عن عيار 9*18
ودى بعض المعلومات عنه بما يخص تاريخ الصنع
production year letter code
1958 s
1959 j, k, l, n, u
1960 b, f, g, h, m, t
1961 ap*,ar, as, aq, at, au, av, aw, ax, ay, az
1962 br, bt, bu, bv, bw, bx, by, bz
1963 da, db, de, df, dh, dk, dl, dp, bo, bp
1964 es, et, ev, ex, ez
1965 er, fb, fh, ff

وارجوك اتفرج كدة على الفيديو ده ليه هيعجب حضرتك انشاء الله
http://www.youtube.com/watch?v=gbbw6kpanxe

وده اسم الفيديو
east german makarov 9x18 vs.beretta 90 two & cz 75b stainless 9mm.avi


وبالنسبه لى باذن الله هرد على حضرتك قريب جدا جدا بعد مسال صديقى ولو لقيت عنده هخليه يكلم حضرتك وانتو ظباط زى بعض تعيشو سوا بقا انا بتاع مسدسات رش بس :)

ودعائى لحضرتك بالتوفيق يفندم كلك زوق وردودك توضح شخصيه حضرتك المحترمه جدا جدا جدا
اخوك احمد كفافى
انت دايماً كده بتبعتلى احلى حاجات يا باشا
ربنا يكرمك و يارب اقدر اجيب طلقات كتير لان الجنرال نصحنى لو جبت له طلقات كتير مفرّطش فيه ابداً

أشرف صبرى
04-05-2012, 11:31 PM
نفس متوسط السعر تقريبا و هو 17000-18000 جنيه للمدنيين و يقل قليلا 12000-13000 جنيه للعسكريين

و طبعا السعر يتوقف على الحالة و ممكن ب 5 الاف جنيه تجيب مكاروف روسى برضه


ازىّ حضرتك يافندم
معلش انا مش فاهم حاجه
يعنى ايه سيادتك السعر للعسكريين
انا اللى اعرفه انه مش معروض ف اى مكان بيميز بين العسكريين و غيرهم

ارجو سيادتك لو تكرمت تفصّل الاجابه
يعنى:
1- مسدسى تمنه كام
و 2 -لو وفرت معاه 10 طلقات مكروف هتفرق؟طيب هيبقى تمنه كام
و 3 - سعر مسدس 9 مم قصير كام(نوعين او تلاته)؟
انا بستعين بسيادتك لان فيه عضو جديد ف المنتدى قاللى معلومات و اكتشفت انها اسعار قديمه
معلش هتعِّب سيادتك

أشرف صبرى
04-05-2012, 11:45 PM
طبعا لان العيار مش بتاعه يبقا لازم يكدب
يبقا انا اسال لحضرتك عن عيار 9*18
ودى بعض المعلومات عنه بما يخص تاريخ الصنع
production year letter code
1958 s
1959 j, k, l, n, u
1960 b, f, g, h, m, t
1961 ap*,ar, as, aq, at, au, av, aw, ax, ay, az
1962 br, bt, bu, bv, bw, bx, by, bz
1963 da, db, de, df, dh, dk, dl, dp, bo, bp
1964 es, et, ev, ex, ez
1965 er, fb, fh, ff

وارجوك اتفرج كدة على الفيديو ده ليه هيعجب حضرتك انشاء الله
http://www.youtube.com/watch?v=gbbw6kpanxe

وده اسم الفيديو
east german makarov 9x18 vs.beretta 90 two & cz 75b stainless 9mm.avi


وبالنسبه لى باذن الله هرد على حضرتك قريب جدا جدا بعد مسال صديقى ولو لقيت عنده هخليه يكلم حضرتك وانتو ظباط زى بعض تعيشو سوا بقا انا بتاع مسدسات رش بس :)

ودعائى لحضرتك بالتوفيق يفندم كلك زوق وردودك توضح شخصيه حضرتك المحترمه جدا جدا جدا
اخوك احمد كفافى

ايه الفيديوهات الحلوه دى
دا انا على كده مسدسىاحلى من السى زد و البريتا
شكلى هسمع كلام الجنرال

أشرف صبرى
04-06-2012, 12:22 AM
انا أخيراً عرفت أنزّل صور للمسدس و الطلقات اللى معايا

Compact
04-06-2012, 03:06 AM
ازىّ حضرتك يافندم
معلش انا مش فاهم حاجه
يعنى ايه سيادتك السعر للعسكريين
انا اللى اعرفه انه مش معروض ف اى مكان بيميز بين العسكريين و غيرهم

ارجو سيادتك لو تكرمت تفصّل الاجابه
يعنى:
1- مسدسى تمنه كام
و 2 -لو وفرت معاه 10 طلقات مكروف هتفرق؟طيب هيبقى تمنه كام
و 3 - سعر مسدس 9 مم قصير كام(نوعين او تلاته)؟
انا بستعين بسيادتك لان فيه عضو جديد ف المنتدى قاللى معلومات و اكتشفت انها اسعار قديمه
معلش هتعِّب سيادتك

جرى العرف فى السوق المصرى ان الضباط و القضاة يشترون السلاح باسعار تكاد تكون نصف الاسعار المتاحة للمدنيين حتى لو كانت طبنجة مميزة زى اللى معاك

مثال: الخصم الذى يأخذه الضباط و القضاه من المصنع الحربى عند شراء الطبنجة الحلوان كسلاح شخصى - العروض الخاصة بالهيئات القضائية على الجلوك و الكراكال منذ فترة قريبة فى نادى القضاة - عرض التوكاريف الصينى لضباط الجيش ... الخ

لذا قلت لك ثمن الطبنجة علما بانى بعد ما شاهدت الصور لا اريدك ان تبيعها مطلقا (حالتها ممتازة و طلائها ممتاز) و لو معاها 50 طلقة متتباعش اقل من 25 الف جنيه دلوقتى و ياريت متبيعهاش

الطبنجة دى بدون طلقات صعب بيعها اوى و 10 طلقات مش كفاية طبعا

البريتا و الستار اسبانى خزنة 8 طلقات و بيضرب 9قصير متوسط سعرهم 25 الف جنيه دلوقتى و كان بيعمل حوالى 15 من 3 شهور و كل ال 9 قصير بنفس التمن تقريبا فى الطبنجات انتاج التسعينات و الثمانينات عيار 9مم قصير (9مم ستاندرد مش معدل زى اللاما الاسبانى كده) , المعدل سعره ارخص طبعا

Compact
04-06-2012, 03:16 AM
ايه الفيديوهات الحلوه دى
دا انا على كده مسدسىاحلى من السى زد و البريتا
شكلى هسمع كلام الجنرال

الطبنجة بالحالة الموجودة فى الصور دى احسن طبعا من السى زد و البريتا و حرام عليك تبيعها

المكاروف طبنجة مميزة جدا و مشكلة الطلقات دى انشاء الله تتحل معاك

أشرف صبرى
04-06-2012, 04:03 AM
الطبنجة بالحالة الموجودة فى الصور دى احسن طبعا من السى زد و البريتا و حرام عليك تبيعها

المكاروف طبنجة مميزة جدا و مشكلة الطلقات دى انشاء الله تتحل معاك

اولاً انا فخور بان الجنرال عجبه مسدسى و دا سبب يخلينى مفرطش فيه الا للجنرال بس لو طلبه منى ف يوم من الايام...

على فكره يافندم الطلقات اللى معايا 9 مم قصير يعنى 9 * 17 مش المكاروف....وانا لو هحتفظ بالمكاروف آخر كلام هبيعالطلقات بس يارب اقدر اجيب فيها سعر عالى علشان اعوض جزء من الفلوس اللى دفعتها ف المسدس واللى لسه هشترى بيها طلقات المكاروف و ان شاء الله هبقى انزلها ف موضوع منفصل بمجرد ما اجمع طلقات المكاروف

على فكره يافندم فيه ناس ف المنتدى وعدتنى انها هتدورلى على طلقات المكاروف و ده من فوائد انضمامى لاسرة المنتدى الجميل ده لان فعلاً الناس اللى فيه متعاونين بغض النظر عن اى ماديات( مع العلم ان الربح الحلال لا يعيب صاحبه طبعاً بل على العكس)

لكن فيه حاجه انا بفكر فيها و هى ان الطلقات حتى لو انا وفرت منها كميه الا انها مابتتصنعش دلوقتى و الموجود منها بيقل بالاستهلاك و ده معناه ان مع الوقت العرض بيقل و طبعاً الطلب زى ماهوا علشان الطبنجات الماكروف موجوده و ده معناه ان السعر للمكاروف هيفضل يزيد مع الوقت وبكده مع الوقت انا هبقى ف مشكله و ده من اسباب تفكيرى ف البيع....انا بكلم حضرتك بصراحه و عايز راى حضرتك كأبّ ورأى باقى الزملاء

Compact
04-06-2012, 04:18 AM
اولاً انا فخور بان الجنرال عجبه مسدسى و دا سبب يخلينى مفرطش فيه الا للجنرال بس لو طلبه منى ف يوم من الايام...

على فكره يافندم الطلقات اللى معايا 9 مم قصير يعنى 9 * 17 مش المكاروف....وانا لو هحتفظ بالمكاروف آخر كلام هبيعالطلقات بس يارب اقدر اجيب فيها سعر عالى علشان اعوض جزء من الفلوس اللى دفعتها ف المسدس واللى لسه هشترى بيها طلقات المكاروف و ان شاء الله هبقى انزلها ف موضوع منفصل بمجرد ما اجمع طلقات المكاروف

على فكره يافندم فيه ناس ف المنتدى وعدتنى انها هتدورلى على طلقات المكاروف و ده من فوائد انضمامى لاسرة المنتدى الجميل ده لان فعلاً الناس اللى فيه متعاونين بغض النظر عن اى ماديات( مع العلم ان الربح الحلال لا يعيب صاحبه طبعاً بل على العكس)

لكن فيه حاجه انا بفكر فيها و هى ان الطلقات حتى لو انا وفرت منها كميه الا انها مابتتصنعش دلوقتى و الموجود منها بيقل بالاستهلاك و ده معناه ان مع الوقت العرض بيقل و طبعاً الطلب زى ماهوا علشان الطبنجات الماكروف موجوده و ده معناه ان السعر للمكاروف هيفضل يزيد مع الوقت وبكده مع الوقت انا هبقى ف مشكله و ده من اسباب تفكيرى ف البيع....انا بكلم حضرتك بصراحه و عايز راى حضرتك كأبّ ورأى باقى الزملاء

ممكن توريه لتريجر فى اى يوم , و انا عقبال ما اجى من بره حكون اخدت قرار باستبداله معاك بحلوان بريجيدير مستوردة مواصفات قياسية عسكرية للسوق الامريكى

الحلوان بريجيدير دى صناعة مصرية 100% مخصصة للتصدير فقط للسوق الامريكى و مفهاش عيوب الحلوان المعهودة من يايات ضعيفة و سخونة و ضعف التجميع فى الضرب المتتالى , ما عدا الارتداد القوى المعروف لل51 عموما و الخزنة ال 8 طلقات و دول من اساسيات الطبنجة و عموما هى انعم بكتير من الحلوان51 الموجودة للسوق المحلى المصرى

انا بفكر فى الموضوع جديا و لو رجعت فى كلامى حقولك علطول , ولو عندى مكان فى الرخصة كنت اخدت المكاروف منك فورا و بدون تردد

ده رايى الشخصى :)

Compact
04-06-2012, 04:25 AM
و انشاء الله تلاقى طلقاته خلى نفسك طويل يا سيادة المقدم او شوف حد فى المنطقة الجنوبية و اهو يبقى قريب من الصعيد و يجيبهم معاه و هوا نازل اجازة ولا حاجة

انشاء الله تلاقى طلقاته

احمد ربنا لانك حتى لو لقيتها مش حتلاقيها ب 150 جنيه زى ال 6.35 و التوكاريف 7.62*25

انا لسة تريجر قايلى المعلومة دى النهاردة ال 6.35 ب 150 جنيه الطلقة , التوكاريف ب 120 جنيه و مش من تاجر كمان , و بقاله اكتر من شهرين بيدور على 6.35

يعنى اللى معاه زنكاية طلقات من دول يبيعها و يعمل مشروع صغير ... سبحان مغير الاحوال

:)

أشرف صبرى
04-06-2012, 04:29 AM
و انشاء الله تلاقى طلقاته خلى نفسك طويل يا سيادة المقدم او شوف حد فى المنطقة الجنوبية و اهو يبقى قريب من الصعيد و يجيبهم معاه و هوا نازل اجازة ولا حاجة

انشاء الله تلاقى طلقاته

احمد ربنا لانك حتى لو لقيتها مش حتلاقيها ب 150 جنيه زى ال 6.35 و التوكاريف 7.62*25

انا لسة تريجر قايلى المعلومة دى النهاردة ال 6.35 ب 150 جنيه الطلقة , التوكاريف ب 120 جنيه و مش من تاجر كمان , و بقاله اكتر من شهرين بيدور على 6.35

يعنى اللى معاه زنكاية طلقات من دول يبيعها و يعمل مشروع صغير ... سبحان مغير الاحوال

:)

سبحان مغير الاحوال فعلاً
تفتكر يافندم ان الوضع ده هيستمر كتير (قفل باب التصدير و زيادة الترخيصات و بالتالى زيادة الطلب و ثبات العرض؟ و بالتالى زيادة الأسعار الجنونيه)؟

Compact
04-06-2012, 04:42 AM
سبحان مغير الاحوال فعلاً
تفتكر يافندم ان الوضع ده هيستمر كتير (قفل باب التصدير و زيادة الترخيصات و بالتالى زيادة الطلب و ثبات العرض؟ و بالتالى زيادة الأسعار الجنونيه)؟

و الله الواحد مكسوف يرد عليك باللى جواه

بس المؤشرات بتقول ان الليلة حتطول شوية

عموما الحلوان51 انتاجه موقوف لحد اول شهر 7 , و الله اعلم يمكن يبطلوا انتاجه و نشوف سيج زاور مصرى ولا بى اكس ستورم مصرى :)

ماهو مش معقولة بننتج نفس الطبنجة من ايام الملكية واحنا ملوك التطوير و التعديل فى العالم و انته عارف كده كويس ... خلى الواحد ساكت احسن :)

أشرف صبرى
04-06-2012, 04:47 AM
و الله الواحد مكسوف يرد عليك باللى جواه

بس المؤشرات بتقول ان الليلة حتطول شوية

عموما الحلوان51 انتاجه موقوف لحد اول شهر 7 , و الله اعلم يمكن يبطلوا انتاجه و نشوف سيج زاور مصرى ولا بى اكس ستورم مصرى :)

ماهو مش معقولة بننتج نفس الطبنجة من ايام الملكية واحنا ملوك التطوير و التعديل فى العالم و انته عارف كده كويس ... خلى الواحد ساكت احسن :)

طيب ايه راى سيادتك ف تخوُّفى؟
هعيد السؤال:

الطلقات حتى لو انا وفرت منها كميه الا انها مابتتصنعش دلوقتى و الموجود منها بيقل بالاستهلاك و ده معناه ان مع الوقت العرض بيقل و طبعاً الطلب زى ماهوا علشان الطبنجات الماكروف موجوده و ده معناه ان السعر للمكاروف هيفضل يزيد مع الوقت وبكده مع الوقت انا هبقى ف مشكله و ده من اسباب تفكيرى ف البيع....انا بكلم حضرتك بصراحه و عايز راى حضرتك كأبّ ورأى باقى الزملاء؟

Compact
04-06-2012, 04:57 AM
طيب ايه راى سيادتك ف تخوُّفى؟
هعيد السؤال:

الطلقات حتى لو انا وفرت منها كميه الا انها مابتتصنعش دلوقتى و الموجود منها بيقل بالاستهلاك و ده معناه ان مع الوقت العرض بيقل و طبعاً الطلب زى ماهوا علشان الطبنجات الماكروف موجوده و ده معناه ان السعر للمكاروف هيفضل يزيد مع الوقت وبكده مع الوقت انا هبقى ف مشكله و ده من اسباب تفكيرى ف البيع....انا بكلم حضرتك بصراحه و عايز راى حضرتك كأبّ ورأى باقى الزملاء؟

اشترى 50 طلقة مكاروف و اصبر 3 شهور و اعمل سلاح اضافى يكون 9مم

بعديها شوف حتبيع المكاروف ولا حتخليها

حقولك تانى : شوف حد فى المنطقة الجنوبية :)

أشرف صبرى
04-06-2012, 05:04 AM
اشترى 50 طلقة مكاروف و اصبر 3 شهور و اعمل سلاح اضافى يكون 9مم

بعديها شوف حتبيع المكاروف ولا حتخليها

حقولك تانى : شوف حد فى المنطقة الجنوبية :)

ان شاء الله هشوف جيش و شرطه ف المنطقه الجنوبيه
ربنا يكرمك يافندم و يجازيك خير

Compact
04-06-2012, 05:24 AM
ان شاء الله هشوف جيش و شرطه ف المنطقه الجنوبيه
ربنا يكرمك يافندم و يجازيك خير

انشاء الله حتلاقي الطلقات و حتحتفظ بالطبنجة للابد

Trigger
04-06-2012, 07:50 AM
موضوع رائع و يعتبر مكتبة معلومات. شكرا لكل من شارك و ساعد

أشرف صبرى
04-06-2012, 12:25 PM
موضوع رائع و يعتبر مكتبة معلومات. شكرا لكل من شارك و ساعد

حضرتك من الناس اللى خللوا للموضوع قيمه ....ربنا يكرمك على اهتمامك بمشاكل الاعضاء

Compact
04-06-2012, 06:33 PM
كلنا هنا عشان نساعد بعض فى الخير

أشرف صبرى
04-07-2012, 08:32 PM
انا قست الطلقات اللى معايا لقيت طول الفارغ حوالى 18 مم بس مش متأكد.....حد يعرف الفرق بين ال9 مم القصير و الماكروف علشان الطلقات اللى معايا انا هبيعها و هجيب بتمنها ماكروف بس الاول عايز اتاكد ان مفيهاش مكروف...هل الماكروف ليها شكل مميز؟

أشرف صبرى
04-07-2012, 08:34 PM
على فكره انا ضربت انهارده بالمسدس 3 طلقات ورا بعض و المسدس زى الفل....بس انا الناس الخبرا قالولى يستحسن متضربش بيه غير الماكروف بس علشان احافظ عليه اكتر

أشرف صبرى
04-07-2012, 08:35 PM
ارجو الاجابه السؤال السابق عن نوع الطلقات علشان انا هبيع اللى معايا لو كانت 9 مم قصير عادى....

ahmed.76
04-07-2012, 08:49 PM
المكاروف 9x 18
9 القصير 9x17
والله وأعلم

أشرف صبرى
04-07-2012, 08:58 PM
انا عارف يا استاذ احمد....بس القياس صعب...فهل المكاروف ليه اى علامه؟

ahmed.76
04-07-2012, 09:26 PM
بصراحه مش عارف

أشرف صبرى
04-07-2012, 09:53 PM
أشكرك يا باشا و منتظر ردود الخبراء

أشرف صبرى
04-08-2012, 12:12 AM
مازلت منتظر ردود الخبراء

Compact
04-08-2012, 01:08 AM
دى صورة لكل انواع الطلقات اللى فى الدنيا

المكاروف نمرة 8 فى الطلقات اللى موجودة فى الصورة تحت

بص عليها و قارن بينها و بين الباقى

(نمرة 8 اسفل الصورة)

Compact
04-08-2012, 01:32 AM
هات طلقة 9*19 و طلقة 9*17 و حطهم جنب بعض .. المكاروف هى اللى فى النص 9*18 :)

ahmed.76
04-08-2012, 01:34 AM
دايما مغذينا بعلمك يا جنرال ربنا يزيدك فعلا صوره تعد مرجع

Compact
04-08-2012, 01:38 AM
دايما مغذينا بعلمك يا جنرال ربنا يزيدك فعلا صوره تعد مرجع

شكرا يا سيادة المستشار يا مغذينا بالاحترام المتبادل :)

ahmed.76
04-08-2012, 01:50 AM
ربنا يديم المحبه يا جنرال

النعمانى
04-08-2012, 10:17 PM
المسدس الحلوان920 يضرب طلقات 9*17 القصير
ولا9*19 الطويل

أشرف صبرى
04-08-2012, 10:41 PM
هات طلقة 9*19 و طلقة 9*17 و حطهم جنب بعض .. المكاروف هى اللى فى النص 9*18 :)
ربنا يكرمك يا جنرال
انا هعمل كده
على فكره انا ضربت امبارح بالمسدس الطلقات اللى عندى و ضرب كذا طلقه ورا بعض زى الفل
علشان كده انا قلت يمكن تبقى مكاروف
انا نزلت صوره ليها

أشرف صبرى
04-08-2012, 10:42 PM
ربنا يديم المحبه يا جنرال

ويكرمك يا سيادة المستشار

أشرف صبرى
04-08-2012, 10:44 PM
المسدس الحلوان920 يضرب طلقات 9*17 القصير
ولا9*19 الطويل

9 * 19
طبعاً إتأكد من الجنرال

أشرف صبرى
04-08-2012, 10:49 PM
حدّ يقدر يعرف من صورة الطلقات هيا مكاروف وللا لأ؟
انا مكسوف اسأل من الجنرال علشان انا تقّلت عليه اوى

أشرف صبرى
04-08-2012, 10:50 PM
انا هنزل صورة الطلقات تانى يمكن تبقى اوضح

أشرف صبرى
04-08-2012, 10:55 PM
صورتين للطلقات

أشرف صبرى
04-08-2012, 10:56 PM
هل من الصور دى نقدر نعرف هيا مكاروف وللا 9 مم قصير

bodygard 34
04-08-2012, 11:10 PM
هل من الصور دى نقدر نعرف هيا مكاروف وللا 9 مم قصير
بالمقارنه بالطلقات اللى معايا اللى هى 9.17 اعتقد ان دى مختلفه فى السمك ودوران بوز الطلقه حاجه بسيطه جدا وهى طبعا مش 9 طويل ..اعتقد ان دى المكاروف

أشرف صبرى
04-08-2012, 11:20 PM
بالمقارنه بالطلقات اللى معايا اللى هى 9.17 اعتقد ان دى مختلفه فى السمك ودوران بوز الطلقه حاجه بسيطه جدا وهى طبعا مش 9 طويل ..اعتقد ان دى المكاروف

أولاً ربنا يكرمك على اهتمامك
انا بس نفسى كذا واحد يشوف الصور و يأكد المعلومه
أشكرك مره تانيه أخى الكريم

أشرف صبرى
04-08-2012, 11:22 PM
انا ان شاء الله هبقى اقارن زى ما الجنرال قال بس انا منتظر ملاحظة الاعضاء على الصور و اجابتهم على سؤالى

أشرف صبرى
04-08-2012, 11:24 PM
معلش السؤال مره تانيه علشان لو حد لسه فاتح دلوقتى:
من الصور السابقه هل حد يقدر يأكد لى اذا كانت الطلقات دى مكاروف وللا 9 مم قصير؟

Compact
04-08-2012, 11:34 PM
اللى فى الصور دى طلقات مكاروف روسى

أشرف صبرى
04-08-2012, 11:36 PM
اللى فى الصور دى طلقات مكاروف روسى

دا أحلى خير سمعته يافندم

Compact
04-08-2012, 11:36 PM
بس انته قلت انه كدب معاك !!؟

يكدب ليه !!!

أشرف صبرى
04-08-2012, 11:36 PM
انا معايا منها 100 طلقه

أشرف صبرى
04-08-2012, 11:38 PM
معلش يا جنرال آخر سؤال
كده أكيد دى مكاروف؟
انا اقصد إنى كده مش هسأل حد تانى خلاص
و معنى كده كمان انى لو جبتلها 9*17 مش هتضرب؟

أشرف صبرى
04-08-2012, 11:41 PM
بس انته قلت انه كدب معاك !!؟

يكدب ليه !!!

أنا فيه حد بتاع سلاح و ذخيره قاللى ان ممكن الطلقات اللى ف الخزنتين كانت واخده رطوبه
وهوا اللى أشار عليا انى أضرب تانى بالطلقات اللى ف العلب و هوا ده اللى انا عملته

Compact
04-08-2012, 11:42 PM
معلش يا جنرال آخر سؤال
كده أكيد دى مكاروف؟
انا اقصد إنى كده مش هسأل حد تانى خلاص
و معنى كده كمان انى لو جبتلها 9*17 مش هتضرب؟

يمكنك مراجعة الارقام المحفورة على الطلقة بسجلات الاسلحة و الذخيرة بالقوات المسلحة او مع هيئة الامداد و التموين بأول طريق السويس

أشرف صبرى
04-08-2012, 11:42 PM
كده يبقى كلام الراجل بتاع الذخيره ده صح؟
انا كنت سألت سيادتك هل ممكن المسدس يضرب مع طلقات غير المكاروف؟

Compact
04-08-2012, 11:44 PM
أنا فيه حد بتاع سلاح و ذخيره قاللى ان ممكن الطلقات اللى ف الخزنتين كانت واخده رطوبه
وهوا اللى أشار عليا انى أضرب تانى بالطلقات اللى ف العلب و هوا ده اللى انا عملته

ممكن جدا لان الطلقات انتاج قديم و باين عليها

اهتم بتخزينها شوية و حافظ على الموجودين معاك ... باين عليك لسة ضاربهم طازة :)

هى العلب مش مكتوب عليها مقاس الطلقات !؟

Compact
04-08-2012, 11:46 PM
المسدس الحلوان920 يضرب طلقات 9*17 القصير
ولا9*19 الطويل

الحلوان920 يضرب طويل بس

و ال51 برضه ال9مم الطويل هو العيار القياسى ليه و مش كل ال51 بيضرب طويل و قصير

Compact
04-08-2012, 11:47 PM
هو الحلوان العهدة مضايقك أوى كده يا سيادة المقدم :)

أشرف صبرى
04-08-2012, 11:53 PM
ممكن جدا لان الطلقات انتاج قديم و باين عليها

اهتم بتخزينها شوية و حافظ على الموجودين معاك ... باين عليك لسة ضاربهم طازة :)

هى العلب مش مكتوب عليها مقاس الطلقات !؟

انا هقول لسيادتك
العلبه كرتون و مش مكتوب عليها حاجه
و انا هانزّل صورتها

لكن الطلقات مكتوب عليها:
من فوق 38
ومن تحت 71

أشرف صبرى
04-08-2012, 11:54 PM
صورة العلبه الكرتون مع إن ملهاش لازمه

Compact
04-09-2012, 12:05 AM
حطهم فى علبة كرتون و حط جنبيهم قطعتين فحم صغيرين عشان يسحبوا الرطوبة و لو اكياس الرطوبة اللى بتيجى مع الاجهزة الكهربائية موجودة حطها برضوا

الفحم تغيروا كل شهر مثلا ... اكياس الرطوبة من 3 الى 6 شهور و تغيرها

تخزين الذخيرة مهم جدا

انا عندى طلقات 9مم انتاج سنة 1948 و شغالة زى الفل لحد دلوقتى عشان متخزنة صح

Compact
04-09-2012, 12:06 AM
انا هقول لسيادتك
العلبه كرتون و مش مكتوب عليها حاجه
و انا هانزّل صورتها

لكن الطلقات مكتوب عليها:
من فوق 38
ومن تحت 71

راجع الارقام بالتليفون مع هيئة الامداد و التموين

أشرف صبرى
04-09-2012, 12:17 AM
راجع الارقام بالتليفون مع هيئة الامداد و التموين

حتى لو الطلقات مش مصرى أتصل بالهيئه برضه يافندم؟....هيا اكيد روسى
وهتصل بأيه بالضبط ف الهيئه؟....فرع ايه يافندم ف الهيئه؟
فرع الإمداد مثلاً؟

bodygard 34
04-09-2012, 12:47 AM
دا أحلى خير سمعته يافندم
كده مع ال 100 طلقه اللى معاك يبقى المسدس ده فى الجون.. واوعى تفرط فيه..والسعر اللى انت اشتريت بيه ده ولا حاجه بالنسبه لقيمه المسدس اللى معاك والف مبروك يا سيادة المقدم

أشرف صبرى
04-09-2012, 12:57 AM
كده مع ال 100 طلقه اللى معاك يبقى المسدس ده فى الجون.. واوعى تفرط فيه..والسعر اللى انت اشتريت بيه ده ولا حاجه بالنسبه لقيمه المسدس اللى معاك والف مبروك يا سيادة المقدم
ربنا يكرمك يا حاج محمد
أتمنى انى اتعرف على حضرتك ف يوم من الايام

Trigger
04-09-2012, 02:19 AM
كده مع ال 100 طلقه اللى معاك يبقى المسدس ده فى الجون.. واوعى تفرط فيه..والسعر اللى انت اشتريت بيه ده ولا حاجه بالنسبه لقيمه المسدس اللى معاك والف مبروك يا سيادة المقدم

اهو الحج جابلك من اﻵخر و ألف مبروك يا اشرف باشا

أشرف صبرى
04-09-2012, 02:33 AM
اهو الحج جابلك من اﻵخر و ألف مبروك يا اشرف باشا
الله يكرمك....اتصلت بيك انهارده كنت عايز اسلم عليك

أشرف صبرى
04-09-2012, 02:41 AM
انا بس كل خوفى منه ان لو اى جزء باظ ملوش قطع غيار

Trigger
04-09-2012, 03:28 AM
انا بس كل خوفى منه ان لو اى جزء باظ ملوش قطع غيار



يا اشرف بيه ده احنا الى نبوظ ويفضل هوا شغال. ده ماكاروف مش حلوان

Trigger
04-09-2012, 11:33 AM
ياريت تتأكد من موضوع الطلقات الحارقة اللى معاك
و لو طلعت فعﻻ كده يبقى على رأى الحج محمد فى الجون

bodygard 34
04-09-2012, 12:42 PM
انا بس كل خوفى منه ان لو اى جزء باظ ملوش قطع غيار
بص ياأشرف بك..بعد اذن الخبراء طبعا اصلى حافتى فتوى صغيره..طالما ان المسدس لم يستخدم من قبل الشرطه او الجيش هنا فى مصر كتسليح ..يعنى بالبلدى كده استخدام مدنى.. يبقى اكيد من جوه (الماسوره والاجزاء واليايات..الخ) بحالة المصنع وبشكل اوضح اكيد ماضربش فى عمره كله 1000 طلقه وده معدل استهلاك ضعيف جدا مقارنه بأى سلاح بيستخدم فى الجيش او الشرطه..وانا متأكد ان ماسورته من جوه بتلالى وشخشناتها زى ماهى وشكل المسدس فى الصوره زى ما بيقولوا الجواب بيبان من عنوانه يعنى ده مسدس صاحبه كان بيصونه..ده اولا اما ثانيا فرضا ان فى حاجه باظت.. فى هنا فى مصر ورش بتعمل العجب ماتخافش...ثالثا الصلب الروسى وبالذات فى التسليح وانت طبعا سيد العارفين ..لا يقارن... رابعا على رأى اخونا تريجر احنا حانبوظ وهو لأ..ده من اللى بيقولوا عليه تتوارثه الاجيال..خامسا لو بعد كل اللى انا قلته ده لسه شاكك فى السلاح ده..انا ممكن اخلصك من السلاح الوحش ده وبنفس التمن اللى اشتريته بيه وعندى المشترى وتصريحه جاهز ودى تضحيه كبيره منى طبعا ...:)

bodygard 34
04-09-2012, 12:49 PM
ربنا يكرمك يا حاج محمد
أتمنى انى اتعرف على حضرتك ف يوم من الايام
انا يشرفنى التعرف بيك يا اشرف بك

أشرف صبرى
04-09-2012, 04:04 PM
ياريت تتأكد من موضوع الطلقات الحارقة اللى معاك
و لو طلعت فعﻻ كده يبقى على رأى الحج محمد فى الجون

فيه طلقات اللون ده بس مش كتيره
تصدّق انى كل مابتكلم معاك ف التليفون بستفاد
ربنا يكرمك يا حبيب قلبى

أشرف صبرى
04-09-2012, 04:24 PM
بص ياأشرف بك..بعد اذن الخبراء طبعا اصلى حافتى فتوى صغيره..طالما ان المسدس لم يستخدم من قبل الشرطه او الجيش هنا فى مصر كتسليح ..يعنى بالبلدى كده استخدام مدنى.. يبقى اكيد من جوه (الماسوره والاجزاء واليايات..الخ) بحالة المصنع وبشكل اوضح اكيد ماضربش فى عمره كله 1000 طلقه وده معدل استهلاك ضعيف جدا مقارنه بأى سلاح بيستخدم فى الجيش او الشرطه..وانا متأكد ان ماسورته من جوه بتلالى وشخشناتها زى ماهى وشكل المسدس فى الصوره زى ما بيقولوا الجواب بيبان من عنوانه يعنى ده مسدس صاحبه كان بيصونه..ده اولا اما ثانيا فرضا ان فى حاجه باظت.. فى هنا فى مصر ورش بتعمل العجب ماتخافش...ثالثا الصلب الروسى وبالذات فى التسليح وانت طبعا سيد العارفين ..لا يقارن... رابعا على رأى اخونا تريجر احنا حانبوظ وهو لأ..ده من اللى بيقولوا عليه تتوارثه الاجيال..خامسا لو بعد كل اللى انا قلته ده لسه شاكك فى السلاح ده..انا ممكن اخلصك من السلاح الوحش ده وبنفس التمن اللى اشتريته بيه وعندى المشترى وتصريحه جاهز ودى تضحيه كبيره منى طبعا ...:)

ربنا يكرمك والله
المسدس كان مسدس مدنى ملك لواء متقاعد بالقوات المسلحه.....لواء من اللواءات اللى حاربت كذا حرب...اللواءات اللى كانت فاهمه يعنى ايه روسى...و هوا كان قدامه كل الانواع و لكنه اختار المكاروف....و كان محافظ عليه.....و الطلقات اللى معايا ديه بتاعة السيد اللواء صاحب المسدس.....هوا توفى رحمه الله من سنين وابنه ضابط قوات مسلحه اخذ المسدس ولم يستخدمه الا ايام الثوره كان بيضرب ف الهوا ف اللجان الشعبيه......و ابن اللواء التانى كان ضابط أمن دوله و توفى فزميلى اخذ سلاح أخوه وهو من أحدث الاسلحه العالميه و باع لى سلاح والده و أعطانى الطلقات لان المسدس الثانى 9مم طويل.....علشان كده ولا انا كنت فاهم حاجه ف الطلقات اللى معايا و لا زميلى صاحب المسدس كان فاهم فيها حاجه لان والده رحمه الله كان مانع ان اى حد من ولاده يستعمل المسدس...هوا ده تاريخ المسدس

أشرف صبرى
04-09-2012, 04:26 PM
خامسا لو بعد كل اللى انا قلته ده لسه شاكك فى السلاح ده..انا ممكن اخلصك من السلاح الوحش ده وبنفس التمن اللى اشتريته بيه وعندى المشترى وتصريحه جاهز ودى تضحيه كبيره منى طبعا ...:)
هاهاها....حضرتك حبيبى آه.......بس إنسى

انا بعد آراء الخبرا ف المنتدى و الخبراء اللى شافوا المسدس قررت إنى مش هبيعه بالطلقات اقل من 29 الف

او هبدله بستار 15 طلقه بخزنه اضافيه او حلوان 920 القديم قبل سنة 90 و يكون معاه خزنه احتياطى برضه
غير كده لأ

وده ميمنعش انى بحب حضرتك

Trigger
04-09-2012, 05:25 PM
ربنا يكرمك والله
المسدس كان مسدس مدنى ملك لواء متقاعد بالقوات المسلحه.....لواء من اللواءات اللى حاربت كذا حرب...اللواءات اللى كانت فاهمه يعنى ايه روسى...و هوا كان قدامه كل الانواع و لكنه اختار المكاروف....و كان محافظ عليه.....و الطلقات اللى معايا ديه بتاعة السيد اللواء صاحب المسدس.....هوا توفى رحمه الله من سنين وابنه ضابط قوات مسلحه اخذ المسدس ولم يستخدمه الا ايام الثوره كان بيضرب ف الهوا ف اللجان الشعبيه......و ابن اللواء التانى كان ضابط أمن دوله و توفى فزميلى اخذ سلاح أخوه وهو من أحدث الاسلحه العالميه و باع لى سلاح والده و أعطانى الطلقات لان المسدس الثانى 9مم طويل.....علشان كده ولا انا كنت فاهم حاجه ف الطلقات اللى معايا و لا زميلى صاحب المسدس كان فاهم فيها حاجه لان والده رحمه الله كان مانع ان اى حد من ولاده يستعمل المسدس...هوا ده تاريخ المسدس

تاريخ مميز يخليك تتمسك بالمسدس اكتر و اكتر

أشرف صبرى
04-09-2012, 06:56 PM
هو الحلوان العهدة مضايقك أوى كده يا سيادة المقدم :)

انا ضربت كتير بالحلوان يافندم و لمّا بنهتم بالحلوان ف الصيانه بينفع جداً و مبيخزلناش
لكن انا بصراحه اللى عقّدنى من الحلوان ان مره كان فيه ضابط كان مسافر بليل لشغله و طلع عليه 4 بلطجيه ضرب واحد فيهم طلقه ف رجله وجاى يضرب التانى المسدس علّق منه.....و طبعاً البلطجيه مسكوه و بهدلوه

الموضوع ده كرهنى ف حلوان مع ملاحظة ان انا متأكد ان السلاح الميرى محدش بيعمل له صيانه وممكن يكون ده من اسباب مشاكله و مع ملاحظة ان انا بتكلم عن الحلوان العادى مش التصدير

Compact
04-10-2012, 02:55 AM
هاهاها....حضرتك حبيبى آه.......بس إنسى

انا بعد آراء الخبرا ف المنتدى و الخبراء اللى شافوا المسدس قررت إنى مش هبيعه بالطلقات اقل من 29 الف

او هبدله بستار 15 طلقه بخزنه اضافيه او حلوان 920 القديم قبل سنة 90 و يكون معاه خزنه احتياطى برضه
غير كده لأ

وده ميمنعش انى بحب حضرتك

الطبنجة اللى معاك دى احسن من 100 ستار و حلوان على بعض

bodygard 34
04-10-2012, 04:13 PM
هاهاها....حضرتك حبيبى آه.......بس إنسى

انا بعد آراء الخبرا ف المنتدى و الخبراء اللى شافوا المسدس قررت إنى مش هبيعه بالطلقات اقل من 29 الف

او هبدله بستار 15 طلقه بخزنه اضافيه او حلوان 920 القديم قبل سنة 90 و يكون معاه خزنه احتياطى برضه
غير كده لأ

وده ميمنعش انى بحب حضرتك
سؤال صغير بعد اذنك.. اشمعنى رقم 29000 مش 30000 او اى رقم تانى؟؟؟؟؟ وهل سعرته فعلا عند حد تاجر سلاح؟؟؟ اجابة السؤال مهمه لى..عشان عايز اسعر سلاحى ..احنا اتكلمنا عن مسدسك كجوده وكفاءه لكن انا ماليش فى التسعير ..عشان كده مهتم اعرف سعرته ازاى لو تكرمت

أشرف صبرى
04-11-2012, 04:58 AM
سؤال صغير بعد اذنك.. اشمعنى رقم 29000 مش 30000 او اى رقم تانى؟؟؟؟؟ وهل سعرته فعلا عند حد تاجر سلاح؟؟؟ اجابة السؤال مهمه لى..عشان عايز اسعر سلاحى ..احنا اتكلمنا عن مسدسك كجوده وكفاءه لكن انا ماليش فى التسعير ..عشان كده مهتم اعرف سعرته ازاى لو تكرمت

بص يا حاج محمد انا هتكلم معاك بمنتهى الصراحه و الحب اللى بتكلم بيها مع الجنرال و تريجر
انا مافهمش اى حاجه ف التسعير انا قلت اى رقم و خلاص
انا ياما بعت حاجات زى شقتى القديمه و عربيتى القديمه و اكتشفت انى بعتها ارخص من تمنها لأنى دايماً بستعجل و معنديش وقت و عايز الحق اسافر شغلى ومش بحسبها صح
انا للاسف تلقائى و مش شاطر خالص ف البيع و الشرا و ممكن علشان كده ربنا بيوفقنى ف حاجات كتير...
المسدس بس انا عرضته على عميد ف الاسلحه و الذخيره وهوا خبير ف المسدسات و ورش الاسلحه وقعد يبص ف الماسوره و الششخانات و كده و قاللى انه لو يتقدّر هيبقى أكتر من 100 الف لكن ف بلدنا دى محدش هياخده منك بربع التمن ده لأن الناس مش فاهمه حاجه وكله عايز 9 مم و خلاص...وقاللى انه لو معاه فلوس كان اخده منى و احتفظ بيه بس انا قلت له انى أصلاً مش بفكر ابيعه علشان ما ابدأش تانى ف رحلة العذاب و البحث عن سلاح و حرقة الدم بتاعة ان تصريح الشرا قرّب يخلص...

انا طبعاً اظن انه بيبالغ ف السعر بس مقدرش اقوله كده ...
وقاللى بعد التجربه ف مكان مساحته زى ميدان رمايه مصغّر ان المسدس زى الفل و حرام ابيعه لكن فيه بعض الطلقات اللى معايا مكدّبه و قاللى متقولش كده لحد لكن طبعاً دى امانه لازم تتقال علشان ربنا يباركلنا ف فلوسنا وولادنا
وقاللى ان ال116 طلقه اللى معايا دول كنز ممكن لو بعت المسدس ابيع معاه 15 او 20 طلقه و الباقى ابيعهم منفصلين ...
على فكره أنا فيه تاجر ف طنطا قاللى انه ممكن يجيبلى طلقات على 50 جنيه الطلقه و ده من اسباب انى نويت ابدِّل المسدس
ده كلام سيادة العميد وهوا فعلاً سُمعِتُه انه من اكتر الناس ف الاسلحه و الذخيره خبره ف المجال ده لانه سافر روسيا و دول كتير و متخصص ف المسدسات الانواع المختلفه

انا فعلا نويت انى ابدله بمسدس خزنته 16 طلقه و ليه خزنتين و يكون 9 مم طويل لكن كل اللى عندهم كده رافضين يبدلوا معايا الا بفرق تمن و انا فعلاً فلِّست

انا فضفضت معاك بس إجابة سؤالك هاقولهالك تانى ...انا كمان مبعرفش أسعَّر حاجه لكن ف الحالات اللى زى دى اطلب من الجنرال او تريجر او حد من الخبرا بتوعنا يسعرهالك و همّا طبعاً ناس ثقه تاخد منهم وانت مغمض

أشرف صبرى
04-11-2012, 05:04 AM
الطبنجة اللى معاك دى احسن من 100 ستار و حلوان على بعض

انا عارف يافندم و واثق ف كلام سيادتك من اول يوم والله
اقول لسيادتك حاجه
انا كنت امبارح مع عميد أ.ذ.خبير كبير ف المسدسات و لما قعدت مع الناس دى افتكرت سيادتك و حسيت انى بسبب معلومات سيادتك بس عرفت اجاريهم شويه ف الكلام

Compact
04-11-2012, 06:06 AM
طريقة كلامك يا سيادة المقدم تدل انك شخصية شديدة الاحترام و الامانة و التواضع , و بكره حتبقى ضابط كبير قوى فى جيشنا العظيم و حفكرك :)

الطبنجة بتاعتك سعرها لن يقل عن 25000 جنيه بدون طلقات فى الوقت الحالى

الطلقات ذات الخط الاحمر هى طلقات ماكاروف حارقة و دى نادرة جداااااااااااااااااااااااااااااااااااااااااااااااا و ممكن تلاقى ناس كتير متعرفش ان فى مكاروف حارق اصلا , احتفظ بيهم للابد حتى لو بعت الطبنجة فى يوم من الايام

الطلقات المكدبة ده سوء تخزين مش عيب فى الطبنجة

لو بدلته بحاجة اسبانى او ايطالى بخزنة كبيرة مش حتبقى مبسوط و أنا متأكد , خصوصا لو اتعودت علي المكاروف , لان الضرب بيه ممتع و مداه المؤثر قوى جدا و مصنف كطبنجة ميدان مش طبنجة دفاع شخصى زى الجلوك19 اللى معايا دلوقتى و اسمها جلوك و تمنها عدى ال 120000 جنيه فى المحلات

الطبنجة تقاس بالاداء و الاعتمادية مش بحجم الخزنة خصوصا ان معاك خزنة اضافية

اكتر حاجة صح تعملها تدورلها على خزنة كمان عشان واضح انك بتحب تشيل طلقات كتير عشان الراحة النفسية لان واضح انك كثير السفر داخل ارجاء الجمهورية


تحية خاصة لاخلاقك الرفيعة ... و قلتلك قبل كده الجواب باين من عنوانه يا سيادة المقدم الخلوق :)

أشرف صبرى
04-11-2012, 10:27 PM
طريقة كلامك يا سيادة المقدم تدل انك شخصية شديدة الاحترام و الامانة و التواضع , و بكره حتبقى ضابط كبير قوى فى جيشنا العظيم و حفكرك :)

الطبنجة بتاعتك سعرها لن يقل عن 25000 جنيه بدون طلقات فى الوقت الحالى

الطلقات ذات الخط الاحمر هى طلقات ماكاروف حارقة و دى نادرة جداااااااااااااااااااااااااااااااااااااااااااااااا و ممكن تلاقى ناس كتير متعرفش ان فى مكاروف حارق اصلا , احتفظ بيهم للابد حتى لو بعت الطبنجة فى يوم من الايام

الطلقات المكدبة ده سوء تخزين مش عيب فى الطبنجة

لو بدلته بحاجة اسبانى او ايطالى بخزنة كبيرة مش حتبقى مبسوط و أنا متأكد , خصوصا لو اتعودت علي المكاروف , لان الضرب بيه ممتع و مداه المؤثر قوى جدا و مصنف كطبنجة ميدان مش طبنجة دفاع شخصى زى الجلوك19 اللى معايا دلوقتى و اسمها جلوك و تمنها عدى ال 120000 جنيه فى المحلات

الطبنجة تقاس بالاداء و الاعتمادية مش بحجم الخزنة خصوصا ان معاك خزنة اضافية

اكتر حاجة صح تعملها تدورلها على خزنة كمان عشان واضح انك بتحب تشيل طلقات كتير عشان الراحة النفسية لان واضح انك كثير السفر داخل ارجاء الجمهورية


تحية خاصة لاخلاقك الرفيعة ... و قلتلك قبل كده الجواب باين من عنوانه يا سيادة المقدم الخلوق :)

إزّاىّ حضرتك يافندم
انا والله ببقى سعيد لمّا حضرتك بتهتم بكلامى و بترد عليه
وسعيد بفكرة حضرتك عنى و عن أخلاقى ( وربنا يجعلنى خيراً مما تظنّ فى و يغفر لى ما لا تعلمه عنى ) كما كان يقول الرسول صلى الله عليه و سلم

بالنسبه لموضوع الطلقات الحارق أنا لما سألت إزاى سيادة اللواء الله يرحمه جاب الطلقات دى عرفت أنه كان ف روسيا ف بعثه تطوير معدات و جابها من زملاء له هناك بصفه شخصيه...أنا معايا 16 طلقه عاديه و الباقى كله حارق...أنا مش متأكد من العدد ده لأنى مش متأكد إن كلها حارق لكن تقريباً كده....و الطلقات الحارق طالما حضرتك شايف إنها كنز يستحق الإحتفاظ بيه يبقى كلها هديه منى لسيادتك ف كل الاحوال بمجرد ماهبيع الطبنجه و همّا و الحمد لله كتير أوى...أنا بقول مجرد ماهبيع علشان أنا خايف إن اللى هيبدلها معايا مايرضاش ياخدها بالطلقات القليله اللى فاضله...و بقول هديه لسيادتك لأنى لو كسبت محبة سيادتك أحسن عندى من إنى أبيعهم بأى تمن...و كفايه وقفة حضرتك مع كل الناس ف المنتدى و دى حاجه لا تُقدّر بتمن...


بمنتهى الأمانه انا هقول لحضرتك حاجه ف موضوع انى ابقى ضابط كبير و لو ان الكلام ده غلط انى افضفض فيه على الملأ
انا أمنيتى انى اكون مخلص ف عملى حتى لو بسيط...وده اهم عندى من انى اكون منصب كبير ف الدنيا
فاكر موضوع الشهيد العقيد محمد زرد اللى كتبه الحاج محمد...الناس اللى زى دول همّا اللى فازوا بكل حاجه خصوصاً ان الشهاده الحقيقيه هى الشهاده ف حرب مع اليهود زى الشهيد محمد زرد و نحسبه كذلك ولا نزكيه على الله

على فكره يافندم أنا ماعنديش عقده نفسيه ف موضوع الخزن الكتير لكن أنا أعرف ناس إنضرب عليهم نار ف طرق مثل طريق العلمين وادى النطرون و طريق شلاتين حلايب و طريق أسيوط و طبعاً كل ده كوم و طرق سيناء بتاعة البدو مصيبه تانيه... و البلطجيه بيطلعوا بالآلى مش بمسدسات علشان كده موضوع الطلقات مهم جداً....و خصوصاً إنى ساعات بضطر اسافر بليل و مينفعش أختار التوقيت...
زميل لينا كان مسافر طلع عليه أربع بلطجيه و كان معاه حلوان و للأسف ماكانش بيعمل له صيانه نهائى وده خطأ كبير....المهم ضرب طلقه ف الهوا زى التعليمات و لمّا ما إستسلموش ضرب واحد فيهم طلقه ف رجله و لمّا بدأوا يضربوا جاى يضرب طلقه ف رأس التانى الحلوان علّق و الباقى حضرتك عارفه طبعاً و إتحاكالك....الناس دى إتقبض عليها و السلاح الميرى رجع ....لكن أيه اللى أنا هستفاده حتى لو أخدوا إعدام بعد ما أولادى يكونوا إتيتموا

أنا انّهارده ضربت بحلوان و فرحت لأنى كان بقالى كتير مضربتش بيه
ربنا يكرم سيادتك و يجازيك خير على إهتمامك

لو ف يوم سيادتك عايز تخدمنى يبقى لو أنا قررت إنى أبدل طبنجتى بحاجه ف مواصفات أنا عايزها سيادتك تشوفلى زميل ليك بس يكون عارف قيمتها و قيمة الطلقات اللى معايا (طبعاً تقولله إن ممكن يكون فيه طلقات مكدبه علشان لو كان فيه حتى لو طلقه واحده ميبقاش فيه أى غش أو تدليس) ويبدلها بالحاجه اللى أنا عايزها وده هيكون بعد إسبوعين يعنى من أول مايو إلى ما قبل بداية إنتخابات الرئاسه طبعاً لأنى اليومين دول مشغولين(سيادتك عارف ليه طبعاً)
و دى تبقى خدمه ربنا يجازى سيادتك خير عليها و مش هنساها لسيادتك .....

و أرجوك متزعلش منى إنى مسمعتش نصيحة سيادتك بالإحتفاظ بيها

Compact
04-12-2012, 09:54 AM
إزّاىّ حضرتك يافندم
انا والله ببقى سعيد لمّا حضرتك بتهتم بكلامى و بترد عليه
وسعيد بفكرة حضرتك عنى و عن أخلاقى ( وربنا يجعلنى خيراً مما تظنّ فى و يغفر لى ما لا تعلمه عنى ) كما كان يقول الرسول صلى الله عليه و سلم

بالنسبه لموضوع الطلقات الحارق أنا لما سألت إزاى سيادة اللواء الله يرحمه جاب الطلقات دى عرفت أنه كان ف روسيا ف بعثه تطوير معدات و جابها من زملاء له هناك بصفه شخصيه...أنا معايا 16 طلقه عاديه و الباقى كله حارق...أنا مش متأكد من العدد ده لأنى مش متأكد إن كلها حارق لكن تقريباً كده....و الطلقات الحارق طالما حضرتك شايف إنها كنز يستحق الإحتفاظ بيه يبقى كلها هديه منى لسيادتك ف كل الاحوال بمجرد ماهبيع الطبنجه و همّا و الحمد لله كتير أوى...أنا بقول مجرد ماهبيع علشان أنا خايف إن اللى هيبدلها معايا مايرضاش ياخدها بالطلقات القليله اللى فاضله...و بقول هديه لسيادتك لأنى لو كسبت محبة سيادتك أحسن عندى من إنى أبيعهم بأى تمن...و كفايه وقفة حضرتك مع كل الناس ف المنتدى و دى حاجه لا تُقدّر بتمن...


بمنتهى الأمانه انا هقول لحضرتك حاجه ف موضوع انى ابقى ضابط كبير و لو ان الكلام ده غلط انى افضفض فيه على الملأ
انا أمنيتى انى اكون مخلص ف عملى حتى لو بسيط...وده اهم عندى من انى اكون منصب كبير ف الدنيا
فاكر موضوع الشهيد العقيد محمد زرد اللى كتبه الحاج محمد...الناس اللى زى دول همّا اللى فازوا بكل حاجه خصوصاً ان الشهاده الحقيقيه هى الشهاده ف حرب مع اليهود زى الشهيد محمد زرد و نحسبه كذلك ولا نزكيه على الله

على فكره يافندم أنا ماعنديش عقده نفسيه ف موضوع الخزن الكتير لكن أنا أعرف ناس إنضرب عليهم نار ف طرق مثل طريق العلمين وادى النطرون و طريق شلاتين حلايب و طريق أسيوط و طبعاً كل ده كوم و طرق سيناء بتاعة البدو مصيبه تانيه... و البلطجيه بيطلعوا بالآلى مش بمسدسات علشان كده موضوع الطلقات مهم جداً....و خصوصاً إنى ساعات بضطر اسافر بليل و مينفعش أختار التوقيت...
زميل لينا كان مسافر طلع عليه أربع بلطجيه و كان معاه حلوان و للأسف ماكانش بيعمل له صيانه نهائى وده خطأ كبير....المهم ضرب طلقه ف الهوا زى التعليمات و لمّا ما إستسلموش ضرب واحد فيهم طلقه ف رجله و لمّا بدأوا يضربوا جاى يضرب طلقه ف رأس التانى الحلوان علّق و الباقى حضرتك عارفه طبعاً و إتحاكالك....الناس دى إتقبض عليها و السلاح الميرى رجع ....لكن أيه اللى أنا هستفاده حتى لو أخدوا إعدام بعد ما أولادى يكونوا إتيتموا

أنا انّهارده ضربت بحلوان و فرحت لأنى كان بقالى كتير مضربتش بيه
ربنا يكرم سيادتك و يجازيك خير على إهتمامك

لو ف يوم سيادتك عايز تخدمنى يبقى لو أنا قررت إنى أبدل طبنجتى بحاجه ف مواصفات أنا عايزها سيادتك تشوفلى زميل ليك بس يكون عارف قيمتها و قيمة الطلقات اللى معايا (طبعاً تقولله إن ممكن يكون فيه طلقات مكدبه علشان لو كان فيه حتى لو طلقه واحده ميبقاش فيه أى غش أو تدليس) ويبدلها بالحاجه اللى أنا عايزها وده هيكون بعد إسبوعين يعنى من أول مايو إلى ما قبل بداية إنتخابات الرئاسه طبعاً لأنى اليومين دول مشغولين(سيادتك عارف ليه طبعاً)
و دى تبقى خدمه ربنا يجازى سيادتك خير عليها و مش هنساها لسيادتك .....

و أرجوك متزعلش منى إنى مسمعتش نصيحة سيادتك بالإحتفاظ بيها


انا مش زعلان منك خالص طبعا انك مش حتحتفظ بيه و اهم حاجة فى السلاح الشخصى هى الراحة النفسية , و ان انته عايز خزنة كبيرة دى اسمها راحة نفسية مش عقدة نفسية

انشاء الله انا و الزملاء هنا فى المنتدى نشوفلك حد يستبدل معاك بطبنجة تانية , ولو ان الاسهل و الاحسن انك تبيع الاول بعد كده تشترى

انا عارف و متأكد ان الطلق الحارق ده مش موجود اصلا مع اى حد فى روسيا ما بالك فى مصر

عايز اقولك ان وجهة نظرك صح فى موضوع الطلقات الكتير و انا شخصيا اتعرضت لموقف من سنة فى طريق اسكندرية الصحراوى و ده كان فى عز الانفلات الامنى و الحمد لله انى كنت معايا خزنة اضافية 33 طلقة بتاعة الجلوك , وعندك تريجر كمان عربيته كلها كانت مخرمة من طلقات الآلى و منفعهوش غير الخزنة الاضافية ال20 طلقة اللى كانت معاه برضه ساعتها و ده كان فى التجمع الخامس , وعندك برضه واحد صديقى فقد احد ابناءه فى سطو مسلح و عايز اقولك انه معاه رشاش صغير
عموما فى المواقف اللى زى دى مينفعش فيها طلقات تحذيرية خالص , لازم تشترى نفسك و تضرب فى المليان لفوق مش لتحت و انته عارف ان كله معاه آلى و عارف صعوبة مواجهة الآلى بطبنجة ... وربنا هو اللى بيستر فى الاخر و السلاح ما هو الا وسيلة مش اكتر

و لو معاك حلوان920 مثلا و خزنتها كبيرة بس ممكن تعلق معاك عشان كده قولتلك الاداء و الاعتمادية اهم من الطلقات الكتير

ربنا يكون فى عونك , شكلك كده بتسافر الصحراء الغربية كتير اليومين دول :)

أشرف صبرى
04-12-2012, 12:32 PM
انا مش زعلان منك خالص طبعا انك مش حتحتفظ بيه و اهم حاجة فى السلاح الشخصى هى الراحة النفسية , و ان انته عايز خزنة كبيرة دى اسمها راحة نفسية مش عقدة نفسية

انشاء الله انا و الزملاء هنا فى المنتدى نشوفلك حد يستبدل معاك بطبنجة تانية , ولو ان الاسهل و الاحسن انك تبيع الاول بعد كده تشترى

انا عارف و متأكد ان الطلق الحارق ده مش موجود اصلا مع اى حد فى روسيا ما بالك فى مصر

عايز اقولك ان وجهة نظرك صح فى موضوع الطلقات الكتير و انا شخصيا اتعرضت لموقف من سنة فى طريق اسكندرية الصحراوى و ده كان فى عز الانفلات الامنى و الحمد لله انى كنت معايا خزنة اضافية 33 طلقة بتاعة الجلوك , وعندك تريجر كمان عربيته كلها كانت مخرمة من طلقات الآلى و منفعهوش غير الخزنة الاضافية ال20 طلقة اللى كانت معاه برضه ساعتها و ده كان فى التجمع الخامس , وعندك برضه واحد صديقى فقد احد ابناءه فى سطو مسلح و عايز اقولك انه معاه رشاش صغير
عموما فى المواقف اللى زى دى مينفعش فيها طلقات تحذيرية خالص , لازم تشترى نفسك و تضرب فى المليان لفوق مش لتحت و انته عارف ان كله معاه آلى و عارف صعوبة مواجهة الآلى بطبنجة ... وربنا هو اللى بيستر فى الاخر و السلاح ما هو الا وسيلة مش اكتر

و لو معاك حلوان920 مثلا و خزنتها كبيرة بس ممكن تعلق معاك عشان كده قولتلك الاداء و الاعتمادية اهم من الطلقات الكتير

ربنا يكون فى عونك , شكلك كده بتسافر الصحراء الغربية كتير اليومين دول :)

إزاى حضرتك يافندم
انا بسافر كل حته يافندم.....انا حياتى كلها عباره عن شنطة سفر
إدعيلى علشان انا واحد جايبلى طلقات مكاروف و انا هروح آخدها منه دلوقتى.....ربنا يستر

Compact
04-12-2012, 04:10 PM
إزاى حضرتك يافندم
انا بسافر كل حته يافندم.....انا حياتى كلها عباره عن شنطة سفر
إدعيلى علشان انا واحد جايبلى طلقات مكاروف و انا هروح آخدها منه دلوقتى.....ربنا يستر

ربنا معاك و يعينك فى شغلك

واضح ان الطلقات المكدبة مخلياك مش مرتاح و قرار ممتاز انك تشترى طلقات تانية عشان الراحة النفسية

Trigger
04-12-2012, 11:19 PM
سيادة المقدم لسة مكلمنى و بيطمنا عليه و هو دلوقتى فى طريقه للقاهرة غانم سالم بأذن الله

أشرف صبرى
04-13-2012, 04:03 AM
السلام عليكم
انا لسه راجع من شويه...
أولاً أشكر صديقى الحبيب تريجر إنه كان طول اليوم معايا ع التليفون بيطمن عليا و كان عايز يروح معايا الله يجازيه خير....
أنا امبارح كان يوم أجازتى و فوجئت بإتصال تليفونى من تاجر طرف صديق لى من طنطا كنت كلمته من إسبوعين أيام ماكنت فاكر إن الطلقات اللى معايا 9*17 ....
رحت طنطا و قابلت الناس و كانوا قالولى الصبح إنهم قدروا يوفروا لى 125 طلقه من جميع أنحاء الجمهوريه(ملحوظه أنا صديقى الواسطه واحد مهم ف مكانه و شغله ف طنطا ووصى بعض الاصدقاء هناك بتوفير كل المكاروف اللى ف البلد علشانى على قد مايقدروا طبعاً...ربنا يكرمه هوا و غيره ف طنطا اللى سعولى ف الموضوع ده)....
المهم رحت قابلت الناس و أخدت معايا ضباط الشرطه اللى أعرفهم ف مديرية أمن الغربيه كلهم علشان كنت قلقان....
قابلت الناس بعد ما إتأخروا عن ميعادهم ساعتين علشان كانوا راجعين من السفر بسببى طبعاً...
المهم لقيت عدد الطلقات مجموعها حوالى 97 و مكتوب عليها بالروسى ف الكعب و قالولى هوا ده اللى قدرنا نجمعه لأن فيه ناس خَلَفِت وعدها معاهم...
الطلقات زى اللى معايا ف الشكل و هما أكدولى إن اللى معايا مكاروف ودى طبعاً بقت معلومه قديمه بالنسبالى....
المهم قلت لهم لازم أجربها قالولى جرب على حسابنا قلتلهم لأ طبعاً على حسابى و أخذت 6 طلقات علشان أضربهم ورا بعض.....فيه ف غرفه داخليه ف المحل علبه زى صفيحة الجبنه الكبيره ماليينها رمل و كسر بلاط قالولى إضرب فيها....
ضربت ال 6 طلقات ورا بعض وكانت متعه مابعدها متعه و خصوصاً إنى لسه ضارب قبلها بيوم بالحلوان و طبعاً مفيش مقارنه أصلاً....
المسدس أصلاً ماسخنش من الطلقات....آه والله العظيم...
الراجل بيقوللى انت ضربت بطلقات أكتر من 250 جنيه حرام عليك قلتله سيبنى أصلك مش عارف حاجه....
الراجل صاحب المحل قاللى ممكن أشوف المسدس...ورتهوله راح حط كشاف صغير جداً زى اللمبه الزينون ف الماسوره و قاللى المسدس ده جديد و مضربش 20 طلقه على بعض....قلت له أنا ضارب منهم 16 على الأقل....
المهم واحد من اللى كانوا موجودين إتمشى معايا بره المحل و قعد يقنعنى ف نص ساعه إن الطلقات نادره و أنه عايز يشتريه(طبعاً أنا فهمت إنه تاجر من أول دقيقه) قلت له لأ شكراً
قعدت مع زمايلى ساعه تقريباً لأنى كنت مشفتهمش من سنين وشكرتهم إنهم إهتموا بطلبى رغم إنى كنت نسيت....عزمونى ف كافيه و سألونى تشرب إيه قلتلهم ينسون قالولى أيه ياعم إنتا هتغنى....
المهم كنت حاجز ف قطر عشره إلا خمسه من طنطا للقاهره...و أنا ف القطر قابلت واحد زميلى قعد طول الطريق يكلمنى عن إن حازم صلاح أبو إسماعيل ماينفعش رئيس و أنا أقنعه بالعكس....
صاحب المحل إدّانى زيت و فورشه هديه وقاللى متفتحش المسدس ف الصيانه و ماتفكوش.... مجرد تشد الأجزاء وتعمل الصيانه و هما مشدودين ....ومتعملش للمسدس ده صيانه كتير....
حاجه تانيه قالهالى إن الطلقات اللى معايا دى مفيهاش حارق...للأسف....
أنا الصبح لمّا جالى خبر الطلقات قلت المسدس ده كده عمرى ماهبيعه...مفيش دقايق جالى تليفون إنى إتخصص ليا مقبره ف طريق مصر الفيوم و مطلوب منى 17000 جنيه.....إتعكننت لأنى معنديش حاجه أبيعها غير المسدس وربنا يستر و ما أضطرش أبيعه بس المشكله إنى لازم أوفر 17000 جنيه خلال كذا إسبوع معاييش منهم غير 750 جنيه.....
أنا هعمل إستخاره إنى أبيعه و أجيب بجزء من تمنه مسدس تانى و الباقى ال 17000 جنيه المقبره...لأنى كنت مستنيها من زمان علشان أجمّع أسرتى و أسر إخواتى ف مقبره واحد....و إخواتى طبعاً مفلسين زيى....
بنتى صحيت تصلى الفجر وشافتنى بكتب الكلام ده قالتلى اللى إنتا بتكتبه ده ميهمّش حد غيرك و محدش بيقراه... ورِّتلَها الصفحه الرئيسيه للمنتدى إن موضوعى أخد أهم موضوع وتانى أكثر المواضيع قراءه.....ربنا يكرمك يا تريجر علشان هوا اللى لفت نظرى لكده...دا غير التليفونات اللى بتتصل بيا فاكرنّى خبير....
طولت عليكم ....
تصبحوا على خير

Compact
04-13-2012, 04:52 AM
حمد الله على السلامة و مبروك الطلقات الجديدة

محدش يعرف ان فىه طلقات مكاروف حارق الا اللى راحوا فرق فى روسيا من القوات المسلحة غير كده انسى انك تلاقى حد يعرفها

أشرف صبرى
04-13-2012, 05:05 AM
حمد الله على السلامة و مبروك الطلقات الجديدة

محدش يعرف ان فىه طلقات مكاروف حارق الا اللى راحوا فرق فى روسيا من القوات المسلحة غير كده انسى انك تلاقى حد يعرفها

الله يسلّمك يافندم
ربنا يكرمك ويجازيك خير

أشرف صبرى
04-13-2012, 05:07 AM
حمد الله على السلامة و مبروك الطلقات الجديدة

محدش يعرف ان فىه طلقات مكاروف حارق الا اللى راحوا فرق فى روسيا من القوات المسلحة غير كده انسى انك تلاقى حد يعرفها
لو حضرتك تقصد كلام التاجر هوا يقصد إن كل الطلقات حتى اللى هوا جابها خط أحمر حواليها زى اللى ف الصور بتاعتى كده

Compact
04-13-2012, 12:19 PM
لو حضرتك تقصد كلام التاجر هوا يقصد إن كل الطلقات حتى اللى هوا جابها خط أحمر حواليها زى اللى ف الصور بتاعتى كده

ممكن تتأكد بسهولة من ادارة الاسلحة و الذخيرة

أشرف صبرى
04-14-2012, 11:15 PM
أنا عايز أسأل سؤال...بس للجنرال بس
حضرتك تعرف مقابر القوات المسلحه اللى ف طريق مصر الفيوم الكيلو 55....هل هى بنفس تقسيمة مقابر القوات المسلحه اللى ف مدينة نصر...و بنفس النضافه و الأمن و الشياكه و المساحه......مع الشكر لسيادتك

Compact
04-15-2012, 03:53 AM
أنا عايز أسأل سؤال...بس للجنرال بس
حضرتك تعرف مقابر القوات المسلحه اللى ف طريق مصر الفيوم الكيلو 55....هل هى بنفس تقسيمة مقابر القوات المسلحه اللى ف مدينة نصر...و بنفس النضافه و الأمن و الشياكه و المساحه......مع الشكر لسيادتك

مشوفتش بتاعة الفيوم

أشرف صبرى
04-15-2012, 03:56 AM
مشوفتش بتاعة الفيوم

شكراً يافندم على الاهتمام بالرد

Amr Moussa
02-20-2013, 06:35 AM
السلام عليكم
انا لسه راجع من شويه...
أولاً أشكر صديقى الحبيب تريجر إنه كان طول اليوم معايا ع التليفون بيطمن عليا و كان عايز يروح معايا الله يجازيه خير....
أنا امبارح كان يوم أجازتى و فوجئت بإتصال تليفونى من تاجر طرف صديق لى من طنطا كنت كلمته من إسبوعين أيام ماكنت فاكر إن الطلقات اللى معايا 9*17 ....
رحت طنطا و قابلت الناس و كانوا قالولى الصبح إنهم قدروا يوفروا لى 125 طلقه من جميع أنحاء الجمهوريه(ملحوظه أنا صديقى الواسطه واحد مهم ف مكانه و شغله ف طنطا ووصى بعض الاصدقاء هناك بتوفير كل المكاروف اللى ف البلد علشانى على قد مايقدروا طبعاً...ربنا يكرمه هوا و غيره ف طنطا اللى سعولى ف الموضوع ده)....
المهم رحت قابلت الناس و أخدت معايا ضباط الشرطه اللى أعرفهم ف مديرية أمن الغربيه كلهم علشان كنت قلقان....
قابلت الناس بعد ما إتأخروا عن ميعادهم ساعتين علشان كانوا راجعين من السفر بسببى طبعاً...
المهم لقيت عدد الطلقات مجموعها حوالى 97 و مكتوب عليها بالروسى ف الكعب و قالولى هوا ده اللى قدرنا نجمعه لأن فيه ناس خَلَفِت وعدها معاهم...
الطلقات زى اللى معايا ف الشكل و هما أكدولى إن اللى معايا مكاروف ودى طبعاً بقت معلومه قديمه بالنسبالى....
المهم قلت لهم لازم أجربها قالولى جرب على حسابنا قلتلهم لأ طبعاً على حسابى و أخذت 6 طلقات علشان أضربهم ورا بعض.....فيه ف غرفه داخليه ف المحل علبه زى صفيحة الجبنه الكبيره ماليينها رمل و كسر بلاط قالولى إضرب فيها....
ضربت ال 6 طلقات ورا بعض وكانت متعه مابعدها متعه و خصوصاً إنى لسه ضارب قبلها بيوم بالحلوان و طبعاً مفيش مقارنه أصلاً....
المسدس أصلاً ماسخنش من الطلقات....آه والله العظيم...
الراجل بيقوللى انت ضربت بطلقات أكتر من 250 جنيه حرام عليك قلتله سيبنى أصلك مش عارف حاجه....
الراجل صاحب المحل قاللى ممكن أشوف المسدس...ورتهوله راح حط كشاف صغير جداً زى اللمبه الزينون ف الماسوره و قاللى المسدس ده جديد و مضربش 20 طلقه على بعض....قلت له أنا ضارب منهم 16 على الأقل....
المهم واحد من اللى كانوا موجودين إتمشى معايا بره المحل و قعد يقنعنى ف نص ساعه إن الطلقات نادره و أنه عايز يشتريه(طبعاً أنا فهمت إنه تاجر من أول دقيقه) قلت له لأ شكراً
قعدت مع زمايلى ساعه تقريباً لأنى كنت مشفتهمش من سنين وشكرتهم إنهم إهتموا بطلبى رغم إنى كنت نسيت....عزمونى ف كافيه و سألونى تشرب إيه قلتلهم ينسون قالولى أيه ياعم إنتا هتغنى....
المهم كنت حاجز ف قطر عشره إلا خمسه من طنطا للقاهره...و أنا ف القطر قابلت واحد زميلى قعد طول الطريق يكلمنى عن إن حازم صلاح أبو إسماعيل ماينفعش رئيس و أنا أقنعه بالعكس....
صاحب المحل إدّانى زيت و فورشه هديه وقاللى متفتحش المسدس ف الصيانه و ماتفكوش.... مجرد تشد الأجزاء وتعمل الصيانه و هما مشدودين ....ومتعملش للمسدس ده صيانه كتير....
حاجه تانيه قالهالى إن الطلقات اللى معايا دى مفيهاش حارق...للأسف....
أنا الصبح لمّا جالى خبر الطلقات قلت المسدس ده كده عمرى ماهبيعه...مفيش دقايق جالى تليفون إنى إتخصص ليا مقبره ف طريق مصر الفيوم و مطلوب منى 17000 جنيه.....إتعكننت لأنى معنديش حاجه أبيعها غير المسدس وربنا يستر و ما أضطرش أبيعه بس المشكله إنى لازم أوفر 17000 جنيه خلال كذا إسبوع معاييش منهم غير 750 جنيه.....
أنا هعمل إستخاره إنى أبيعه و أجيب بجزء من تمنه مسدس تانى و الباقى ال 17000 جنيه المقبره...لأنى كنت مستنيها من زمان علشان أجمّع أسرتى و أسر إخواتى ف مقبره واحد....و إخواتى طبعاً مفلسين زيى....
بنتى صحيت تصلى الفجر وشافتنى بكتب الكلام ده قالتلى اللى إنتا بتكتبه ده ميهمّش حد غيرك و محدش بيقراه... ورِّتلَها الصفحه الرئيسيه للمنتدى إن موضوعى أخد أهم موضوع وتانى أكثر المواضيع قراءه.....ربنا يكرمك يا تريجر علشان هوا اللى لفت نظرى لكده...دا غير التليفونات اللى بتتصل بيا فاكرنّى خبير....
طولت عليكم ....
تصبحوا على خير


اشرف بيك صبرى انت انسان رائع اعتز بمعرفه سيادتك مش عارف اما وصلت لغايه هنا فى الموضوع بتاعك مقدرتش امسك نفسى اكتر من كده
شكرا لك لانك اعطيتنى الفرصه بالتعرف عليك والجلوس معك

أشرف صبرى
02-20-2013, 05:17 PM
اشرف بيك صبرى انت انسان رائع اعتز بمعرفه سيادتك مش عارف اما وصلت لغايه هنا فى الموضوع بتاعك مقدرتش امسك نفسى اكتر من كده
شكرا لك لانك اعطيتنى الفرصه بالتعرف عليك والجلوس معك
حبيب قلبى...
انتا رجّعتنى سنه لورا
الكلام ده من زمان
انا اللى سعيد بمعرفتك والله
ربنا يديم المحبه

ايهاب رشدى
02-20-2013, 09:31 PM
حبيب قلبى...
انتا رجّعتنى سنه لورا
الكلام ده من زمان
انا اللى سعيد بمعرفتك والله
ربنا يديم المحبه
فيه واحد صاحبك بيقول لك طلبك عندى وتكون غلطان لو ما اتصلتش بيه الان ومن غير ما تبيع دبوس يخصك لانه لو حقق طلبك هيزداد شرف

Amr Moussa
02-21-2013, 12:56 AM
فيه واحد صاحبك بيقول لك طلبك عندى وتكون غلطان لو ما اتصلتش بيه الان ومن غير ما تبيع دبوس يخصك لانه لو حقق طلبك هيزداد شرف

العب فرحان بيكم انا والله ربنا يخلينا لبعض

أشرف صبرى
02-22-2013, 04:28 PM
فيه واحد صاحبك بيقول لك طلبك عندى وتكون غلطان لو ما اتصلتش بيه الان ومن غير ما تبيع دبوس يخصك لانه لو حقق طلبك هيزداد شرف
انا مش فاهم حاجه...بس معاك يا باشا

زاما مجدي
09-28-2013, 01:05 PM
ربنا يكفيك شرها ..

احمد اسكواش
09-28-2013, 01:27 PM
للبيع طبنجه استار اسباني 9مم طويل بحاله جيده مرخصه مطلوب 25الف وانا مش عارف انزل الاعلان عندكوا بالصور ت01145369525

bodygard 34
09-28-2013, 05:15 PM
للبيع طبنجه استار اسباني 9مم طويل بحاله جيده مرخصه مطلوب 25الف وانا مش عارف انزل الاعلان عندكوا بالصور ت01145369525

http://misrhunting.trakhes.com/showthread.php?t=2080

علاء ابراهيم
10-04-2013, 12:49 PM
ياريت موديل السلاح a , b??? ولو صورة هتساعد كتير

هشام الشرقاوى
10-04-2013, 07:36 PM
السلام عليكم انا هشام الشرقاوى وامر الشراء اللى معايا هو التجديد التانى وباقى فيه اقل من شهر ياريت حضرتك تدينى تليفون الورثه او تليفون الطبنجه الاسبانى اللى ب10000 هى فين ارجوك تساعدنى عشان امر الشراء هيسقط وبقالى 5 شهور بدور ومش لقيت حاجه مناسبه

للتواصل 01223617110 هشام الشرقاوى

علاء ابراهيم
10-05-2013, 12:24 AM
السلام عليكم انا هشام الشرقاوى وامر الشراء اللى معايا هو التجديد التانى وباقى فيه اقل من شهر ياريت حضرتك تدينى تليفون الورثه او تليفون الطبنجه الاسبانى اللى ب10000 هى فين ارجوك تساعدنى عشان امر الشراء هيسقط وبقالى 5 شهور بدور ومش لقيت حاجه مناسبه

للتواصل 01223617110 هشام الشرقاوى

استاذ هشام ..اعتقد صعب تلاقي مسدس ب 10000 بس في الايام دي .. اذا كان باقي شهر فعلا لازم تزود المبلغ بأي شكل علشان تعرف تشتري حاجة ... واعتقد بداية الكلام 17000 ... وان شاء الله موفق

هشام الشرقاوى
10-05-2013, 10:07 AM
ياباشا انا معاك لحد 20000 عشرين الف بس فبن

Trigger
10-05-2013, 12:51 PM
ياباشا انا معاك لحد 20000 عشرين الف بس فبن

فى حلوان51 موجود بسوق الاسلحة النارية بالمنتدى صاحبه طالب فيه 21 الف جنيه

علاء ابراهيم
10-06-2013, 01:21 PM
ياباشا انا معاك لحد 20000 عشرين الف بس فبن

استاذ هشام ..في واحد في الزقازيق في التراخيص وعنده حاجات كلها حلوان وممكن بعشرين وانت شطارتك معاه بس خليك ناصح عشان لو حس انك مليان هيزود عليك ..معندوش ضمير ... هبعتلك موبيله علي الخاص وبالتوفيق

Trigger
12-29-2015, 03:22 AM
و الله الواحد مكسوف يرد عليك باللى جواه

بس المؤشرات بتقول ان الليلة حتطول شوية

عموما الحلوان51 انتاجه موقوف لحد اول شهر 7 , و الله اعلم يمكن يبطلوا انتاجه و نشوف سيج زاور مصرى ولا بى اكس ستورم مصرى :)

ماهو مش معقولة بننتج نفس الطبنجة من ايام الملكية واحنا ملوك التطوير و التعديل فى العالم و انته عارف كده كويس ... خلى الواحد ساكت احسن :)


صدقت يا جنرال فى مشاركتك عام 2012 و لقينا بريتا بى-اكس ستورم فى 2015 :)

Trigger
12-29-2015, 03:23 AM
و الله الواحد مكسوف يرد عليك باللى جواه

بس المؤشرات بتقول ان الليلة حتطول شوية

عموما الحلوان51 انتاجه موقوف لحد اول شهر 7 , و الله اعلم يمكن يبطلوا انتاجه و نشوف سيج زاور مصرى ولا بى اكس ستورم مصرى :)

ماهو مش معقولة بننتج نفس الطبنجة من ايام الملكية واحنا ملوك التطوير و التعديل فى العالم و انته عارف كده كويس ... خلى الواحد ساكت احسن :)


صدقت يا جنرال فى مشاركتك عام 2012 و لقينا بريتا بى-اكس ستورم assembled in egypt فى 2015 :)