المساعد الشخصي الرقمي

مشاهدة النسخة كاملة : نصيحه هامه جداااااااا برجاء من الجميع الدخول وخاصه الاعضاء الجدد


قناص الظلم
03-15-2012, 12:05 PM
السلام عليكم ورحمه الله وبركاته نظرا للظروف الحاليه ولاقبال بعض الاعضاء وخاصه الجدد على شراء الاسلحه للدفاع عن النفس ولصعوبه الترخيص ومبرراتها ولان مسدسات البلى سلاح رادع وليس قاتل والبلطجيه مسلحين ببنادق اليه واسلحه ناريه متنوعه ولحماسه الشباب والاوضاع الامنيه الغير مستقره يقع البعض وخاصه المبتدئين فى خطاء و خطر قاتل وهو الرغبه فى شراء اسلحه ناريه غير مرخصه من السوق السوداء او شمال كما يقال - اخوكم محامى بالاستئناف العالى ومجلس الدوله - ظروف انتقالى وعملى وسفرى واقامتى من محافظه لاخرى ومنطقه لاخرى ولانتشار الصيد بالاسلحه الغير مرخصه عندنا والاسلحه الليبيه عموما - اتكلم من واقع عملى اولا ونظرى - تجار الاسلحه الشمال ومصنعيها من اخطر فئات المجرمين دا اولا ثانيا ولائهم للمجرمين والخارجين عن القانون لانهم مثلهم يعتبروا الناس العاديين فرافير او مله تانيه- لذلك ينصبون عليهم ولو انت رايح مع واسطه :) او سمسار ومانصبش عليك فالسعر يختلف للمجرم لو الى 10 مثلا ليك انت يابطل ممكن 30 وبيديك حاجه تعبانه اوى غير المجرم زميله طبعا اللى بيكون سند له ضد الشرطه ;) - والفرد اللى ب250 جنيه ليك يا بطل بقا بالف ونص تقريبا - طبعا لو التاجر المحترم اوى دا شك فيك هايضربك بالنار فى ساعتها او ممكن الشيطان يلعب فى دماغه ويطمع فى الفلوس وازا قاومته يقتلك اصلك مش رايح قانونى ومش رايح لواحد محترم:) - اى وسيط فى الشمال بيكون نصاااااااااااااااااب بيستغل الفرصه ياخد الفلوس وبعدين اصل الحاجه جايه بكره و و و والاخر اصلى بصراحه الراجل نصب عليا وطبعا هايصعب عليك وهاتسيبه وكمان ماتقدرش تبلغ عن الواقعه لمخالفتها للقانون - اى وسيط حتى ولو كان اعز صاحب احترس منه - انا اتنصب عليا ايوه مش عيب انى اقول الحق ومرتين وحقى وصل لانهم كانو اصدقاء والشيطان لعب فى دماغهم بس اقصى مبلغ 300 جنيه ثلاثمائه جنيه :) شوفتو لو حد غريب ماكنتش هاقدر اعمل حاجه طبعا - لو هاتضربو بكلامى عرض الحائط - بصوا بقا انا مش مسئول بس هاقولقوا المعامله فى الاشياء دى سلم -جرب - استلم الفلوس - غير كدا لا - نتيجه تشديد العقوبه ووصولها للمؤبد اى حركه غلط منك ممكن يقتلك انت واللى معاك على طول لانك ممكن تتسبب فى سجنه لبقيه حياته - الاسعار وانا مش تاجر ومابتعاملش فى الشمال خالص للعلم ولكن اعرف تجار وعالم خبره بحكم عملى المسدسات وصلت على الاقل 25 الف وانت طالع بكتير كمان اى سلاح اقل من هذا اكيد ميرى ومافيش كمان مسدسات باقى الاسعار لن اقولها الفرد والمقروطه والفرد الروسى عايزه محترفين وليس مبتدئين بدون ذكر تفاصيل وممكن تعورك لان رد فعلها العكسى عالى جداولانها عيارات خاصه ببنادق وليس مسدسات - البريتات عيار 8ونص او ال9 مم قصير ومنها المسدس محل واقعه النصب دى اكيد طبعا من اسلحه رجال الشرطه المسروقه ياساده وبرجاء الابلاغ عن اى سلاح يعرض عليك عالخاص فى اى منتدى - اتمنى ان تسمعوا الكلام حتى لاتعرضو انفسكم للخطر وفيى نصابين كتير وهاجاسين كتير فى منتديات اخرى واللى بيقولك عندى و و و دا مابيبقاش عنده حاجه وبيبقى عنده نقص فى الشخصيه رجاء لا تضربو بكلامى عرض الحائط اى عضو يستلم رساله عالخاص بخصوص سلاح نارى بدون ترخيص او شمال او عرض ابلاغ الاداره

bodygard 34
03-15-2012, 03:24 PM
زى العرب مابيقولوا ..لا فض فوهك..يعنى من الاخر كلام سليم 100/100..وامشى عدل يحتار عدوك فيك

قناص الظلم
03-15-2012, 03:38 PM
بارك الله فيك وشكرا لحضرتك لتائييد هذا الموضوع - الصح صح - تحياتى لحضرتك ياعمى الحاج

Compact
03-15-2012, 04:57 PM
اؤيدك تماما يا قناص قلبى

انا اتعرض عليا سلاح غير مرخص كتير فى احد المنتديات المعروفة للجميع

و الغريب ان كان بيجيلى عروض بيع غريبة زى مثلا أخد بندقية آلى و عليها مسدس ربع هدية و ب 6 آلاف جنيه .. يا بلاش

ولا اكنى بشترى من كارفور :)

و مش حقولكم جرينوف .. دى وصلت للقنابل اليديوية و بنادق القناصة يا سادة

مسدسات البلى بعتبرها تحايل على القانون من الناس المحترمين لان فى مسدسات بلى تمنها ممكن يجيب مسدس حى عيار توتو او 6.35

تعالى النهاردة هاتلى واحد مش حاطط فى بيته مسدس صوت ولا بلى ولا حى ولا فرد محلى ولا روسى , خصوصا لو ساكن فى منطقة مشهورة بالاجرام أصلا أو فى منطقة زى التجمع او اكتوبر مثلا

و بعدين فى نقطة مهمة جدا جدا هى استحالة مواجهة الآلى بطبنجة كتسليح .. و ما شاء الله الحرامية بقى كلهم شايلين آلى و ربنا هو اللى بيستر فى الآخر و السلاح ما هو الا وسيلة

النصب فى تجارة السلاح الشمال شى بديهى و عادى لانه غالبا بيبقى من واحد مجرم بطبعه لواحد محترم بطبعه , و المجرم يعمل اى حاجة عشان الفلوس

و أسهل حاجة حتتقال ورينى فلوسك الاول و بعد كده اجيبلك الحاجة و لو اعترضت يا حتمشى فى سلام , يا حتتقلب و تمشى فى سلام , يا حتمشى متخانق ,يا حتمشى مصاب بمطواه او بطلقة , يا حتمشى من الدنيا خالص و الناس تمشى فى جنازتك

بس كده :)



لك الله يا مصر

قناص الظلم
03-15-2012, 05:14 PM
من الاخر كلام سيادتك يا جنرال - انا مش عارف اتكلم - التصدى لبلطجى مدرب على استخدام الفرد او الالى وغالبا بيكون مبرشم يعنى مافيهوش عقل هو انتحار فى رئيى دا بيلعب بالفرد او الالى زى مالطفل بيلعب بلى كدا والمحترمين ماجربوش الكلام دا وماعندهمش خبره كافيه انا ماقدرش اخلى الناس تترك السلاح ولكن ادعو كل محترم معه مسدس بلى او سلاح نارى توخى الحذر عند اخراج سلاحه وتحاشى البلطجيه قدر الامكان والسير فى الاماكن الموجود بها البلطجيه - معلومه اذا قتلت بلطجى بسلاح غير مرخص تعاقب بالسجن لحملك سلاح بدون ترخيص فكر الف مره قبل استخدام سلاحك فهذه هى الحكمه بعينها - التعامل فى موقف عملى وحقيقى يختلف عن التخيلات - شكرا لتشريفك ونصائحك سمو الجنرال

قناص الظلم
03-15-2012, 05:20 PM
تمام ياجنرال فيى بنادق قناصه كتير دخلت من ليبيا وكانت بتتباع فى شهر مارس الماضى بملغ زهيد جدا وقنابل وظبطت قوات حرس الحدود مدافع هاون وبازوكات مختلفه وكل هذه الاشياء الان اغلبها فى ايدى رجال القبائل عندنا وربنا يستر على مرسى مطروح والاغراب اللى فيها الايام القادمه - يارجال الشرطه والجيش الشرفاء - انتبهوا - الاسلحه الليبيه فى يد الجميع

محمد كمال المحامي
03-15-2012, 06:35 PM
ربنا يكرمك يا قناص يا زميلي العزيز

الموضوع في منتهى الأهمية

و على الجميع ان ينتبهوا لأن الأمر ليس بهين

و دعائي الى مصر كلها ان يعود لها الأمن والأمان

والا نحتاج الى مثل هذه المجازفات و المغامرات التي لا يعلم مداها الا الله

aybek
03-15-2012, 07:21 PM
حياكم الله - تحياتي

Trigger
03-15-2012, 07:54 PM
موضوع مهم جدا
تحياتى ليك يا قناصنا

قناص الظلم
03-15-2012, 11:00 PM
ربنا يكرمك يا قناص يا زميلي العزيز

الموضوع في منتهى الأهمية

و على الجميع ان ينتبهوا لأن الأمر ليس بهين

و دعائي الى مصر كلها ان يعود لها الأمن والأمان

والا نحتاج الى مثل هذه المجازفات و المغامرات التي لا يعلم مداها الا الله





شكرا يا دكتور محمد - هذا واجبنا تجاه اخواننا يجب التوعيه من خطوره هذه الاشياء - واللهم امين يستجيب لدعائنا جميعا

القانوني
03-15-2012, 11:02 PM
الحكمة ضالة المؤمن ... أينما وجدها فهو أحق الناس بها

شكرا لك صديقي العزيز

قناص الظلم
03-15-2012, 11:04 PM
حياكم الله - تحياتي

شكرا لمرور حضرتك استاذ ايبك

قناص الظلم
03-15-2012, 11:09 PM
موضوع مهم جدا
تحياتى ليك يا قناصنا

وتحياتى لسيادتك احمد بك على تصديك لاى غش او محاوله فاشله لهذه الشخصيات بالتسلل للمنتدى

قناص الظلم
03-15-2012, 11:11 PM
الحكمة ضالة المؤمن ... أينما وجدها فهو أحق الناس بها

شكرا لك صديقي العزيز

شرفنى مرورك اخى وزميلى العزيز - شكرا لك ايها الاخ الحكيم النزيه المحترم المؤدب - نورت الموضوع

أحمد ماجد
03-25-2012, 11:52 PM
شكرا يا اخواني على هذه المعلومات المهمه والتي أفادت كل من قرأها وجعله الله لكم في ميزان حسناتكم

kefafy
03-26-2012, 10:00 AM
الله ينور على حضرتك موضوع ممتاز والله وفى وقته
والدى كان بيقولى زمان بعد 73 ظهرت فئه اسمها اغنياء الحرب
معظم المصريين خسرت فى الحرب عدا فئه وكبيرة جدا معظمهم تجار سلاح وتجار الخردة والهدد
بظبط زى الفتره دى ناس ضعاف النفوس بحجة الانفلات الى كاااااااااااااان حاصل بررو لنفسهم انهم يشترو اسلحة غير مرخصة وحتى التعديلات الى ظهرت ماخرا على الصوت الى بقا عادى جدا انهم يبيعوها وتلاقى عيل سنه لسه متحسبش راجل على الدولة بيشترى ويبيع ويقول انفلات امنى علما انه واكل شارب نايم عند والده وتلاقى اهله ناس محترمه جدا وملهمش فى المشاكل ولا وجع الدماغ
حتى بنادق الرش والهوايه المحترمه جدا جدا وطول عمرى بنزل اصطاد مع ناس فى منتهى الادب و الاخلاق وطول عمرنا نعرف انها رياضه الملوك دلوقتى افاجىء ان بنادق الرش البريئة من كل شىء اصبحو بيعملو عليها تعديلات
هى بقت كدة يا بلدنا ؟
هى دى مشكلة الفتره الى احنا فيها لا مبالاه وعدم مسئوليه من الصغير و الكبير وبدون تعميم طبعا
الناس بقت عمله زى المطاريد فى الجبل قال يعنى خلاص البلطجية واقفين لهم عالباب والفلوس متستفه فى الصاله و الخزن
يا جماعه لازم نقدر الموقف صح ولازم نوزن الامور بميزانها والحمد لله الوضع اختلف تماما والشرطة ربنا نفخ فى صورتها بشكل فى منتهى الجمال
كل واحد فينا مسئول واصحب مسئوليه لازم ياخد باله وميحطش نفسه فى موقف ويرجع يندم عليه
وبدل ميتعامل مع مشبوهين ميتجنبهم ويبعد بعيد عنهم وبدل ميخاف من البلطجة ميحاربها ويبلغ عن اى بؤرة قريبه جنبو ومتهيئلى فى فكل منطقة بلطجى معروف واى حد فينا هيلاقى ان لاول مرة البلطجى المعروف اتقبض عليه والناس كلها بقت مستغربه غير زمان كان زيه زى عضو مجلس الشعب معروف ومعاه حصانه , لأ لازم نروح ونبلغ ونحارب بالقانون ونبلغ عن اى شىء مريب للشك فى المنطقة المحيطة وكل واحد يبدا بنفسه لحد ملبلد تنضف , زمان مكنش ليه لزمة لانهم مكنوش بيعملولهم حاجة انما دلوقتى واضح جدا ان فى الداخليه تحديدا الوضع اختلف.
وفعلا معاك حق يا محمد بيك فى كل كلمه قلتها وربنا يخليك دايما من الواعظين لعل وعسى بتحذيراتك تقدر تبعد مشكلة ممكن يقع فيها اخ لينا و ربنا يكرمك ويحرسك لاهلك يارب ويحمى شباب مصر ويهديهم من كل رضى.

hunter
03-27-2012, 02:55 AM
اؤيدك تماما يا قناص قلبى

انا اتعرض عليا سلاح غير مرخص كتير فى احد المنتديات المعروفة للجميع

و الغريب ان كان بيجيلى عروض بيع غريبة زى مثلا أخد بندقية آلى و عليها مسدس ربع هدية و ب 6 آلاف جنيه .. يا بلاش

ولا اكنى بشترى من كارفور :)

و مش حقولكم جرينوف .. دى وصلت للقنابل اليديوية و بنادق القناصة يا سادة

مسدسات البلى بعتبرها تحايل على القانون من الناس المحترمين لان فى مسدسات بلى تمنها ممكن يجيب مسدس حى عيار توتو او 6.35

تعالى النهاردة هاتلى واحد مش حاطط فى بيته مسدس صوت ولا بلى ولا حى ولا فرد محلى ولا روسى , خصوصا لو ساكن فى منطقة مشهورة بالاجرام أصلا أو فى منطقة زى التجمع او اكتوبر مثلا

و بعدين فى نقطة مهمة جدا جدا هى استحالة مواجهة الآلى بطبنجة كتسليح .. و ما شاء الله الحرامية بقى كلهم شايلين آلى و ربنا هو اللى بيستر فى الآخر و السلاح ما هو الا وسيلة

النصب فى تجارة السلاح الشمال شى بديهى و عادى لانه غالبا بيبقى من واحد مجرم بطبعه لواحد محترم بطبعه , و المجرم يعمل اى حاجة عشان الفلوس

و أسهل حاجة حتتقال ورينى فلوسك الاول و بعد كده اجيبلك الحاجة و لو اعترضت يا حتمشى فى سلام , يا حتتقلب و تمشى فى سلام , يا حتمشى متخانق ,يا حتمشى مصاب بمطواه او بطلقة , يا حتمشى من الدنيا خالص و الناس تمشى فى جنازتك

بس كده :)



لك الله يا مصر
والله يا باا كلامك مظبوط انا عن نفسي اتعرض عليه بعد الثوره مباشره اسلحه باسعار زهيده جدا الطبنجه ب1000 جنيه وخاصه ان منطقه الاكادميه الي انا بدرس فيها هيا علي الطريق السريع وجنبها بلد مشهوره بتجاره السلاحالفتره الي بعد الثوره كان السلاح بيتباع بكميات انا واحد صاحبي اشتري 3 مسدسات حي ب2000 جنيه فيهم 2 هكلر يو اس بي اداني واحد فيهم فضل معايا حوالي شهر لحد الفتره الي كانو قالو فيها الي عندوا سلاح يسلمه انا الصراحه خفت اروح اسلمه في الاقسم لحسن يفتحولي استجواب فسلمه لظابط صديقي بيعمل في المرور بس للاسف هوه احتفظ بيه وقالي انا اولا من الداخليه هيا الداخليه ناقصه سلاح واعتقد انه عنده لغايه دلوقتي وانا حاليا اهوه طلعت تصريح الشراء وبدور علي سلاح وهدفع اهوه 40 الف عشان امشي قانوني مع العلم اني عمري علي الاسعار الي انا سمعها ما اعرف اشتري هكلر زي الي كنت واخده ببلاش هيه حاجه تزعل طبعا بس كده احسن مبقا ماشي خايف واحد بيكرهني يبلغ عني كمين فيه ظابط رخم ححط نفسي في مواقف انا في غنا عنها

hunter
03-31-2012, 06:31 AM
عل[/QUOTE]
[QUOTE=hunter;2871

tamer elgendy
03-31-2012, 06:55 AM
جزاكم الله خيرا
وتسلم على الكلام اللي من الاخر دة
تقبل تحياتي

سيف العدل
03-10-2013, 03:19 AM
السلام عليكم ورحمه الله وبركاته نظرا للظروف الحاليه ولاقبال بعض الاعضاء وخاصه الجدد على شراء الاسلحه للدفاع عن النفس ولصعوبه الترخيص ومبرراتها ولان مسدسات البلى سلاح رادع وليس قاتل والبلطجيه مسلحين ببنادق اليه واسلحه ناريه متنوعه ولحماسه الشباب والاوضاع الامنيه الغير مستقره يقع البعض وخاصه المبتدئين فى خطاء و خطر قاتل وهو الرغبه فى شراء اسلحه ناريه غير مرخصه من السوق السوداء او شمال كما يقال - اخوكم محامى بالاستئناف العالى ومجلس الدوله - ظروف انتقالى وعملى وسفرى واقامتى من محافظه لاخرى ومنطقه لاخرى ولانتشار الصيد بالاسلحه الغير مرخصه عندنا والاسلحه الليبيه عموما - اتكلم من واقع عملى اولا ونظرى - تجار الاسلحه الشمال ومصنعيها من اخطر فئات المجرمين دا اولا ثانيا ولائهم للمجرمين والخارجين عن القانون لانهم مثلهم يعتبروا الناس العاديين فرافير او مله تانيه- لذلك ينصبون عليهم ولو انت رايح مع واسطه :) او سمسار ومانصبش عليك فالسعر يختلف للمجرم لو الى 10 مثلا ليك انت يابطل ممكن 30 وبيديك حاجه تعبانه اوى غير المجرم زميله طبعا اللى بيكون سند له ضد الشرطه ;) - والفرد اللى ب250 جنيه ليك يا بطل بقا بالف ونص تقريبا - طبعا لو التاجر المحترم اوى دا شك فيك هايضربك بالنار فى ساعتها او ممكن الشيطان يلعب فى دماغه ويطمع فى الفلوس وازا قاومته يقتلك اصلك مش رايح قانونى ومش رايح لواحد محترم:) - اى وسيط فى الشمال بيكون نصاااااااااااااااااب بيستغل الفرصه ياخد الفلوس وبعدين اصل الحاجه جايه بكره و و و والاخر اصلى بصراحه الراجل نصب عليا وطبعا هايصعب عليك وهاتسيبه وكمان ماتقدرش تبلغ عن الواقعه لمخالفتها للقانون - اى وسيط حتى ولو كان اعز صاحب احترس منه - انا اتنصب عليا ايوه مش عيب انى اقول الحق ومرتين وحقى وصل لانهم كانو اصدقاء والشيطان لعب فى دماغهم بس اقصى مبلغ 300 جنيه ثلاثمائه جنيه :) شوفتو لو حد غريب ماكنتش هاقدر اعمل حاجه طبعا - لو هاتضربو بكلامى عرض الحائط - بصوا بقا انا مش مسئول بس هاقولقوا المعامله فى الاشياء دى سلم -جرب - استلم الفلوس - غير كدا لا - نتيجه تشديد العقوبه ووصولها للمؤبد اى حركه غلط منك ممكن يقتلك انت واللى معاك على طول لانك ممكن تتسبب فى سجنه لبقيه حياته - الاسعار وانا مش تاجر ومابتعاملش فى الشمال خالص للعلم ولكن اعرف تجار وعالم خبره بحكم عملى المسدسات وصلت على الاقل 25 الف وانت طالع بكتير كمان اى سلاح اقل من هذا اكيد ميرى ومافيش كمان مسدسات باقى الاسعار لن اقولها الفرد والمقروطه والفرد الروسى عايزه محترفين وليس مبتدئين بدون ذكر تفاصيل وممكن تعورك لان رد فعلها العكسى عالى جداولانها عيارات خاصه ببنادق وليس مسدسات - البريتات عيار 8ونص او ال9 مم قصير ومنها المسدس محل واقعه النصب دى اكيد طبعا من اسلحه رجال الشرطه المسروقه ياساده وبرجاء الابلاغ عن اى سلاح يعرض عليك عالخاص فى اى منتدى - اتمنى ان تسمعوا الكلام حتى لاتعرضو انفسكم للخطر وفيى نصابين كتير وهاجاسين كتير فى منتديات اخرى واللى بيقولك عندى و و و دا مابيبقاش عنده حاجه وبيبقى عنده نقص فى الشخصيه رجاء لا تضربو بكلامى عرض الحائط اى عضو يستلم رساله عالخاص بخصوص سلاح نارى بدون ترخيص او شمال او عرض ابلاغ الاداره
بارك الله فيك اخ قناص والله انت عندك حق ول المصيبة ناس كتير تقولها الكلام ده وتكبر دماغها وبتيجي في الاخر علي دماغها هيا وانت فعلا انسان محترم لانك بتنصح الناس النصيحة دي وشكرا جدا ليك علي الكلام الرائع ده

محمد القانونى
03-10-2013, 01:06 PM
الموضوع ممتاز جدا وبصراح التجاوب مع الموضوع فوق الممتاز
تحياتى لكل من كتب حرفا فى هذا الموضوع
وتقبلوا منى باقات الورود
واحلى تقييم لقناص الظلم صديقى الغالى

هشام سيد
03-11-2013, 02:48 AM
والله يا باا كلامك مظبوط انا عن نفسي اتعرض عليه بعد الثوره مباشره اسلحه باسعار زهيده جدا الطبنجه ب1000 جنيه وخاصه ان منطقه الاكادميه الي انا بدرس فيها هيا علي الطريق السريع وجنبها بلد مشهوره بتجاره السلاحالفتره الي بعد الثوره كان السلاح بيتباع بكميات انا واحد صاحبي اشتري 3 مسدسات حي ب2000 جنيه فيهم 2 هكلر يو اس بي اداني واحد فيهم فضل معايا حوالي شهر لحد الفتره الي كانو قالو فيها الي عندوا سلاح يسلمه انا الصراحه خفت اروح اسلمه في الاقسم لحسن يفتحولي استجواب فسلمه لظابط صديقي بيعمل في المرور بس للاسف هوه احتفظ بيه وقالي انا اولا من الداخليه هيا الداخليه ناقصه سلاح واعتقد انه عنده لغايه دلوقتي وانا حاليا اهوه طلعت تصريح الشراء وبدور علي سلاح وهدفع اهوه 40 الف عشان امشي قانوني مع العلم اني عمري علي الاسعار الي انا سمعها ما اعرف اشتري هكلر زي الي كنت واخده ببلاش هيه حاجه تزعل طبعا بس كده احسن مبقا ماشي خايف واحد بيكرهني يبلغ عني كمين فيه ظابط رخم ححط نفسي في مواقف انا في غنا عنها

للأسف يا هانتر انت ساعدته على انه يحتفظ بمسدس غير مرخص وممكن يبيعه هو

انا على قد مانا مستخسر الـusp ده لكن المفروض تبلغه انه يروح يسلمه او تطلبه منه وتسلمه انت يا اما تقوله حبلغ انك معاك مسدس غير مرخص

لانك لا وديته ولا هو وداه يبقه ايه الفايده بقه من القانون !!!

الجنزوري
03-11-2013, 05:13 PM
بارك الله فيك

اشرف ابراهيم
03-12-2013, 05:38 PM
تعرضت لموقف مشابة وكان معى اسرتى وكان تقديرى للموقف سريع وتعامل البلطجى بطئ جدا وكان وحيدا واستطعت اصابته فى الكتف والصدر بعون الله تعالى وقدرته اولا واخيرا وبفضل الخبرة التى اكتسبها الجميع من الخدمة بالقوات المسلحة ، ربنا يستر على الجميع لان مواجهة عددة بلطجية وهم متسلحين بالالى يكون انتحار .

أبودبيكى
03-25-2013, 02:51 PM
بارك الله فيك ........... ولو أفترضنا بقا انى عاوز أشترى سلاح مش شمال يعنى تنازل أو جديد تسليم وورق الترخيص جاهز ومنتظر السلاح المناسب وبالسعر المناسب .