المساعد الشخصي الرقمي

مشاهدة النسخة كاملة : ارجو الافاده


محمد عاطف حسيب
06-09-2013, 11:57 PM
السلام عليكم ورحمه الله وبركاتة
لوسمحتم يا جماعه انا عاوز افاده فى فك الكرال علشان انا جالى شلل فى الاول جميع الناس قالولى استخدم المنجله علشان تتفك انا مش فاهم فى المنجله ايه الى هيضغط على الدليل علشان يطلع وقعت اسئل السؤال دا كتير محدش بيرد عليا انا جربت النهردا افكها وحطيط مفك بدل التيله الى فى الدليل وحاولت اكسر نص كسره علشان يتم الضغط على الدليل برده لا متفكتش وكانت تترقع عند حته معينه قولت علشان ميحصلهاش حاجه المها وخلاص رحت مقفلها وجربتها واشتغلت عادى اصل انا لازم افكها علشان الجلبه بتعتها باظت والسسته طرت رحت الى الي بيصلحهالى قولتله الجلبه والسسته بكام ؟؟؟ هو كان صريح وامين معايا قالى السسته 300 الاصلى المضمونه وب250 دى سسته مصنعه فى تركيا بس بيقولو عليها اسبانى يعنى تقليد اسبانى وهيا مصنوعه فى تركيا وى مش مضمونه والجلبه ب90 الاصلى و50 المضروبه وانا واقف :eek: !!!!
رحت لمحل من بتاع السلاح الى عندنا سألته على واحد بيبيع قطع الغيار علشان اكيد هيبقى ارخص بكتير من الى بيقولهولى وقالى روح فى الحته الفلانيه وهتلاقى واحد هناك اسمه الحاج فتحى دا بيبيع قطع الغير بس مبيركبش قولتله ماشى
انا دلوقتى قدامى كام حل 1- ادفع الى الاول قالى عليه :mad:(فى عقل بالى دا مستحيل )
2-اعرف افك البندقيه واعملها الصيانه بنفسى اصل المشكله كلها واقفه على ان الدليل مبتحركش
3- اعتزل الصيد وابيع البندقيه واد هيزعلنى جدااا
4- ابيع البندقيه واستنا لحد ما يبقى معايا ثمن بندقيه نضيفه يعنى ديانا او جامو او حاجه نضيفه ولا بحصلها حاجه وهتفضل بالسسته بتاعتها (دا بعد عمرا طويل )

Compact
06-10-2013, 10:18 AM
الحل رقم 4 هو افضل حل و لكن لابد من اصلاح البندقية قبل بيعها حتى لا تخسر فيها كثيرا

محمد عاطف حسيب
06-10-2013, 01:38 PM
رحت المهردا الى الحج فتحى يانىىىىىىىىىىى
طلع راجل عجوز وتهريبا مش فاهم انا بقولو ايه اقولو عاوز قطع غيار لبندقيه تركى كرال قالى يعنى عاوز ايه بالظبط قولتله سسته وجلبه قالى طب هاتلى البندقيه علشان اجيبلك السسته والجلبه على مقاسهم قولتلو يا سيدى انا عاوز سسته وجلبه جامو شادو 1000 بكام راح قيلى هاتلى البندقيه وانا هفكها واشوف ايه الى بايظ واجيبلك حاجه على نفس المقاس قولتله انا عوز جامو شادو 1000 دى قطع غيارها بتركب على قطع غيار الكرال قالى طب ايه الى عرفك ان السسته بايظه قولتل مش بايظه طريه قالى هتهالى اشوفها وبعديتن برده البندقيه ممكن يكون مدلها متغير فانا اشوف المقاس برده
معرفش بقا هو بقا مش فاهم ان انا الى هركبها لنفسى ولا ايه بالظبط وانا طالع من عنده مضايق جدا علشان دلوقتى لو جبتله البندقيه وهو ركبلها السسته يقولى سعر غالى زى التانى لا حول ولا قوه الا بالله
الناس عندنا فى بورسعيد استغلالين جدااااا لما يصدقو ان الواحد يرحلهم

محمد عاطف حسيب
06-10-2013, 01:41 PM
الحل رقم 4 هو افضل حل و لكن لابد من اصلاح البندقية قبل بيعها حتى لا تخسر فيها كثيرا
حضرتك انا كاتب بعد عمرا طويل يعنى بالقليل سنه وانا مقدرش اعد من غير صيد و سلاح سنه

محمد عاطف حسيب
06-10-2013, 01:54 PM
ةوكمان لو هغير حاجه لازم يبقى قبل 30-6 علشان الثوره الجديده بازن الله يرحل ونخلص
علشان لو حصلت ثوره بدل ما يقولك السسته 300 تبقى 600 ساعتها بقى هروح السجن فى الى يقولى كدا