المساعد الشخصي الرقمي

مشاهدة النسخة كاملة : زوج إطارات للتقييم


علاء سالمان
05-26-2013, 03:27 PM
زوج اطارات ملاكى ماركة دنلوب مقس 14 انتاج 2007 تركيب 2008 ماشى 60 الف ممكن يشتغل سنة كمان حسب الاستعمال

Amr Moussa
05-26-2013, 07:03 PM
استاذى العزيز اعتذر لك
صلاحيه الكاوتش 5 سنوات تخزين 3 سنوات تركيب او على اقصى حد 50000 كم للاسف المعروض بلا قيمه

eng.amg
05-26-2013, 07:34 PM
في ناس بتغير علي 50000 وناس علي 60000. حسب الإستخدام والسرعات
لكن ممكن يشتغلوا أستبن أو إحتياطي أزمات

Amr Moussa
05-26-2013, 07:37 PM
مهندس احمد اعتذر لك الكلام مش مظبوط الكاوتش لازم يترمى
مع الشكر

احمد عبد المرضى
05-26-2013, 07:58 PM
و الله يا شباب
من اهم احد اسباب الحوادث الكتيرة فى مصر هو ان معظم الناس بتركب عجل (دولايب) للسيارة و طول ما شكله حلو و لا بتسائل عن اى شيء .
نصيحه اخوية لبد من تغير العجل (الدولايب) كما قال الاستاذ عمرو و بالذات للاشخاص ال بتسافر كتير على الطرق الطويله.
و ربنا يسترها معانا و معاكم ومع الجميع.
وكمان نصيحة لما تجدد و تغير العجل (الدولايب) ما تبعهاش لنفس الراجل بتاع العجل لان معظمهم بيعيد حفر العجل وممكن يبعها بسعر رخيص لواحد مزنوق مما يسسب كوارث.

ايهاب رشدى
05-26-2013, 09:08 PM
مهندس احمد اعتذر لك الكلام مش مظبوط الكاوتش لازم يترمى
مع الشكر
خلاص يترمى لان سعر الانسان غالى

ويكا ويكا
05-26-2013, 11:22 PM
انا الي اعرفة ان في مصر عشان الطرق ماليانة مطبات والحرارة عالية الواحد يغير كل 40000 (انا عن نفسى بعمل كدة)

احمد عبد المرضى
05-26-2013, 11:45 PM
انا الي اعرفة ان في مصر عشان الطرق ماليانة مطبات والحرارة عالية الواحد يغير كل 40000 (انا عن نفسى بعمل كدة)
وانا كمان بغير الكاوتش كل 3 سنين مع انى بركب السيارة حوالى شهرين كل سنة و باقية السنة بتكون فى الجراج. ولكن الكاوتش بينشف و بالتالى معامل الاحتكاك بيقل نتيجة جفاف (نشفان) الكاوتش و بتحس بيها عند الضغط على الفرامل بالذات فى المواقف الصعبة.

علاء سالمان
05-27-2013, 12:46 AM
شكرا لكل المشاركات القيمة.. سيتم تخزين الاطارات القديمة للطوارئ

علاء سالمان
05-28-2013, 01:47 AM
اربع فرد كاوتش مقاس 14ماركة دانلوب ماشى 32 الف كيلو للبيع 175 جم او البدل بكوريك سيارة مع فرق بسيط

ايهاب رشدى
05-28-2013, 02:38 AM
اربع فرد كاوتش مقاس 14ماركة دانلوب ماشى 32 الف كيلو للبيع 175 جم او البدل بكوريك سيارة مع فرق بسيط
منتظرين راى قسم السيارات فى الكلام ده

محمد كمال المحامي
05-28-2013, 07:40 AM
أعتقد كدا العرض معقول يعني لو حد عايز كاوتش استبن يبقى احتياطي للظروف فقط

و ننتظر رأي استاذ عمرو مشرف قسم السيارات

Amr Moussa
05-28-2013, 09:21 PM
يا جماعه الموضوع مش محتاج اراء هى فلسفه للواحد فى عيشته

ناخد مثال وبعديها نجاوب فرضا انى اناحاطط زيت موبيل 1 يتم تغييره بعد 10000 كم وعملت اعلان انى لظروف اضطرررت لانزال الزيت بعد 7000 كم يعنى متبقى 3000 كم تفتكروا مين فيكم يرضى يشتريه ولو اه هيشتريه ليه ولو لا مش هيشتريه ليه وبعدين نجاوب على موضوع الكاوتش

ايهاب رشدى
05-28-2013, 09:26 PM
يا جماعه الموضوع مش محتاج اراء هى فلسفه للواحد فى عيشته

ناخد مثال وبعديها نجاوب فرضا انى اناحاطط زيت موبيل 1 يتم تغييره بعد 10000 كم وعملت اعلان انى لظروف اضطرررت لانزال الزيت بعد 7000 كم يعنى متبقى 3000 كم تفتكروا مين فيكم يرضى يشتريه ولو اه هيشتريه ليه ولو لا مش هيشتريه ليه وبعدين نجاوب على موضوع الكاوتش

الاجابه دى زى اللى بيحط المياه فى الزيت او بلغه العامه اللى زينا السم فى العسل :cool:

احمد عبد المرضى
05-28-2013, 10:03 PM
هو احنا ليه المصريين فاكرين ان كل شئ بنشتريه بنعتبره كانها سلعة معمرة و كانها رصيد مالى فى صورة ادوات. و لا نفرق بين سلعه استهلاكيه و سلعة معمرة.
و بالتالى الاطارات تعتبر سلعة استهلاكية بمعنى انها بعد استهلاكها فانها ترمى و لا تباع ليعاد استعمالها.

علاء سالمان
05-29-2013, 12:11 PM
استاذ احمد.. انا مش هتكلم كتير ..طبعا كلامك صح ودىسلعة استهلاكية .. وانا مبدورش على فلوس .. انا مغير لعربيتى الكاوتش قبل ما تسوء حالتة .. بمزاجى .. دى خدمة لأى حد عندة كاوتش بايظ و لظروف ميقدرش يجيب جديد..وبعدين انا طالب بدل بكوريك عربية لأن الكوريك الى عندى ضاع يعنى افيد واستفيد ومن الأخر الفلوس اخر حاجة نفكر فيها والحمد لله وعلى فكرة لعلم حضرتك فى الدول الغنية عمليات المبادلات دى معروفة جدا وتحياتى..

Amr Moussa
05-29-2013, 10:07 PM
استاذ احمد.. انا مش هتكلم كتير ..طبعا كلامك صح ودىسلعة استهلاكية .. وانا مبدورش على فلوس .. انا مغير لعربيتى الكاوتش قبل ما تسوء حالتة .. بمزاجى .. دى خدمة لأى حد عندة كاوتش بايظ و لظروف ميقدرش يجيب جديد..وبعدين انا طالب بدل بكوريك عربية لأن الكوريك الى عندى ضاع يعنى افيد واستفيد ومن الأخر الفلوس اخر حاجة نفكر فيها والحمد لله وعلى فكرة لعلم حضرتك فى الدول الغنية عمليات المبادلات دى معروفة جدا وتحياتى..


استاذ علاء
محدش قصده يضايقك بس احنا بنخاف على بعض اللى ظروفه متسمحش انه يصون عربيته اللى بيحط فيها اسرته ونفسه يركنها ويركب مواصلات
نحن لا نمنع احدا ولا نقوم بتسعير سلعه ولا يهمنا كل ما يهمنا هو الحفاظ على ارواح الناس طالبه النصيحه
ما تعرضه للبيع والبدل وتستهون بقيمته مقابل كوريك ممكن يضيع اسره باكملها حتى لو الواحد خده استبن معنى كده انه مش هيمشى عليه اعتذر لك الكاوتش من الاجزاء الكارثيه بالسياره يجب الحفاظ عليه وتغييرها طبقا للجدول الملحق من قبل المصنع
انت حافظت على نفسك وغيرت الكاوتش بمزاجك مش عشان الكاوتش بايظ ربنا يوسع عليك واشترى كوريك عشان مينفعش تمشى من غير كوريك