المساعد الشخصي الرقمي

مشاهدة النسخة كاملة : رحلة صيد الى شرم الشيخ .... ولكنها غير موفقة


محمد كمال المحامي
02-25-2012, 10:42 AM
الحمد لله على كل حال

وطبعاً كل الرحلات معرضه لأن تكون موفقة او غير موفقة

لأن الصيد رزق من عند ربنا

و الطلعة كانت غير موفقة لسببين

الأول اختيار موعد غير مناسب و هو شهر امشير

و الثاني هو وجود مد حامي في قاع البحر

وهو ما عجل بالعودة ولم نستكمل برنامج الرحلة

و احب استعرض بعض انواع الأسماك البسيطة والقليلة جداً اللي اصطدتها

http://store3.up-00.com/Feb12/5Js58585.jpg (http://www.up-00.com/)

سمك بلاميطة ودا بنصطاده عن طريق الجر

http://store3.up-00.com/Feb12/bZv58585.jpg (http://www.up-00.com/)

سمكة الخنزير و دي زينة فقط وغير صالحة للأكل

http://store3.up-00.com/Feb12/gLF58585.jpg (http://www.up-00.com/)

ودي سمكها بيسميها الصيادين موس لأن كل مكان فيها عامل زي الموس وبيجرح

http://store3.up-00.com/Feb12/YrD58585.jpg (http://www.up-00.com/)

ودي سمكة البونقز

http://store3.up-00.com/Feb12/uaR59124.jpg (http://www.up-00.com/)

ودي سمكة اسمها شريفة

http://store3.up-00.com/Feb12/0FZ59124.jpg (http://www.up-00.com/)

ودي سمكة حريد

http://store3.up-00.com/Feb12/8ZA59124.jpg (http://www.up-00.com/)

ودي سمكة ابو لولو ( شبه سمكة فيلم البحث عن نيمو )

http://store3.up-00.com/Feb12/qUv59124.jpg (http://www.up-00.com/)

ودي سمكة بربوني حجم كبير

http://store3.up-00.com/Feb12/tiZ59077.jpg (http://www.up-00.com/)

ودعواتكم بالتوفيق في المرات القادمة

تامر عصام
02-25-2012, 04:47 PM
يا باشا ده كفايه السمكة اللى أسمها بلاميطة

bodygard 34
02-25-2012, 05:53 PM
السمكه اللى كانت فى فيلم نيمو اسمها البهلوان ودى بتعيش فى الشعب المرجانيه(شقائق النعمان) غير ابولولو خالص.. والسمك الزيتى غامق اسمها حريد مش حرير..والخنزيره بتتسلخ وبتتاكل ..وفى شهر امشير لما تاخد الشويه دول تبقى طلعه موفقه..حمد الله على سلامتكم اولا واخيرا..دى كانت مجازفه

محمد كمال المحامي
02-25-2012, 09:19 PM
يا باشا ده كفايه السمكة اللى أسمها بلاميطة

الف شكر على ردك الجميل يا استاذ تامر

الحمد لله على كل حال وتتعوض المرات القادمة

محمد كمال المحامي
02-25-2012, 09:25 PM
السمكه اللى كانت فى فيلم نيمو اسمها البهلوان ودى بتعيش فى الشعب المرجانيه(شقائق النعمان) غير ابولولو خالص.. والسمك الزيتى غامق اسمها حريد مش حرير..والخنزيره بتتسلخ وبتتاكل ..وفى شهر امشير لما تاخد الشويه دول تبقى طلعه موفقه..حمد الله على سلامتكم اولا واخيرا..دى كانت مجازفه

شكراً على التصحيح يا بودي جارد

يبدو ان معلومات ما شاء الله ممتازة في صيد الأسماك

تم تصحيح اسم الحريد

والحمد لله على كل حال

احنا كمان مكملناش اليومين و رجعنا بعد أول يوم

و بعد ما وصلنا سمعت خبر اغلاق ميناء الغردقة لسوء الأحوال الجوية في البحر الأحمر


يعني فعلاً دي كانت مجازفة بس احنا بنمشي بقرار الأغلبية و انا كنت بصراحة رافض الطلعة

لكن الحمد لله وقدر الله وما شاء فعل

bodygard 34
02-26-2012, 06:20 PM
معظم الصيادين اقصد البحريه اللى على المركب والريس بتاعهم طبعا بيبقوا عارفين مواعيد النوات وبحكم الخبره بيعرفوا يقدّرواالجو خلال اليومين اللى جايين حيكون عامل ايه بس هم بيبقوا قلبهم جامد لأنهم اتعودوا على مفاجأت البحر واحيانا بيجازفوا عشان لقمة العيش لكن دى مجرد هوايه عندنا مش مفروص انها تمثل خطوره على ارواحنا..عشان كده قبل السفر بيوم دايما بنتصل ونتأكد من حالة الجو واحنا اللى نقّدر بناء على اجابة الريس حنطلع ولا حنأجل.. ياروح مابعدك روح

bodygard 34
02-26-2012, 06:22 PM
فى كمان site على النت اسمهwind finder بيوضح حالة الجو خلال الاربع ايام اللى جايين ده بيساعد طبعا على اتخاذ قرار بالطلعه او التأجيل

Mastersssss
02-26-2012, 10:09 PM
اولا الحمد لله علي الرزق باي حال فعلا ثانيا الطلعه جميله والله وباذن الله موفق المره القادمه اكثر واكثر

محمد كمال المحامي
02-26-2012, 10:27 PM
فعلاً يا بودي جارد

احنا اتصلنا بريس اللانش و قال ان الجو كويس

و علشان كدا احنا سافرنا

لكن زي ما حضرتك قولت هما عايزين يشتغلوا وخلاص و مش فارقة معاهم

اهي تجربة احنا اخدنا منها درس اننا منطلعش في شهر امشير مرة ثانية

kefafy
03-01-2012, 11:38 AM
معلش خيرها فى غيرها وربنا يعوض عليكم يارب بصيد وفييييييييير
ومن الانواع الى حضرتك ذكرتها كدة يبقا انتو كنت واقفين على شعب وغزير
وتحياتى لحضرتك يا فندم ودعائى بالتوفيق بالمرة القادمه

حسام مسلم
06-05-2012, 02:56 PM
السلام عليكم جميعا..كانت لي فرصة الخروج في رحلة صيد الي سفاجة مع مجموعة من الزملاء ذوي الخبرة القديمة في الصيد ولكنها كانت لي المرة الأولي. وكانت لي مشكلة في اسماء الأسماك لعدم خبرتي السابقة لذا اريد مرجع لأسماء الأسماك بأسمائها المعروفة لدي معتادي الصيد فإذا ساعدني احد من السادة الأعضاء فله وافر الشكر.
من الطريف ان احد الزملاء قد اصطاد احد اسماك القرش وكان طوله حوالي 1،20 متر وكان الطعم احد اسماك البونجز الحية وكانت خبرة جديدة مكتسبة. احد البحارة علي المركب قد طبخ لنا مجموعة من اسماك الخنزير بعد سلخها و كانت مقلية وافهمني انه به قدر من الزفارة ويجب ان يملح ويوضع في ليمون وأشياء اخري والواقع ان طعمها كان طيبا..لذا لزم التنويه..شكرًا للجميع علي قراءة التعليق..

Compact
06-05-2012, 09:52 PM
السمكه اللى كانت فى فيلم نيمو اسمها البهلوان ودى بتعيش فى الشعب المرجانيه(شقائق النعمان) غير ابولولو خالص.. والسمك الزيتى غامق اسمها حريد مش حرير..والخنزيره بتتسلخ وبتتاكل ..وفى شهر امشير لما تاخد الشويه دول تبقى طلعه موفقه..حمد الله على سلامتكم اولا واخيرا..دى كانت مجازفه

خبير كبير يا حاج محمد

عمر امجد
07-11-2012, 02:06 AM
طانت طلعة جيدة بحسب الظروف اللى انت بتقول عليها و الحمد لله على السمك اللى انت طلعت بيه و انشاء الله المرة الجاية افضل