المساعد الشخصي الرقمي

مشاهدة النسخة كاملة : رحلة صيد الى مدينة الإسكندرية .... مين عنده فكره


محمد كمال المحامي
02-25-2012, 09:53 AM
ياريت لو فيحد من اعضاء المنتدى على علم بطبيعة الصيد

في مدينة الأسكندرية

يدينا فكرة عن ادوات الصيد و الطعم ووأفضل الأماكن

و نوع السمك في البحر المتوسط

و تليفون صاحب لانش محترم

لأني بصراحة بسمع كتير عن الصيد في الأسكندرية لكن ليس عندي اي معلومات

عن الصيد هناك او معدات الصيد المطلوبة وهل يختلف الصيد عن البحر الأحمر

لأن كل طلعاتي للصيد بتكون في البحر الأحمر

و لكم جزيل الشكر

تامر عصام
02-25-2012, 04:49 PM
ياريت أهل أسكندرية يجاوبوا وأنا بسأل نفس السؤال مع حضرتك

bodygard 34
02-25-2012, 05:55 PM
ان شاء الله حاسأل صديق اسكندرانى مجنون صيد زى حالاتنا وابلغكم

محمد كمال المحامي
02-25-2012, 09:12 PM
اشكركم على الردود

و ننتظر تفاعل اهل اسكندرية

لأني بصراحة بسمع عن صيد الدنيس

و عن طعم مختلف عن طعم اسماك البحر الأحمر

زي العجينة والجمبري النطاط و اسماء جديدة علينا

تامر عصام
02-25-2012, 10:02 PM
أنا سأقوم بمتابعة الموضوع يوميا الى أن نجد رد إن شاء الله وياريت نعرف التكلفة كام لعمل ميزانية للموضوع ده وتقسيمها على الأعضاء المشاركين لتسهيل الموضوع إن شاء الله

kefafy
03-01-2012, 02:21 PM
اشكركم على الردود

و ننتظر تفاعل اهل اسكندرية

لأني بصراحة بسمع عن صيد الدنيس

و عن طعم مختلف عن طعم اسماك البحر الأحمر

زي العجينة والجمبري النطاط و اسماء جديدة علينا




فعلا حضرتك كلامك مظبوط
الدنيس و القروص و الهامور اسماك متاشبه مع بعض اسماك البحر الاحمر واسمع انها اطعم منها كمان
والطعم الشهير هناك هو الجنبرى النطاط الصغير قوى قوى ده طوله بالكتير 1 سم
بس عمرى مرحت اسكندريه خالص فى حياتى ولا حتى علشان اتفسح
ولكن اصحابى كانو بيجيبولى الجنبرى النطاط الصغير ده كنت بصطاد بيه هنا مرجان من البحر الاحمر

محمد كمال المحامي
03-01-2012, 02:25 PM
طيب يا استاذ كفافي

ايه رأيك نطلع مره اسكندرية نجرب

kefafy
03-01-2012, 02:36 PM
طيب يا استاذ كفافي

ايه رأيك نطلع مره اسكندرية نجرب


ده شىء يشرفنى يفندم والله
بس ممكن تبقا امتى مثلا؟؟
احسن احضرتك عارف انا بحكم شغلى هنا فى الغردقة واولادى ديما معايا هنا والمشاوير الطويله فى ظروف البلد حاليا بتجنبها علشان ميبتوش لوحدهم
بس باذن الله خلال الست شهور الى جاييين اذا عشت باذن الله نظبط مع بعض اكون فى القاهرة مثلا ونطلع من هناك ؟؟
اوعى تفهمنى غلط انا نفسى والله اصطاد فى اسكندريه بس الظروف الحاليه مش اكتر والله
ده حضرتك انسان محترم جدا وخلوق وكلك زوق

محمد كمال المحامي
03-01-2012, 02:49 PM
ربنا يبارك فيك يا استاذ كفافي

عذرك معاك

فعلاً انت مشوارك جامد جداً

و انا لسه راجع من الكنيسة ومتبهدل اخر بهدلة

و عارف الطريق وتعبه و زياده عليه اسكندرية كمان

على العموم ربنا يجمعنا على الخير في رحلة الى الاسكندرية

و انا منتظرك لحين ما تسمح امورك باذن الله

واكون سعيد جداً بالتعرف عليك لأنك انسان محترم

kefafy
03-01-2012, 02:55 PM
ربنا يعزك يفندم ويسترها معاك يارب
ده حضرتك الى كلك زوق وانشاء الله نتقابل على خير
وتحياتى