المساعد الشخصي الرقمي

مشاهدة النسخة كاملة : رابطه مالكى مسدسات حلوان بالترخيص


قناص الظلم
02-20-2012, 03:00 PM
المسدس الوحيد المصرى التصنيع - نتعرف عليه اكثر عن طريق اراء مالكيه ومستخدميه كفاهم الله شره وشر استخدامه - برجاء من الساده الخبراء التعريف به وبجميع موديلاته - وشكرا لجميع المشاركين

Compact
02-20-2012, 04:30 PM
الله عليك يا قناص قلبى

Compact
02-21-2012, 03:22 AM
الحلوان ايام الملكية كانت مصر بتنتجه باسم دنشواى

بعد كده اتفقوا مع المعلم بريتا انهم ياخدوا منه ماكينات التجميع و سموا المولود الجديد حلوان و طبعا مدينة حلوان ايامها غير مدينة حلوان بتاعة دلوقتى خالص , وهما لو كانوا يعرفوا ان حلوان ستتحول الى ما نراه اليوم كانوا سموه سيوه مثلا :)

الحلوان 51,54,57 خزنتهم 8 طلقات , ال 920 قبل الثورة كان خزنة 15 و بعد الثورة عملوه خزنة 20 طلقة و رجعوه تانى 15 عشان الناس كانت علمت عليه خلاص :) , ال980 مش فاكر كام طلقة دلوقتى بس تقريبا كان زى ال 920

مواسيرهم كلها فرز 24 من خردة و زبالة وكالة المعلم بريتا (كناية عن سوء المواسير) , اه فرز 24 عشان لو كانوا فرز تانى كان زمانه بقى حاجة تانية خالص.

موديلات حلوان:-
1- حلوان51 (ابو علبة زرقا) , بألوانه اسود كحيان و بنى جربان و فضى طهقان , طهقان لانه بيبقى مطلى مش نيكل كروم من الخامة نفسها زى بقية المسدسات المحترمة فى الدنيا كلها , و يبقى قابلنى لو جمع معاك خزنة كاملة 8 طلقات متتالى لانه قبل ما يكملهم حيكون سخن و ولع فى ايدك .
2- حلوان54 و حلوان57 , المشهور فى الجيش بأسم سلاح الخزنة الواحدة , يعنى يضرب ال 8 طلقات ده لو كملهم و يخش على الورشه فى قسم الرعاية المركزة عشان يتعالج من ضرب النار :)
3- حلوان920 , نسخة للبريتا 92 و بعض اجزاءه يتم استيرادها و بيتجمع فى الانجاز عشان مفيش وقت (كناية عن الفينيشنج الضايع للطبنجة) .
4- حلوان980 , هو 920 متدلع , به 3 أمان , يعنى لو مأمنه بال 3 أمان و انته ناسى و حصلك موقف فجائى لازم تستأذن البلطجى يستنى نص دقيقة مثلا عشان تفك ال 3امان و تسحب طلقة و تبتدى تنشن و تضرب و يبقى قابلنى لو البلطجى استناك خصوصا انه معهوش غير بندقية آلى لانه مش لاقى مسدس شمال يشتريه اصلا :) , و الغريبة ان الفينيش بتاع ال980 جيد جدا عن كل اخواته و لكنه بوزن سكان حى حلوان كلهم فهو بوزن الفيل و بحجم التنين الحزين.

عيوب الحلوان : دمه حامى و بيسخن بسرعة , اليايات (السوست) بتاعته متستحملش 50 طلقة و لازم تودع , ارتداده قوى جدا , تجميعه سىء جدا بعد ضرب أول 3,4 طلقات فى الخزنة

فى حلوان51 اسمه فى امريكا و كندا اسمه التجارى هناك حلوان بريجيدير و صناعة مصرية 100% و مفعهوش عيوب خالص غير ان خزنته 8 طلقات و ارتداده قوى و دول لا مفر منهم و الغريبة انه ليه اكسسوارات مش موجودة فى بلده مصر

:) ينفرد الحلوان51 الاسود و البنى بضرب عيارين 9مم طويل (9*19) و 9مم قصير (9*17) بنفس الكفاءة مع ان عياره الاصلى 9مم طويل 9*19 .
الحلوان51 الفضى بيضرب 9مم طويل بس بسبب سمك ششخاناته و ارتداده انعم شوية من الاسود و البنى


بس عموما قوة اى جيش دلوقتى مش بتتقاس بقوة الطبنجة بتاعته خالص ولو كانت كده كنا زمنا بننتج احسن طبنجة فى الدنيا من زمان

قوة الجيش كانت بتتقاس بالمسدسات من قرن فات , دلوقتى الاشتباك من بعيد لبعيد ,الاشتباك القريب ده بيبقى مهمات و وحدات خاصة و دول ممنوعين من الحلوان و أمثاله

قناص الظلم
02-21-2012, 05:26 AM
ايه الحلاوه دى يا جنرال القلوب :) شكرا للشرح الوافى والصريح - انا هاخترع مسدس اسمه سيوه بازن الله ;)

bodygard 34
02-21-2012, 01:01 PM
بص ياجنرال واضح من كلامك انك معجب جدا بالحلوان ومن اشد مؤيدى شراؤه..عشان كده انا حاروح ادفع فيه دم قلبى واشتريه..طبعا لازم بعد كل اللى قولته عليه ده..حسبى الله ونعم الوكيل فيهم..عارف لو هو كده فعلا واسوأ شويه بس مسعرينه صح يعنى ب3000 او حتى 5000 كان الواحد قال ماشى اه على قد فلوسه لكن ب20000 جنيه ده اسمه سرقه علنى

Compact
02-21-2012, 10:23 PM
بص ياجنرال واضح من كلامك انك معجب جدا بالحلوان ومن اشد مؤيدى شراؤه..عشان كده انا حاروح ادفع فيه دم قلبى واشتريه..طبعا لازم بعد كل اللى قولته عليه ده..حسبى الله ونعم الوكيل فيهم..عارف لو هو كده فعلا واسوأ شويه بس مسعرينه صح يعنى ب3000 او حتى 5000 كان الواحد قال ماشى اه على قد فلوسه لكن ب20000 جنيه ده اسمه سرقه علنى

دى مش سرقة علنى يا حاج محمد .. ده افترا علنى

Compact
02-21-2012, 10:35 PM
لو مسكت التصدير بتاعه و ضربت بيه كتير لازم حتحبه لانه بدون عيوب و سهل التصليح عشان احنا بلده , مع ان بره مصر ليه اكسسوارات مش فى مصر خالص , زى الخزنة اللى كنت بتسأل عليها قريب و مقابض تحفة و كلها اصلا للبريتا 951 و بتمشى مع الحلوان لانه اخوه التوأم مع فرق الاداء طبعا

لو جيت تشترى , اشترى انتاج ما قبل 1990 عشان خاماته احسن بكتير من الانتاج اللى بعد كده ;)

و لو حتشترى يبقى النهارده قبل بكره و بلاش الحلوان يا حاج الا لو لقيتلك قدامى حتة زى اللى معايا حقولك تطير و تخطفها , بس للاسف اللى معاه الطبنجة دى مبيبعهاش لان فى ناس كتير متعرفش انها غير اللى هنا .

Mr_ManSHSter
02-22-2012, 02:16 AM
تحيا مصر يا عم. اللى بتفضل الغريب على ابنها .

القانوني
02-22-2012, 03:18 PM
دوما نستفيد منكم ياجنرااااااااااااااال

من فضلك هل هذا الكلام ينطبق على الانتاج القديم يعني موديلات 1969 أو 1971م

ولك كل التقدير

Compact
02-22-2012, 03:22 PM
دوما نستفيد منكم ياجنرااااااااااااااال

من فضلك هل هذا الكلام ينطبق على الانتاج القديم يعني موديلات 1969 أو 1971م

ولك كل التقدير

انا عنيا ليك و لكل الاعضاء المحترمين

الانتاج المحلى قبل 1990 خاماته احسن عموما

Compact
02-22-2012, 03:26 PM
تحيا مصر يا عم. اللى بتفضل الغريب على ابنها .


هو مش تفضيل خالص , دى ثقافة تجارية فى البلد فى كل حاجة الاكل و الشرب و اللبس

Mr_ManSHSter
02-22-2012, 07:33 PM
هو مش تفضيل خالص , دى ثقافة تجارية فى البلد فى كل حاجة الاكل و الشرب و اللبس

وف المعامله كمان يا جنرال. الاجنبى يتعامل احسن من المصرى ف بلدنا .
الحكومه واخدانا ك شئ مسلم بيه لل اسف

القانوني
02-22-2012, 08:31 PM
وآن الاوان ان تتبدل الاوضاع

والمصري يرفع راسه فوووووووووووووق ويقول

أنا مصري

تامر عصام
02-22-2012, 11:44 PM
الله عليك يا جنرال و على خفة دمك والله نفسى أقابلك

Compact
02-23-2012, 10:08 AM
الله عليك يا جنرال و على خفة دمك والله نفسى أقابلك

شكرا لذوقكم الكريم

قناص الظلم
02-24-2012, 06:05 AM
الجنرال دا زى العسل - مثال للمصريين الاصليين بتوع زمان وامثاله قليلين جدا فى هذا الوقت

Trigger
02-24-2012, 07:43 AM
الحلوان ايام الملكية كانت مصر بتنتجه باسم دنشواى

بعد كده اتفقوا مع المعلم بريتا انهم ياخدوا منه ماكينات التجميع و سموا المولود الجديد حلوان و طبعا مدينة حلوان ايامها غير مدينة حلوان بتاعة دلوقتى خالص , وهما لو كانوا يعرفوا ان حلوان ستتحول الى ما نراه اليوم كانوا سموه سيوه مثلا :)

الحلوان 51,54,57 خزنتهم 8 طلقات , ال 920 قبل الثورة كان خزنة 15 و بعد الثورة عملوه خزنة 20 طلقة و رجعوه تانى 15 عشان الناس كانت علمت عليه خلاص :) , ال980 مش فاكر كام طلقة دلوقتى بس تقريبا كان زى ال 920

مواسيرهم كلها فرز 24 من خردة و زبالة وكالة المعلم بريتا (كناية عن سوء المواسير) , اه فرز 24 عشان لو كانوا فرز تانى كان زمانه بقى حاجة تانية خالص.

موديلات حلوان:-
1- حلوان51 (ابو علبة زرقا) , بألوانه اسود كحيان و بنى جربان و فضى طهقان , طهقان لانه بيبقى مطلى مش نيكل كروم من الخامة نفسها زى بقية المسدسات المحترمة فى الدنيا كلها , و يبقى قابلنى لو جمع معاك خزنة كاملة 8 طلقات متتالى لانه قبل ما يكملهم حيكون سخن و ولع فى ايدك .
2- حلوان54 و حلوان57 , المشهور فى الجيش بأسم سلاح الخزنة الواحدة , يعنى يضرب ال 8 طلقات ده لو كملهم و يخش على الورشه فى قسم الرعاية المركزة عشان يتعالج من ضرب النار :)
3- حلوان920 , نسخة للبريتا 92 و بعض اجزاءه يتم استيرادها و بيتجمع فى الانجاز عشان مفيش وقت (كناية عن الفينيشنج الضايع للطبنجة) .
4- حلوان980 , هو 920 متدلع , به 3 أمان , يعنى لو مأمنه بال 3 أمان و انته ناسى و حصلك موقف فجائى لازم تستأذن البلطجى يستنى نص دقيقة مثلا عشان تفك ال 3امان و تسحب طلقة و تبتدى تنشن و تضرب و يبقى قابلنى لو البلطجى استناك خصوصا انه معهوش غير بندقية آلى لانه مش لاقى مسدس شمال يشتريه اصلا :) , و الغريبة ان الفينيش بتاع ال980 جيد جدا عن كل اخواته و لكنه بوزن سكان حى حلوان كلهم فهو بوزن الفيل و بحجم التنين الحزين.

عيوب الحلوان : دمه حامى و بيسخن بسرعة , اليايات (السوست) بتاعته متستحملش 50 طلقة و لازم تودع , ارتداده قوى جدا , تجميعه سىء جدا بعد ضرب أول 3,4 طلقات فى الخزنة

فى حلوان51 اسمه فى امريكا و كندا اسمه التجارى هناك حلوان بريجيدير و صناعة مصرية 100% و مفعهوش عيوب خالص غير ان خزنته 8 طلقات و ارتداده قوى و دول لا مفر منهم و الغريبة انه ليه اكسسوارات مش موجودة فى بلده مصر

:) ينفرد الحلوان51 الاسود و البنى بضرب عيارين 9مم طويل (9*19) و 9مم قصير (9*17) بنفس الكفاءة مع ان عياره الاصلى 9مم طويل 9*19 .
الحلوان51 الفضى بيضرب 9مم طويل بس بسبب سمك ششخاناته و ارتداده انعم شوية من الاسود و البنى


بس عموما قوة اى جيش دلوقتى مش بتتقاس بقوة الطبنجة بتاعته خالص ولو كانت كده كنا زمنا بننتج احسن طبنجة فى الدنيا من زمان

قوة الجيش كانت بتتقاس بالمسدسات من قرن فات , دلوقتى الاشتباك من بعيد لبعيد ,الاشتباك القريب ده بيبقى مهمات و وحدات خاصة و دول ممنوعين من الحلوان و أمثاله


اول سﻻح على الترخيص و ياما اتجرب. ..... و الحمد لله و على رأى عمرود دياب تجربة وعدت و اتعدت.
براوننج هو اﻻفضل

ابوحمزه
02-25-2013, 12:00 PM
غريبه جدا ان مصر باعت كميه لا باس بها من الحلوان لدول عربيه وافريقيه لعده سنوات لدرجه انه انتج بعدها في العراق على ما اظن وكان اسمه الطارق والله اعلم