سؤال عن كيفية طهي البط المهاجر

[eng.amg]

طبعا معظم الطيور المهاجرة مثل البط الخضيري والشرشير نظام غذائة يعتمد علي الأسماك
وبالتتالي دسم جدا...
هل من طريقة لطهي البط دا تجنبا للزفارة وتقليل الدسم؟
لأني إصطدت أنواع قبل كدا من الوز العراقي وإترمت :)
أرجو الإفادة

[Compact]

سيبها منقوعة فى الخل لمدة يومين

[محمد عاطف حسيب]

انا مجربتش اكله قبل كدا بس ممكن تجرب تحطه فى الخل والملح قبل الطهى

[محمد مسعد]

الأخ المهندس / المشرف العام
أنا لسه أكل امس طير ( غر ) و هو زى الشرشير كله مهاجر من البرد لينا .
- أول حاجه حلة ميا مغليه و تغطس الطير بها وأنت ماسكه من رجليه تطلعه وتنزله كذا مره و تزيل الريش و الزغب كله
- بعدكده تفتح بالعرض من بطنه و بالأصابع تبتدى تخرج كل الحاشيه والأمعاء تحت حنفيه مفتوحه وتنظف من الداخل على قد ما تقدر لزالة كل الزفاره.
- ملح خشن وتبتدى تفركها من جوه ومن بره كويس جدا ثم تضعهم فى كيس و تجمد فى الثلاجه لقتل أى بكتريا أو أمراض من اللى بنسمع عنها,
- تطلعهم من الثلاجه و تتركهم يفكو أو تستعمل الميكروويف لتسريع فك التجميد
- بصل مفروم وملح و فلفل بكميه مناسبه للحشو و تكتف الوركين داخل المؤخره و تحشى البطن كويس
- بعد تشوحهم بدون مياه لحد ما لونه يسود مع الزيت والبصل حلقات بنار هاديه ثم تكمل ميه تغطيهم و تسويهم لمده ساعه ونصف على نار هاديه بعد الغليان
- تصفيهم من الشوربه و مياهالغلى ترميها لأنها كلها أخذت الزفاره
- بعد ما تصفى المياه منهم يتم تحميرهم فى الزيت
وألف ألف هنا يا هندسه
تحياتى م محمد مسعد