المساعد الشخصي الرقمي

مشاهدة النسخة كاملة : غلاء اسعار الرش فى بورسعيد


محمد عاطف حسيب
01-22-2013, 09:16 PM
السلام عليكم ورحمه الله
انا اليوم الموافق 22/1/2013
سالت عن النوع الرش المناسب للبندقيه كرال فوجت الاكتريه بتقول جامو ماتش وقولت ساتوكل على الله واشترى علبه 250 رشه نمره 2
وكان سعرها على المواقع الالكترونيه بعضهم 35 والبعض الخر 40 جنيه فقولت فى بورسعيد عندنا هيبقى سعرها فى حدود 45 جنيه لان بورسعيد اغلى فى السعر فنزلت سالت عليها والمفاجئه!!!!!
لقيت سعر العلبه ال250 رشه ب60 جنيه ليه الفرق دا فسؤالى كم سعر الرش الجامو ماتش فى الاسكندريه والقاهره ؟
وحرام عليهم بجد
والسلام عليكم ورحمه الله وبركاتو.

Compact
01-23-2013, 12:17 AM
السلام عليكم ورحمه الله
انا اليوم الموافق 22/1/2013
سالت عن النوع الرش المناسب للبندقيه كرال فوجت الاكتريه بتقول جامو ماتش وقولت ساتوكل على الله واشترى علبه 250 رشه نمره 2
وكان سعرها على المواقع الالكترونيه بعضهم 35 والبعض الخر 40 جنيه فقولت فى بورسعيد عندنا هيبقى سعرها فى حدود 45 جنيه لان بورسعيد اغلى فى السعر فنزلت سالت عليها والمفاجئه!!!!!
لقيت سعر العلبه ال250 رشه ب60 جنيه ليه الفرق دا فسؤالى كم سعر الرش الجامو ماتش فى الاسكندريه والقاهره ؟
وحرام عليهم بجد
والسلام عليكم ورحمه الله وبركاتو.
مع كامل احترامى للشخص اللى قالك ان افضل رش للكرال هو الجامو ماتش ... الكلام ده مش مضبوط بالمره لان كل نوع رش مخصص للصيد من المسافة الملائمة له ايا كان نوع البندقية المستخدمة

كل الرش الجامو اللى شفته من فترة فى مصر مش اصلى و مش موجود على علبته العلامة المائية الموجودة فى الرش الجامو اللى بره مصر

الرش الماتش الاصلى جامو او اتش-ان تصطاد به لحد مثلا 70 متر بالكرال , المضروب ده بعد 40 متر حيغير نشانه لانه غير متزن و الكلام ده من تجربة شخصية و ده اللى اكدلى الاختلاف

نوع و جودة الرش عليه عامل كبير جدا فى دقة الصيد


بأذن الله تعالى ... سيتم الاتفاق قريبا جدا مع احد المحلات المحترمةلتقديم عروض حصرية لمنتدى صيادين مصر لجميع ادوات الصيد البرى و البحرى و مسدسات الصوت (اسعار حقيقية و حصرية)
و ليس ببعيد ان يتم الاتفاق على استبدال الرش المضروب بآخر اصلى لاعضاء منتدى صيادين مصر فقط بذكر اسم العضوية على المنتدى

محمد كمال المحامي
01-23-2013, 12:32 AM
ايها الحلاوة دي يا جنرال

ايوة كدا الشغل العالي من كبير المنتدى وخبيرنا العالمي

منتظرين العرض يا جنرال

وان شاء الله يكون المحل اللي في بالي

محمد عاطف حسيب
01-23-2013, 12:41 AM
شكرا ليك على نقل خبرتك ليا ولجميع اعضاء المنتدى انا اوافقق فى كلامك بس انا عاوز اعرف هو بالرش الجامو ماتش مع البندقيه كرال لو يمامه واقفه على حدود 30 متى لما اجى اضرب عليها احط النشان عليها بالضبط ولا اضرب فو قها بشويه اصل انا معايا الرش الديابلو ماستر بوينت ولما اجى اضرب على حاجه واقفه على 30 متر بضرب فوقها بشويه والرش الجامو مش هيعمل كدا ولا ايه وشكرا لك وياريت اعرف انت بتجيب الرش بكام الجامو ماتش وفين بالضبط وشكرا لك

Compact
01-23-2013, 01:08 AM
شكرا ليك على نقل خبرتك ليا ولجميع اعضاء المنتدى انا اوافقق فى كلامك بس انا عاوز اعرف هو بالرش الجامو ماتش مع البندقيه كرال لو يمامه واقفه على حدود 30 متى لما اجى اضرب عليها احط النشان عليها بالضبط ولا اضرب فو قها بشويه اصل انا معايا الرش الديابلو ماستر بوينت ولما اجى اضرب على حاجه واقفه على 30 متر بضرب فوقها بشويه والرش الجامو مش هيعمل كدا ولا ايه وشكرا لك وياريت اعرف انت بتجيب الرش بكام الجامو ماتش وفين بالضبط وشكرا لك
كل نوع رش و ليه ضبطة نشان خاصة به لان له ايروديناميكس مختلف بسبب شكل و وزن الرشة ... خبرة ضبط النشان بتيجى واحدة واحدة مع الممارسة على نفس البندقية لانك مش شرط تغير النشان كل ما تغير نوع الرش

eng.amg
01-23-2013, 09:04 AM
معلومة عن الرش الماتش المتوافر في السوق .. زي مقال الجنرال هو غير مدموغ أو معلم بعلامة مائية ووزنه أقل من 14 جرين .. حوالي 13.3 جرين.
في رأيي لا يصلح للضرب مسافة أكثر 25 أو 30 متر.

الأسباني الأصلي يتجاوز 15 جرين. وهو طبعا يسير مسافة أكبر.

وفي رأيي من تجربتي للكرال, الرش الأمثل ليها هو الماجنم ولكنه غالي شوية وغير متوافر بكثرة.
وأيضا الرماية المصري ممتاز مع هذه البندقية.

وممكن أيضا تجيب الماتش المصري وهو نوع من رش الرماية في شكل الماتش. وزنه 18 جرين. وهو ممتاز وثقيل وثمنه 6.5 جنيه للعلبة بها من 80 الي 90 رشة

وبالنسبة لإرتفاع ثمن الرش. فهو غير مبرر إلا لدخول موسم الصيد. لأن الرش في القاهرة يتراوح من 35 إلي 45 جنيه إلا الماجنم بحوالي 60 جنيه.

محمد عاطف حسيب
01-23-2013, 03:22 PM
شكرا ليكم على ردكم بس ممكن تحطو صوره الرش الماتش المصرى علشان انا مابشوفش غير الرمايه

eng.amg
01-23-2013, 08:11 PM
شكرا ليكم على ردكم بس ممكن تحطو صوره الرش الماتش المصرى علشان انا مابشوفش غير الرمايه

بصراحة الصور غير متاحة حاليا لانه خلصان عندي. بس انا موصي علي كمية جايالي قريب ان شاء الله وحنزل الصور بتاعته.
هوا تماما مثل الجامو ماتش لكن اثقل وزنا.

محمد عاطف حسيب
01-24-2013, 05:43 PM
شكرا ليكم واللهى الواحد مش عارف يشكركم الزاى
وشكرا على تعاونكم معنا