المساعد الشخصي الرقمي

مشاهدة النسخة كاملة : مطلوب بندقية بام 22 جديدة أو مستعملة


محمد كمال المحامي
10-20-2012, 10:24 AM
مطلوب بندقية بام 22 جديدة أو مستعملة

يمكن التواصل على الخاص

محمد كمال المحامي
10-20-2012, 10:46 AM
لو مستعملة تبقى كسر زيرو

يعني حالة ممتازة

Compact
10-20-2012, 02:19 PM
الكرال بديل الاسبانى و البام بديل الالمانى


بالتوفيق يا استاذ محمد و يفضل شرائها جديدة لان البندقية دى هى و الكرال سعرهم كسر زيرو قريب اوى من سعر الزيرو , يا اما تشتريها مستعملة و تحتاج لسوستة و جلبة عشان يبقى سعرها كويس لانك كده كده حتغيرهم بسوستة و جلبة ديانا

سبحان الله ... الكرال و البام اكتر بندقيتين رش بيتباعوا فى مصر دلوقتى و كل اللى بيشتريهم لازم يعدلهم !!!

و عموما لن تحناج البام لان اليمام بييجى لحد عندك و يستسلم للسى اف30 , مع البام حيجيلك دابح نفسه بنفسه :)

للاسف منتديات الصيد عليها بنادق اقل ما يقال عنها انها خردة و تباع على انها مستعملة بحالة ممتازة , و بنادق مستعملة تباع على انها زيرو بنفس سعر الزيرو , و بنادق اتهرت صيد بتتباع بسعر الجديد , و اللى يقولك البندقية لسة ملينة السوستة الجديدة و هى اصلا سوستتها عايزة تتغير من كتر ما انهرت تليين و صيد و محطوط فيها سوستة مصرى , و تلاقى بندقية ويبلى على دبشك رمسيس و مش كاتب فى الاعلان , و تلاقى اعلانات وهمية بصور واقعية , و اعلانات واقعية بصور من النت , و اعلانات صادقة بدون صور

للاسف الامانة فى البيع اصبحت نادرة جدا و ده اللى لاحظته بطريقة فجة على جميع منتديات الصيد , وادارات المنتديات لن تستطيع معاينة كل السلع لكى تحكم هذه المشكلة بنسبة 100% ... ولا عزاء للصيادين الجدد

محمد كمال المحامي
10-20-2012, 05:47 PM
ربنا يكرمك على النصيحة يا جنرال

فعلاً العروض الموجودة معظمها سلعة رديئة ان لم تكن متهالكة

لكننا مازال لدنيا الأمل في وجود بعض الناس التي تعرض بأمانة

و انا افضل طبعاً انها تكون جديدة

لكن يبدو انها قليلة شوية في السوق

و السي اف 30 هحاول اني لا افرط فيها

لكن يا جنرال البندقيه ليها رد فعل قوي

ايه الحل في الموضوع ده

Compact
10-20-2012, 09:33 PM
ربنا يكرمك على النصيحة يا جنرال

فعلاً العروض الموجودة معظمها سلعة رديئة ان لم تكن متهالكة

لكننا مازال لدنيا الأمل في وجود بعض الناس التي تعرض بأمانة

و انا افضل طبعاً انها تكون جديدة

لكن يبدو انها قليلة شوية في السوق

و السي اف 30 هحاول اني لا افرط فيها

لكن يا جنرال البندقيه ليها رد فعل قوي

ايه الحل في الموضوع ده





السى اف20 و 30 ناعمة اوى و ملهاش رد فعل يذكر !!

ضربت بيها كام رشة بعد عمل الصيانة ؟

ممكن تكون محتاجة تتلين لسة و الله اعلم و ممكن تكون عايزة شحم زيادة

لو عايزلها سوستة تيتان او سوستة او اكس كلم تريجر لانه قالى انه حيجيله شوية سوست و جلب مستوردة تحطها فى البندقية و تشترى دماغك سنين لان السوست اللى موجودة فى السوق المصرى غير اصلية على الاطلاق و مفيش محل تلاقى فيه سوسته مضمونة 100% , حتى اللى انا شوفتهم شخصيا فى المحلات و محلات كبيرة كمان

و الرش الجامو اللى مالى السوق المصرى ده كمان على فكرة مش اسبانى خالص و الرشة شكلها و وزنها مختلف تماما عن مثيلتها فى اوروبا من نفس الماركة ... و طبعا الرش الديابلو التركى ده مش تركى و اكيد بيتعمل تحت بير السلم

الرش جودته مهمة جدا لماسورة البندقية و اتزانه فى الهواء بعد الخروج منها , لان فى ناس كتير فاكرة نفسها بتنشن غلط و الغلط من الرش مش منهم

محمد كمال المحامي
10-20-2012, 09:53 PM
البندقية رد فعلها قوي

وانا بصراحة معنديش اي فكره في صيانتها

و مفيش عندي في اكتوبر حد موثوق فيه

و شكلها كدا زي ما حضرتك قولت عايزه تشحيم

وانا لغاية دلوقتي ضارب بيها حوالي 300 رشة ماتش

محمد كمال المحامي
10-20-2012, 09:57 PM
انا هكلم تريجر ان شاء الله علشان اشوف حل

و يشوفلي موضوع السوستة لأني اعتقد ان غالباً السبب منها

اشكرك على المتابعة يا جنرال

Compact
10-20-2012, 10:15 PM
السى اف30 سوستة تيتان رقم13 بدون اى تعديلات اضافية , الكرال نمرة8 مع تغيير القاعدة او 7 بدون اى تعديل اضافية

مقاسات سوست التيتان كلها من رقم 1 الى رقم 15


BSA Airsporter, Mercury, Challenger, 635 Magnum, Supersport, Lightnings, Superstar, Goldstar, Centenary.
Air Arms Firepower, Jackal, Woodsman.
Original Model 34/35/36/38/45/(48/52 Std. power) HW99, FWB 124/127

No.2 Fits :
HW80, Webley Eclipse (FAC), HW90 (to replace gas ram)

No.3 Fits :
HW77 (FAC), HW97, Original Mod. 35/45/50. Hammerli 401

No.4 Fits :
HW35, Webley Eclipse (Std.) Original Mod. 48/52(FAC)

No. 5 Fits :
BSA Meteor MK1-5, Diana Mod. 24/26/27/28/G46/70/71/78/79/80, Vostock

No.6 Fits :
BSA Meteor MK6 & Mk7, BSA Comet, Crosman Phantom, Mod 800.

No.7 Fits:
BSA Polaris, Webley Tracker, Osprey, Excel, Viscount, Xocet, Stingray, Falcon, Hawk MK1-3, Norica, Relum (using existing inner), Baikal, Cometa 5, Haenel Mod. 303, Gamo Sniper, Commando, Delta, Apache, CF16, Rangemaster, CFX, Statical, Magnum, Gunmark Phantom, NAC, HW30, HW55 & HW55T, Gamo 1000, Shadow, CSI, Whisper.

No.8 Fits :
Webley Vulcan, Omega, Longbow, Tomahawk, HW95, HW98, Gamo 3000

No.9 Fits :
Air Arms TX200 MK1 & MK2, HW57

No. 10 Fits :
Air Arms TX200 Mk3

No.11 Fits :
SMK - All Models - Reduce length to size.

No.12 Fits:
Cometa 100, 200, 300, 400, Fenix, Dragon.

No.13 Fits:
Gamo Paratrooper, CF20, CF30.

No. 14 Fits:
Diana 350 Magnum, Webley Patriot.

No.15 Fits:
HW45 Pistol.

Trigger
10-21-2012, 02:39 AM
انا هكلم تريجر ان شاء الله علشان اشوف حل


و يشوفلي موضوع السوستة لأني اعتقد ان غالباً السبب منها

اشكرك على المتابعة يا جنرال




اعتبرها موجودة انشاء الله يوم الثلاثاء القادم يا مدير
سعرها ما اعتقدش يعدى 200 جنيه و حأكد عليك السعر بكره بليل انشاء الله يا مدير

محمد كمال المحامي
10-21-2012, 09:47 PM
يا باشا الأهم من السوستة

مين اللي هيركبها

انت عارف اكتوبر مفيهاش فني تعتمد عليه

وانا صعب عليا نزول وسط البلد

Trigger
10-22-2012, 04:24 AM
يا باشا الأهم من السوستة


مين اللي هيركبها

انت عارف اكتوبر مفيهاش فني تعتمد عليه

وانا صعب عليا نزول وسط البلد



يا مدير انته مش حتركب السوستة كل يوم
لو سوستة اصلى حتفضل معاك سنين طوال بنفس الاداء و هى مرة تظبيط عند محمود شلبى او شريف شبرا و خلاص كده تنسى الدنيا سنين
هى السوستة و الجلبة الموجودين فى البندقية قديمة من ايام ما كانت مركونة ولا جديد ؟

eng.amg
10-22-2012, 10:12 AM
يا باشا الأهم من السوستة

مين اللي هيركبها

انت عارف اكتوبر مفيهاش فني تعتمد عليه

وانا صعب عليا نزول وسط البلد




يا مدير انته مش حتركب السوستة كل يوم
لو سوستة اصلى حتفضل معاك سنين طوال بنفس الاداء و هى مرة تظبيط عند محمود شلبى او شريف شبرا و خلاص كده تنسى الدنيا سنين
هى السوستة و الجلبة الموجودين فى البندقية قديمة من ايام ما كانت مركونة ولا جديد ؟

يا باشا فعلا السي إف إلي عندك رد فعلها قوي لدرجة أن ليها رد فعل محسوس عن البام إلي معايا
وحضرتك لما طلعنا مع بعض وبدلنا البنادق .. حضرتك ضربت بالبام وجبت بيها 2 وكانت أول مرة تستعملها. علشان كدا حضرتك عايز تشتري بام 22 :)

المشكلة بنسبة 99% من السوستة لأن لما فكتها لقيت السوستة متشحمة ونظيفة مفهاش تراب أو أي رايش فأعتقد إن السوستة دي غير أصلية.

ياريت لو أستاذ تريجر يعرف يجيب السوستة الأصلية فأنا عندي منجلة في البيت. أعدي علي حضرتك وآخد البندقية وأعملهالك ومش حتاخد نصف ساعة إن شاء الله.

وبجد حتكون حاجة تانيا خالص.


أما بالنسبة للبام 22 فإشتريها جدية ولازم تتفك وتتنظف كويس جداااا وتغير السوستة والجلبة للديانا 52 وتتشحم كويس جدا وتبقى معاك مدفع لإن شاء الله.

محمد كمال المحامي
10-22-2012, 02:28 PM
يا باشا فعلا السي إف إلي عندك رد فعلها قوي لدرجة أن ليها رد فعل محسوس عن البام إلي معايا
وحضرتك لما طلعنا مع بعض وبدلنا البنادق .. حضرتك ضربت بالبام وجبت بيها 2 وكانت أول مرة تستعملها. علشان كدا حضرتك عايز تشتري بام 22 :)

المشكلة بنسبة 99% من السوستة لأن لما فكتها لقيت السوستة متشحمة ونظيفة مفهاش تراب أو أي رايش فأعتقد إن السوستة دي غير أصلية.

ياريت لو أستاذ تريجر يعرف يجيب السوستة الأصلية فأنا عندي منجلة في البيت. أعدي علي حضرتك وآخد البندقية وأعملهالك ومش حتاخد نصف ساعة إن شاء الله.

وبجد حتكون حاجة تانيا خالص.


أما بالنسبة للبام 22 فإشتريها جدية ولازم تتفك وتتنظف كويس جداااا وتغير السوستة والجلبة للديانا 52 وتتشحم كويس جدا وتبقى معاك مدفع لإن شاء الله.


تسلم لنا يا خبير بنادق ضغط الهواء

منتحرمشي من ذوقك يا بشمهندس احمد

وبصراحة كدا كتير علينا

Compact
10-22-2012, 07:28 PM
قبل ما البندقية تتفك ياريت تبلغونى عشان اوصلكوا شحم اسود انجليزى مخصوص للبنادق عشان بندقية الادمن

Trigger
10-22-2012, 10:17 PM
السوستة حتبقى موجودة بعد العيد بشوية انشاء الله
و البشمهندس أحمد حل مشكلة الخروج بره حدود اكتوبر المجيدة بوجود المنجلة و وجوده شخصيا بخبرته العالية

Trigger
10-22-2012, 10:22 PM
قبل ما البندقية تتفك ياريت تبلغونى عشان اوصلكوا شحم اسود انجليزى مخصوص للبنادق عشان بندقية الادمن
ده احسن ولا الازرق لبنادق الرش ؟

محمد كمال المحامي
10-22-2012, 10:58 PM
تسلم لنا يا جنرال يا غالي

و الله انا مش عارف اشكرك ازاي

ربنا يبارك في صحتك وعمرك

Compact
10-28-2012, 05:51 PM
ده احسن ولا الازرق لبنادق الرش ؟
الازرق اللى عندك ده انتاج شركة هكلر الالمانى و ده مخصوص للحى فقط و ممكن يستخدم فى بنادق الرش بس بكميات بسيطة اوى لانه تقيل

الاسود ده شحم انجليزى خفيف لبنادق و مسدسات ضغط الهواء بنظام السوستة و على ما اتذكر انه من انتاج مصنع فرعى صغير يتبع لشركة ويبلى اند سكوت

الاسود طبعا اخف بكتير و مخصوص لبنادق ضغط الهواء ... و اقرب حاجة ليه بس اتقل منه شوية فى مصر هو شحم الكبالن المستورد الاصلى المخصوص للسيارات و ده طبعا مش موجود فى مصر دلوقتى غير يا مضروب يا درجة تانية

Compact
10-28-2012, 05:57 PM
تسلم لنا يا جنرال يا غالي

و الله انا مش عارف اشكرك ازاي

ربنا يبارك في صحتك وعمرك




دى حاجات ابسط من البساطة يا محمد بك

gmslem
10-29-2012, 01:43 AM
الكرال بديل الاسبانى و البام بديل الالمانى


بالتوفيق يا استاذ محمد و يفضل شرائها جديدة لان البندقية دى هى و الكرال سعرهم كسر زيرو قريب اوى من سعر الزيرو , يا اما تشتريها مستعملة و تحتاج لسوستة و جلبة عشان يبقى سعرها كويس لانك كده كده حتغيرهم بسوستة و جلبة ديانا

سبحان الله ... الكرال و البام اكتر بندقيتين رش بيتباعوا فى مصر دلوقتى و كل اللى بيشتريهم لازم يعدلهم !!!

و عموما لن تحناج البام لان اليمام بييجى لحد عندك و يستسلم للسى اف30 , مع البام حيجيلك دابح نفسه بنفسه :)

للاسف منتديات الصيد عليها بنادق اقل ما يقال عنها انها خردة و تباع على انها مستعملة بحالة ممتازة , و بنادق مستعملة تباع على انها زيرو بنفس سعر الزيرو , و بنادق اتهرت صيد بتتباع بسعر الجديد , و اللى يقولك البندقية لسة ملينة السوستة الجديدة و هى اصلا سوستتها عايزة تتغير من كتر ما انهرت تليين و صيد و محطوط فيها سوستة مصرى , و تلاقى بندقية ويبلى على دبشك رمسيس و مش كاتب فى الاعلان , و تلاقى اعلانات وهمية بصور واقعية , و اعلانات واقعية بصور من النت , و اعلانات صادقة بدون صور

للاسف الامانة فى البيع اصبحت نادرة جدا و ده اللى لاحظته بطريقة فجة على جميع منتديات الصيد , وادارات المنتديات لن تستطيع معاينة كل السلع لكى تحكم هذه المشكلة بنسبة 100% ... ولا عزاء للصيادين الجدد

كل عام و حضرتك وكل الزملاء بخيرررررر
وعيد مبارك ؛؛؛؛
بصراحة انا مع حضرتك تماما في كل ما قلت ؛ كمان اوسع النظرة واقول ان هذا اصبح متفشي في كثيرررررررررر من الشعب المصري ؛ !!!! - عدم الامانة و المبالغة و التهويل و حب النفس دون البلد و و و و و وكلنا داخله فسادددددد - بصراحة انا كنت عاوز عربية كسر زيرو يعني موديل 2011 مثلا ..... طبعا حضراتكم فهمتم !!!!!
يارب اصلح حالنا حتي تنصلح بلادنا
شكرا لكم و امتعني مقالكم

gmslem
10-29-2012, 01:56 AM
الازرق اللى عندك ده انتاج شركة هكلر الالمانى و ده مخصوص للحى فقط و ممكن يستخدم فى بنادق الرش بس بكميات بسيطة اوى لانه تقيل

الاسود ده شحم انجليزى خفيف لبنادق و مسدسات ضغط الهواء بنظام السوستة و على ما اتذكر انه من انتاج مصنع فرعى صغير يتبع لشركة ويبلى اند سكوت

الاسود طبعا اخف بكتير و مخصوص لبنادق ضغط الهواء ... و اقرب حاجة ليه بس اتقل منه شوية فى مصر هو شحم الكبالن المستورد الاصلى المخصوص للسيارات و ده طبعا مش موجود فى مصر دلوقتى غير يا مضروب يا درجة تانية


جنرالنا الكريم وكل الاحباب
استفسار بسيط : انا عندي زيت حراري امريكي الصنع خاص بماكينات التصوير .... بصراحة جربته مع الحي و الرش و اداءه ممتاز ..... و السؤال هل له مخاطر او عيوب عليهما ؟؟؟ شكرا جزيلا .

Compact
10-29-2012, 05:20 AM
جنرالنا الكريم وكل الاحباب
استفسار بسيط : انا عندي زيت حراري امريكي الصنع خاص بماكينات التصوير .... بصراحة جربته مع الحي و الرش و اداءه ممتاز ..... و السؤال هل له مخاطر او عيوب عليهما ؟؟؟ شكرا جزيلا .



الزيت طالما ما بيتحرقش يبقى تمام