طلعة خفيفة يوم 8-10-2012 في أكتوبر

[eng.amg]

طلعت النهاردا مع واحد صحبي جديد في الصيد ببندقيته الكرال وأول مرة كان يطلع صيد.
للأسف ضيعنا وقت كبير (ثمين) - لأن الصيد في أكتوبر أقل من ساعتين الصبح - في تعليم مبادء الإمساك بالبندقية وتفادي رد الفعل بس الحمد لله إتعلم بسرعة وبقت الطيور تريش منه. - خطوة حلوة بالنسبة لأول مرة - وفي واحدة أصابها لكن وقعت جوا مصنع.
وربنا كرمنا بحصيلة متواضعة والحمد لله


http://imageshack.us/scaled/landing/840/dsc0002pq.jpg

http://imageshack.us/scaled/landing/201/dsc0001mh.jpg

[محمد وفيق]

ما شاء الله يا بشمهندس ... قولي بقى اخبار استهلاك البنزين معاك في الاوبترا اييييه ؟

[eng.amg]

ما شاء الله يا بشمهندس ... قولي بقى اخبار استهلاك البنزين معاك في الاوبترا اييييه ؟

هاهاهااا
دا بقى السؤال الغريب في الموضوع...
عموما العربية حلوة في البنزين بالنسبة إنها 1600 - لكن مختلفة جدا حسب الإستعمال يعني :

علي السلانسيه والتكييف بتعمل من 9:10 كم في الليتر
علي الطوالي سرعة 90كم/س إلي 120 كم/س متوسط إستهلاك 18:17 كم في الليتر
أما علي السرعة العالية من 160كم/س إلي 190كم/س متوسط إستهلاك 8:8.5 كم في الليتر

[محمد كمال المحامي]

الله ينور عليك يا بشمهندس احمد

[ولاء الدين]

ان شاء الله المره اللى جايه مفيش وقت هيضيع لأنه اتعلم خلاص والمره اللى جايه تبقى احسن وبالهنا و الشفا بس عايز اعرف هيا الكرال اللى معاه بكام ولو هيا ب1500 جنيه او اقل هل هيا كويسه فى الصيد لأنى عايز اشترى بندقيه كرال و هيا عجبانى لأنى سمعت ان سرعتها 240م/ث وهاى باور وعارف ان خاماتها مش اوى وليها مشاكلها مش هتبقى زى الحاجت النضيفه مثل الديانا والحاجات التانيه الاسبانى بس سمعت ان الاصدارات الجديده جيده جدا وعايز اعرف هيا ينفع اصطاد بيها زى البنادق النضيفه التانيه ولا لأ....أرجو الرد

[eng.amg]

ان شاء الله المره اللى جايه مفيش وقت هيضيع لأنه اتعلم خلاص والمره اللى جايه تبقى احسن وبالهنا و الشفا بس عايز اعرف هيا الكرال اللى معاه بكام ولو هيا ب1500 جنيه او اقل هل هيا كويسه فى الصيد لأنى عايز اشترى بندقيه كرال و هيا عجبانى لأنى سمعت ان سرعتها 240م/ث وهاى باور وعارف ان خاماتها مش اوى وليها مشاكلها مش هتبقى زى الحاجت النضيفه مثل الديانا والحاجات التانيه الاسبانى بس سمعت ان الاصدارات الجديده جيده جدا وعايز اعرف هيا ينفع اصطاد بيها زى البنادق النضيفه التانيه ولا لأ....أرجو الرد

لا طبعا :).

السرعة الفعلية 160 م/ث دا بعد تركيب السوستة الأسباني (جامو شادو 1000)
ومدى إصابتها المؤثر في الصيد 40 متر.

سيبك من السرعات إلي في الكتالوجات.
البام 22 في الكتالوج 265 م/ث.. لكن عمليا 225 م/ث

[ولاء الدين]

طب اجيب ايه حاجه بسعرها وينفع اصطاد بيها ومش محتاجه اغير فيها حاجه وياريت تفاصيل عن النوع اللى هتقولى عليه