المدفع الرشاش المتوسط Bern :

[محمد حسام]

المدفع الرشاش المتوسط Bern :

المدفع الرشاش البريطاني Bern عيار 7.62 مم مصمم علي اساس المدفع التشيكي ZB - 26 و طور ليطلق الذخيرة البريطانية عيار 0.303 بوصة ثم اعيد تطويره مرة اخري ليطلق الذخيرة الملساء عيار 7.62 * 51 مم
يعمل المدفع بقوة ضغط الغاز و مبرد من الهواء المضغوط و يغذي بالطلقات بواسطة خزنة مستطيلة الشكل و يمكن الاطلاق بواسطة الاسلوب الفردي او الالي و يمكن استخدامه بواسطة افراد المشاه بعد تزويده بحامل ثلاثي الارجل او استخدامه كحامل ثانوي مع الدبابات و العربات المدرعة

- بلد المنشأ : المملكة المتحدة
- الاستخدام : مدفع رشاش متوسط لقوات المشاه و للدبابات و العربات المدرعة
- الدول المستخدمة : المملكة المتحدة

المواصفات العامة والفنية

- العيار : 0.303 بوصة
- العيار المطور : 7.62 * 51 مم
- نوع الذخيرة : NATO
- الطول : 1156مم
- طول السبطانة : 635 مم
-قطر السبطانة : 7.62 مم
- الوزن بالحامل ثنائي الارجل : 8680 جم
- الوزن بالحامل ثلاثي الارجل : 12700 جم
- معدل النيران : النظري 500 طلقة / دقيقة
- سعة الخزينة : 30 طلقة

المصدر: منتدى صيادين مصر

[Compact]

له خزنة دائرية 50 طلقة و خزنة مربعة 100 طلقة

مبيعلقش و بيبتدى يسخن شوية بعد 1500 طلقة مثلا ده غير عيار 7.62*51 المعروف بقوة اختراقه عموما ... لذلك هو سلاح عسكرى و يعتمد عليه و جيد جدا و مفيد جدا فى التغطية التكتيكية متوسطة المدى

[kefafy]

تسلم يا محمد بيك ويسلم تعليقك
وهو المدفع الرشاش الاساسى للمملكه المتحده ابان الحرب العالميه الثانيه
والممثال ليه فى الروسى بس اقل منه حاجة بسيطة هو الرشاش الخفيف RPK



وبيضرب 7.62*39 وبره مصر فى منه 5.54*39
وبسرعه 600 طلقه فى الدقيقه
والخزنه بتشيل 45 طلقه وفى الخزنه الكبيرة بتشيل 100 طلقه والمرمى المؤثر 1000 متر

[kefafy]

التقيل بقا فى الرشاشات المضاده للافراد روسى
المعلم جرينوف واسمه PK
وفى ناس بتقول عليه ابو حصيرة وناس تقول متعدد
بس اسمه جرينوف
وده

وده تيكتيكيا اسمه رشاش ثقيل متمركز
يعنى محدش يعرف يشيله ويضرب بيه لانه ثقيل ورد فعله شديد
وزنه حوالى 9 كيلو حديد والسيبيا بتاعته (الحامل يعنى 8 كيلو) علشان كدة بيبقا متمركز على دبابه بقا او فى كمين او على الارض لانه بيبقا وهو متمركز ملوش رد فعل خالص او رد فعله يتحمله اى شخص وتوجيه النيران بيه سهل جدا
انما لو متشال رد فعله شديد محتاج ارنولد او سيلفستر فقط
وعياره 7.62*54 وسرعه اطلاق النيران حوالى 700 طلقه فى الدقيقه
وبيتعمر كل 10 طلقات فى الشريط بتوضع الطلقات الكاشفه ده علشان المناورات الليليه كنوع من انواع توجيه النيران (مفيش نشان فسفورى ) فمكان الضرب عليك بتوجه نيرانك على النيران المعاديه او الافراد
والمرمى المؤثر فى حدود ل 1500 متر
والعلبه فيها حوالى 250 طلقه حصيرة والشريط بتترصص فيه الطلقات بمكبس داخل الشريط وبعد كدة يترص الشريط داخل العلبه ثم التلقيم اليدوى لاول الشريط
وعلى فكره عياره هو هو نفس عيار البندقيه النصف اليه الدراجينوف القناصه الشهيرة
واعتذر عن اى سهو او خطىء غير مقصود
وتحياتى ليك يا محمد بيك وموضع حضرتك الروعه
وتحياتى لاستاذى العزيز الجنرال

[Trigger]

يا مزاجوا العالى يا ابو محمود. صباحك 7.62

[kefafy]

صباحك قشطة يا احمد بيك
على راى الجنرال العيار ده المفروض يتحط على العلم المصرى
صباحك زى الفل

[Compact]

ولا بيرن ولا ار بى كيه ... الجرينوف جرينوف ... عاش ال 7.62

[kefafy]

المشاركة الأصلية كتبت بواسطة compact

ولا بيرن ولا ار بى كيه ... الجرينوف جرينوف ... عاش ال 7.62

عاش ياباشا عاش
فعلا يا جنرال البلدى بلدى
حكمه حضرتك قلتها وبتثبت نفسها يوم عن يوم
تحياتى لحضرتك يا استاذنا العزيز