الحقيقة لازم اعترف بدور المنتدي المحترم دا في تثقيفي في موضوع السلاح وأنواعه وكمان أسعاره
بما أني حاليا لدي تصريح شراء سلاح
حكايتي مع المنتدي بدأت لما قدمت طلب استخراج رخصة حمل سلاح في شهر 10 /2014
بعدها بكام شهر 2 او 3 شهور بدأت اقراء وابحث في موضوع السلاح
بالصدفة شفت المنتدي المحترم دا وبدات أزوره يوميا
طبعا بدون ما أسجل فيه تقريبا قريت معظم مشاركات الأعضاء الكرام في سوق المنتدي لبيع وشراء السلاح الحي
سجلت كعضو في المنتدي في شهر ديسمبر 2015 لما وافقوا علي طلب الرخصة وحصلت علي تصريح الشراء
الرخصة خدت وقت طويل لاني مش متواجد في مصر بصفة دائمة عشان كدا مكنتش متابع الموضوع
بالفعل ممكن حد يسال طيب مسجلش ليه في الفترة الطويلة دي كعضو
بصراحة الإجابة بكل بساطة كان عندي احساس ان عضوية المنتدي دا بعد ما قريت المشاركات انا ما استحقهاش الا لو كان معايا رخصة سلاح فعلا
الناس الموجودة هنا محترمة جدا وخبراء بجد
متشرف بيكم جدا وشاكر لكل مشاركة قريتها واتعلمت منها