ارجو المساعده من اهل الخبره

[ابو جهاد]

ارجو المساعده من اهل الخبره

الاخوه الكرام ,, كل عام و انتم بالف خير . حصلت على تصريح شراء سلاح شخصى والحقيقه مش حاشترى الحلوان الجديد ولو ببلاش معروض امامى مسدس ستار اسبانى من احد الاشخاص المحترمين للتنازل و هو بحاله الجديد . مكتوب على الماسوره star cal.38 واللى عرفته وبعد التجربه و الضرب خمس طلقات متتاليات انه بيضرب طلقات 9 مم . بناء على عمل جلبه بالماسوره .الحقيقه انا مش مستوعب موضوع انه عيار 38 و بيضرب 9مم لقله خبرتى بالسلاح و لكن اامل من الاخوه الكرام يطمنونى لهذا السلاح ومدى الامان به وعلاوه على ذلك مطلوب تسعيره يسوى كام اليوم ؟ و تقبلوا تحياتى

المصدر: منتدى صيادين مصر

[bodygard 34]

المشاركة الأصلية كتبت بواسطة ابو جهاد

الاخوه الكرام ,, كل عام و انتم بالف خير . حصلت على تصريح شراء سلاح شخصى والحقيقه مش حاشترى الحلوان الجديد ولو ببلاش معروض امامى مسدس ستار اسبانى من احد الاشخاص المحترمين للتنازل و هو بحاله الجديد . مكتوب على الماسوره star cal.38 واللى عرفته وبعد التجربه و الضرب خمس طلقات متتاليات انه بيضرب طلقات 9 مم . بناء على عمل جلبه بالماسوره .الحقيقه انا مش مستوعب موضوع انه عيار 38 و بيضرب 9مم لقله خبرتى بالسلاح و لكن اامل من الاخوه الكرام يطمنونى لهذا السلاح ومدى الامان به وعلاوه على ذلك مطلوب تسعيره يسوى كام اليوم ؟ و تقبلوا تحياتى

اعتقد ان ده الستار الكبير نفس موديل كولت 1911 ..كل اللى نزل مصر كان عيار 38 واتعدل بالجلبه دى .. خبيرنا الكبير الجنرال كومباكت هو اللى حيفيدك فى الموضوع ده ..لأنى سمعت ان التعديل ده بيخلى الطبنجه تسخن

[Compact]

الطبنجات الاجزاء اللى عيارها الاساسى 38 مصممة هندسيا انها تضرب 9مم 9*23 و ده طبعا عيار حربى و مش موجود فى مصر

قاموا المصريين حطوا جلبة حديد فى اول الماسورة ناحية بيت النار ال9مم 9*19 او 9مم قصير 9*17 عشات تمسك الطلقة و هى بايتة فى بيت النار

طبعا الطبنجة بتسخن مع الضرب المتتالى لانه مش عيارها الاساسى و معامل امانها ضعيف لان الجلبة ممكن تنط من مكانها مع الاستخدام و ممكن تكون معمولة وحش من الصنايعى

[ابو جهاد]

بارك الله فيكم الاخ بودى جار 34 و الاخ الجنرال و اسعد ايامكم كل شىء قسمه و نصيب لانى قمت بالشراء بالفعل لهذه الطبنجه وطبعا لو كنت اعرف و افهم هذه المعلومات ماكنت اقدمت على الشراء و كان يكفينى شراء حلوان وامرى لله لانى مش بستعمل الطبنجه فى الضرب كتير.. ويبقى الان لو سمحتم اعرف تقديركم للسعر كام ؟ عشان اعرف اضحك على ولا ايه !!!!!!!!!!!!!!!!!!!! علما بان حاله الطبنجه محترمه جدا
بارك الله فيكم

[ابو جهاد]

الاخوه الكرام ... الحقيقه انا كنت منتظر من الاخوه الخبراء يردو على بسرعه ولكن الى الان ما جاش اى رد او حد يطمنى على السعر تسوى كام اليوم شهر نوفمبر 2012 عموما مرفق صور يمكن تشجعكو على الرد بسرعه


Uploaded with ImageShack.us


Uploaded with ImageShack.us

[Compact]

المشاركة الأصلية كتبت بواسطة ابو جهاد

الاخوه الكرام ,, كل عام و انتم بالف خير . حصلت على تصريح شراء سلاح شخصى والحقيقه مش حاشترى الحلوان الجديد ولو ببلاش معروض امامى مسدس ستار اسبانى من احد الاشخاص المحترمين للتنازل و هو بحاله الجديد . مكتوب على الماسوره star cal.38 واللى عرفته وبعد التجربه و الضرب خمس طلقات متتاليات انه بيضرب طلقات 9 مم . بناء على عمل جلبه بالماسوره .الحقيقه انا مش مستوعب موضوع انه عيار 38 و بيضرب 9مم لقله خبرتى بالسلاح و لكن اامل من الاخوه الكرام يطمنونى لهذا السلاح ومدى الامان به وعلاوه على ذلك مطلوب تسعيره يسوى كام اليوم ؟ و تقبلوا تحياتى

حضرتك كاتب بنفسك هنا انك معروض عليك يعنى لسة مشترتش و جيت المشاركة اللى بعديها قلت انك اشتريته اصلا ... ممكن اعرف حضرتك كنت حتخسر ايه او ايه اللى حيتغير لو قلت انك اشتريته من الاول !!؟

حلوة اوى اللى عرفته بعد التجربة دى ... هو حضرتك اشتريته اصلا و متعرفش بيضرب عيار ايه !!!

ياريت الصراحة و الوضوح من الاول فى الكلام المكتوب لان هذا الاسلوب مرفوض تماما من الجميع هنا و لم و لن ارد فى موضوع يخصك كعضو فى منتدانا و ادعو الاعضاء كافة الى الحرص فى التعامل معك بسبب الاسلوب الملتوى فى الحصول على اجابات لاسئلة عادية

ارجو عدم الاستخفاف بعقول اعضاء المنتدى و زائريه

[قناص الظلم]

المشاركة الأصلية كتبت بواسطة ابو جهاد

الاخوه الكرام ... الحقيقه انا كنت منتظر من الاخوه الخبراء يردو على بسرعه ولكن الى الان ما جاش اى رد او حد يطمنى على السعر تسوى كام اليوم شهر نوفمبر 2012 عموما مرفق صور يمكن تشجعكو على الرد بسرعه


uploaded with imageshack.us


uploaded with imageshack.us

هو مين اللى ماردش عليك؟ الحاج محمد رد عليك بعدها ب4 ساعات وجابلك المفيد ونصحك تستنى الجنرال والجنرال رد عليك اول مادخل المنتدى وانت رديت وقلت انك اشتريته وطالاما اشتريته عاوز تتنمنه ليه ؟ مات الكلام خلاص هو فى اسرع من ردهم عليك دا فى اقل من 24 ساعه جالك ردين من خبيرين - وزى ما قالك الجنرال ماتستخفش بعقول الاعضاء وسيتم نشر التحزير منك علنا

[قناص الظلم]

المشاركة الأصلية كتبت بواسطة compact

حضرتك كاتب بنفسك هنا انك معروض عليك يعنى لسة مشترتش و جيت المشاركة اللى بعديها قلت انك اشتريته اصلا ... ممكن اعرف حضرتك كنت حتخسر ايه او ايه اللى حيتغير لو قلت انك اشتريته من الاول !!؟

حلوة اوى اللى عرفته بعد التجربة دى ... هو حضرتك اشتريته اصلا و متعرفش بيضرب عيار ايه !!!

ياريت الصراحة و الوضوح من الاول فى الكلام المكتوب لان هذا الاسلوب مرفوض تماما من الجميع هنا و لم و لن ارد فى موضوع يخصك كعضو فى منتدانا و ادعو الاعضاء كافة الى الحرص فى التعامل معك بسبب الاسلوب الملتوى فى الحصول على اجابات لاسئلة عادية

ارجو عدم الاستخفاف بعقول اعضاء المنتدى و زائريه

كلام من الاخر

[ابو جهاد]

الاخوه المحترمين compact / قناص الظلم
الحقيقه قرات مداخلاتكم بتانى و اصبت بدهشه كبيره !!!! لانكم صورتمونى بصوره هى ابعد ما تكون عن شخصيتى ....عموما لم تشقا انتما الاثنين عن ضميرى و لا عن قلبى و السرائر لا يعلمها الا الله. و لم تستفيدوا الا ان تشوهوا صوره عضو مبتدىء معكم و عايز يستفيد من المنتدى و تحذروا الاعضاء من التعامل معه و لا تشاركوا فى اى مداخله له !! ليه لا سمح الله ؟
عموما يبدوا انى طرحت موضوعى بصوره خاطئه و اتفهمت غلط وانا اتحمل نتيجه ذلك وتبعياته وبناء عليه اشكركما واقدم احترام لكل الاعضاء الكرام و اطلب من السيد المشرف التكرم بوقف او شطب عضويتى من المنتدى
حتى اريح الجميع .. و السلام عليكم

[Compact]

المشاركة الأصلية كتبت بواسطة ابو جهاد

الاخوه المحترمين compact / قناص الظلم
الحقيقه قرات مداخلاتكم بتانى و اصبت بدهشه كبيره !!!! لانكم صورتمونى بصوره هى ابعد ما تكون عن شخصيتى ....عموما لم تشقا انتما الاثنين عن ضميرى و لا عن قلبى و السرائر لا يعلمها الا الله. و لم تستفيدوا الا ان تشوهوا صوره عضو مبتدىء معكم و عايز يستفيد من المنتدى و تحذروا الاعضاء من التعامل معه و لا تشاركوا فى اى مداخله له !! ليه لا سمح الله ؟
عموما يبدوا انى طرحت موضوعى بصوره خاطئه و اتفهمت غلط وانا اتحمل نتيجه ذلك وتبعياته وبناء عليه اشكركما واقدم احترام لكل الاعضاء الكرام و اطلب من السيد المشرف التكرم بوقف او شطب عضويتى من المنتدى
حتى اريح الجميع .. و السلام عليكم

المشاركات فى المنتدى ليست مستترة فى ضمائر الناس و ليست شخصية فهى منشورة للاعضاء و الزائرين و ليست فى ضمائر الناس و اسرارهم و هى منشورة للعامة !!