أخواني وزملائي الافاضل
اليوم كنت ابحث عن طلقات لمسدسي عند تاجر سلاح في طنطا انا بتعامل معاه ومعروف ليا شخصيا وعرض عليا 50 طلقه 9مم قصير بسعر 35 جنيه الطلقه بس شكله كده قابل للفصال وطبعا لان ده مش عيار مسدسي فانا حبيت اشارك حضاراتكم يمكن يفيدوا حد من الزملاء وطبعا ده لحاملي التراخيص فقط
كمان انا وصيته لو وجد طلقات مكاروف لاخوانا الافاضل ملاك المكاروف يبقي يبلغني
لو حد عايز رقم التاجر ابعته له الرقم علي الخاص
تسلم على الافاده يا استاذ محمد
بس ممكن اعرف اسعار ال9 الطويل كام فى طنطا
تحياتى
والله يا اخي الفاضل الاسعار مختلفه يعني انا انا سمعت 27 ج وسمعت 26ج وانا النهارده لسه شاري باكوا 9 مم طويل مصانع حربيه انتاج حديث بسعر 24 وفيه كمان طلقات ليبي معروضه بسعر 21 ج بس الكل بيحذر منها لان اللي سمعته ان البارود بتاعها بيسيب طبقه رواسب تقيله في الماسوره وبيسلخ في الماسوره
طبعا ده كلام التجار بس الله اعلم بالحقيقه وياريت حد من خبرائنا الافاضل يوضح لينا صحه او كذب المعلومه وهي بتتعرف بلون اسود علي كعب الطلقه حول منطقه الكبسوله
اخي الفاضل هشام بك السيد
اشكر حضرتك علي كلماتك الرقيقه ومرورك الكريم وادعوا الله ان اكون كما تظن وان يغفر لي ما لا تعلم وان يجعل جميع مشاراكاتنا في سبيله وابتغاء مرضاته
وده اقل شئ ممكن اني اقوم بيه لاخواني وزملائي الكرام وهو ده الغرض من المنتدي اننا نتواصل ونتعارف اولا وبعدين نفيد بعض قدر استطاعتنا وانا متاكد ان اي حد من زملائنا الكرام مش حايتردد في تقديم المساعده والنصيحه اذا توفرت ليه الفرصه