اسنفسار ..عن ميكانيكية عمل الطلقة و الخرطوش !!

[ابو علي خليل]

اسنفسار ..عن ميكانيكية عمل الطلقة و الخرطوش !!

السلام عليكم اهل المنتدي الكرام
كل عام و انتم بخير .. ربنا يعيد الايام الحلوة عليكم و علينا و علي البلد بكل خير ..
لدي استفسار للخبراء و اصحاب المعلومة عن كيفية عمل الطلقة و الخرطوش....

استفساري مكون من 3 اجزاء

اولا .. ما هي مكونات الطلقة الحية .. و هل تختلف المكونات من عيار لاخر ؟ و ما هي مكون الخرطوش ؟

ثانيا .. الطلقة او الخرطوشةو هي داخل المسدس او البندقية لحد ما تطلع من الماسورة .. ايه اللي بيحصل من ساعة شد الاجزاء ثم الضغط علي الزناد ؟؟ و ما دور الابرة في الاطلاق ؟؟ و هل فيه شئ او جهاز معين داخل الطلقة يساعد علي اشتعال البارود ؟ و ما دور الششخنات في التوجية السليم للطلقة ؟

ثالثا.. بعد انطلاق الطلقة او الخرطوش ...ما الذي يحدث عند استقرارها في الجسم ( الهدف ) ؟ هل تنفجر ام مجرد انها تستقر في الهدف ؟ و بالنسبة للخرطوش هل هو مجرد انتشار البلي في الهدف ؟

شكرا جزيلا و تحياتي للجميع

المصدر: منتدى صيادين مصر

[bodygard 34]

بص يا أستاذ ابو على انا حاشرحلك بالبلدى لعلى اقدر اوصلك الصوره صح :عند سحب الاجزاء يتم سحب اول طلقه فى الخزنه ووضعها فى بيت النار امام ابرة ضرب النار.. بالضغط على الزناد (خد بالك فى حالتين هنا اللى هما السينجل اكشن والدبل اكشن دول لهم شرح لوحده ) المهم الشاكوش بيطرق مؤخرة الابره من الخلف فتندفع للأمام طارقه مؤخرة الطلقه طرقه شديده ينتج عنها اشتعال وانفجار البارود الموجود داخل مظروف الطلقه ..الانفجار ده ينتج عنه كمية غاز كبيره تؤدى الى حدثين فى نفس الوقت ..الحدث الاول هو خروج المقذوف بسرعه شديده منفصل عن المظروف متجه الى الماسوره مرورا بالشخشنات جوه الماسوره اللى دورها انها تجعل المقذوف يدور حول نفسه بسرع عاليه مما يحافظ على استقامة مساره نحو الهدف (كده عرفت دور الشخشنات )..الحدث التانى اللى بيحصل فى نفس الوقت ان المظروف الفاضى بيرجع بقوه للخلف نتيجة ضغط الغاز فياخد الاجزاء معاه للخلف مره اخرى فتخرج الطلقه التانيه فى الترتيب من الخزنه طارده المظروف الفارغ السابق ضربه وتاخد مكانه فى بيت النار وهكذا ..حد فاهم حاجه من اللى انا بقوله ؟؟؟ اتعشم انى اكون عرفت اشرح ..لو فى غلط فى كلامى برجاء التصحيح من الساده الخبراء ..انا مابزعلش لو حد عدل على كلامى

[كابتن احمد]

كلامك واضح ومفهوم ياكبيرنا

[Trigger]

المشاركة الأصلية كتبت بواسطة ابو علي خليل

السلام عليكم اهل المنتدي الكرام
كل عام و انتم بخير .. ربنا يعيد الايام الحلوة عليكم و علينا و علي البلد بكل خير ..
لدي استفسار للخبراء و اصحاب المعلومة عن كيفية عمل الطلقة و الخرطوش....

استفساري مكون من 3 اجزاء

اولا .. ما هي مكونات الطلقة الحية .. و هل تختلف المكونات من عيار لاخر ؟ و ما هي مكون الخرطوش ؟


ثالثا.. بعد انطلاق الطلقة او الخرطوش ...ما الذي يحدث عند استقرارها في الجسم ( الهدف ) ؟ هل تنفجر ام مجرد انها تستقر في الهدف ؟ و بالنسبة للخرطوش هل هو مجرد انتشار البلي في الهدف ؟

شكرا جزيلا و تحياتي للجميع

تختلف مكونات الطلقات فى الكبسولة للطلقات الريم فاير rim fire زى عيار22 مثلا , و تختلف فى كمية البارود كلما زاد حجم المقذوف و وزنه
الخرطوش بيختلف عن الطلقة العادية و مش مجرد بلى بيفرش لان فى منه مقذوف واحد الى اسمه صلاج slug
الطلقة بتعمل زى الرشة فى البندقية الرش يعنى اول ما بتصدم الجسم بتتطبق و تفتح زى الوردة و تتضغط و تفرش زى الرشة و ده فى حالة استقرارها انما ممكن يكون فى فتحة دخول و خروج و المقذوف يكمل عادى جدا لكن مساره بيتغير حسب الجسم الى اصطدم بيه فى الاول
فى طلقات زى الهولو بوينت و دى بتتفرتك جوة الجسم انما الطلقات الى بتنفجر دى حسن نوع الطلقة لو خارقة او حارقة ..الخ