اقتباس:
المشاركة الأصلية كتبت بواسطة قناص الظلم
تمام يا باشا - ابو محمود على كيفك بردو ويبقى اخويا الكبير وخبير رش - معلومه قيمه يابو محمود لان دى من بنادق كتير ماتعملتش فيها وهايعرف يصلحها بنفسه لان تركيبها اكيد مش معقد اعتقد انها نسخه من الرمسيس نمره 2 القديم مع اختلاف النشان ولا تختلف يابو محمود -وسعرها 1250 جديده
|
يمحمد بيك انت استاذ
كلامك مظبوط هيا هيا نسخة من الرمسيس وسهلة جدا فى فكها وصيانتها وممكن تفصل لها جلبه فيبر ارتيلون وتبقا زيها زى الديانا 35
لان الرمسيس نمره واحد على تلات اصدارات اصدار قديم قوى من يجى 50 سنه وكان الدبشك على حتتين مش حته واحدة
وبعد كدة اصدار احدث الى هيا دبشك عادى زى الى عارفينو
وبعد كدة الاصدار الحديث (الحالى ) هو هو نفس الدبشك بس حطة فيه من الجنب ختم حديد مدور فى مخده الدبشك من جه اليمين
والى بيقول حاليا رمسيس الاصدار القديم هو يقصد الاصدار الوسط
والمعادى هى نمرة 2 لان مفيش معادى نمرة واحد واحسن حاجة فى المعادى النشيكان الخلفى مبينعمش زى الرمسيس لان فى الرمسيس نيشان خلفى منزلق مش بكرة زى المعادى
وكمان ماسورتها اتخن من ماسورة الرمسيس ومبتتعوجش بسهوله
بس اول مطلعت المعادى كان نشنها حديد مش فيبر و كان الدبشك مزخرف من ورا الزيناد من عند المقبض وكان خشبها غامق شويه ودى اصدارات محترمه جدا جدا ونادرة ولولا انى مسكتها بايدى مكنتش صدقت
وتحياتى ليك يا اجمل مشرف فى اجمل منتدى