[eng.amg]

تجربتي في تغيير سوسته الكرال

أولا:أنا مع عدم تعديل أو تغيير أي شيئ بالبندقية بدون داعي.

لكن ليا رأي شخصى في تجربتي مع الكرال (ماجنم خشب 5.5)

في كتير إشتروا الكرال وكسرت منهم سوسته.
أنا واحد من الناس مكسرتش معايا. بس لاحظت إن قوتها قلت مع الوقت (في زمن قليل جدا)

وطبعا ممكن أكون بقارنها بأنواع أخرى زي بي إس وأنواع أخرى ... فدا زود إحساسي بإنها ضعفت بس هيا ضعفت بشكل عام.

فقررت أغير السوسته بالشادو بس أجيبها من الخارج ومن شركة إنجليزية في لندن لضمان إنها متجيش صيني ومكتوب عليها أي حاجة تانيا.

فلما فكيت السوسته وقارنتها بسوسته الشادو لقيت فرق كبير في الطول والخامة طبعا

عدد الحلقات واحد 34 حلقة – الطول: 25 سم للكرال مقابل 30 سم للشادو
سمك السوسته أكبر للكرال وقطرها أكبر أيضا.

هيا كلفتني حوالي 350 ج لغاية ما وصلت بس لما ركبت كانت البندقية حاجة تانيا خالص.

1- قوة عالية جدا لدرجة إن اللوحة الخشب إلي كنت بضرب عليها إنفلقت لما ضربت بالسوسته الجديدة.

2- مدى إنحراف الرشة بعد 50 م إتغير تماما (كانت بتحرف 3 مم علي السكوب لأسفل) الوقتي بضرب علي الكروس من مسافة 50 م
مدى إنحراف الرشة بعد 100 م إتغيرأيضا (أصبحت بتحرف 3 مم علي السكوب لأسفل) طبقا للصور المرفقة

العيب بقى...

3- رد الفعل زاد بس لما تتفك وتتشحن كويس حتهدى تاني
4- صوت عالي جداااا في الضرب ولو ضربت بيها علي الفاضي (بدون رشة) فكأني بضرب بمسدس صوت

مرفق فى أخر الصور صورة البندقية .. وصورة الشيئ إلي عملته علشان أغير بيه السوسته

بسيط.. بس فعال

أرجو أن أكون أفدت من يتسائل عن الكرال من واقع التجربة

المصدر: منتدى صيادين مصر