[أشرف صبرى]

المشاركة الأصلية كتبت بواسطة compact

متستغربش ان الحلوان51 الميرى بيعلق معاك ... ده مع كل الناس

روسيا كانت بتعتمد على التوكاريف عيار 7.62*25 , بعد كده اعتمدوا على المكاروف 9مم 9*18 , وحاليا بيعتمدوا على ماركة اسمها جراش 9مم 9*19

المكاروف هو حلوان51 بتاع الشعب الروسى و بيعتمدوا عليه لحد النهاردة و طبعا انسى السخونية خالص فى اى سلاح روسى و كمان عليه طبقة نيكل و النيكل يعتبر عازل حرارى

خلى الشحم فى الشتاء بس او عند التخزين

كان دائما المكاروف الروسى بيتباع فى علبة جلد قيمة جدا و تستخدم كجراب ميدان فى نفس الوقت و كانت العلبة بنى او اسود بلون الدبشك و كانت قيمة جدا

ملوش لزمة تفك حوالين الابرة ... لما تفكه بعد الضرب نضفه بمزيل صدأ و نشفه بقماش و تسيبه ينشف فى الهواء شوية بعد كده تزيته على خفيف جدا خصوصا ان مصر بلد التراب و الزيت الكتير فى الطبنجة بيلم تراب , انقع سوستة الارتداد (ملفوفة حول الماسورة) فى مزيل صدأ عشان تتطرى شوية و تحافظ عليها

لازم تعود نفسك على الطبنجة كل فترة , متعودش نفسك على النشان , عود نفسك على سرعة الاستجابة من وضع الامان للطبنجة و انت شايلها فى جنبك خصوصا انك بتسافر كتير

معاك تحفة فنية ربنا يباركلك فيها و يكفيك شرها ... طبنجة تفخر باقتنائها شكلا و اداء

و ياريت تقولنا احساسك بالضرب فى الحلوان و المكاروف و الفرق ايه فى احساسك اثناء الضرب للافادة العامة ...

ربنا يكرم سيادتك على نصايحك......
بس مينفعش اقول فرق الاحساس ف الضرب يافندم لأنى كده هشوه الحلوان خالص.....
انا ضربت طلقتين بالحلوان و بعدها خزنه كامله بالمكروف...
بالمكروف محستش باى رد فعل......و الحلوان رد فعل واضح بس انا اتعودت عليها من كتر الضرب بها ف العشرين سنه اللى فاتت......
على فكره انا معايا الجراب الاصلى بتاعها ووريته لصديقى تريجر.......مكتوب عليه من جوا بالروسى و فيه مكان للخزنه الاضافيه و الحربى.......
انا هحط صوره ليه عشان سيادتك تشوفه.......
تريجر قاللى ان الجراب لو اتباع لوحده هيجبلى تمن كبير بس انا طبعاً مش هبيعه لوحده.....
انا هعمل حاجه سيادتك نصحتنى كتير انى معملهاش....سيادتك فهمتنى طبعاً... بس واللهِ بسبب احتياجى لفرق التمن بس.....
حضرتك عارف طبعاً انى مطلوب منى ف موضوع المقبره ده مبلغ كبير.....و للأسف هيا دى الوسيله الوحيده لجمع المال اللى قدامى........
عموماً انا هحط تمن كبير له أكبر من تمنه و لو اتباع هشترى جديد ب 15000 و هدفع اللى عليا ف المقبره كاش...ولو متبعش بتمن كبير يبقى هتنازل عن المقبره للأسف.....و يبقى المسدس من نصيبى و يبقى سلاح العمر و حتى لمَّا يجيلى تصريح الاستيراد هعمل اضافه و يبقى معايا المكروف و جلوك 19 اللى حضرتك قلتلى عليه....
بالظروف دى انا فمت ان تصريح الاستيراد مش قبل سنه او اتنين ع الاقل........
انا هعمل نصايح سيادتك ف الصيانه طبعاً.......
و نصايح التعود و الاستجابه اللى حضرتك قولتهالى ف الضرب..........
ربنا يكرم سيادتك..........