منتدى صيادين مصر

منتدى صيادين مصر (https://www.egyhunters.com/index.php)
-   مقترحات تطوير المنتدى (https://www.egyhunters.com/forumdisplay.php?f=45)
-   -   اقتراح بالقسيط (https://www.egyhunters.com/showthread.php?t=3673)

حسن مراد 07-04-2013 03:54 PM

اقتراح بالقسيط
 
نقترح ان يقوم المنتدى بمبادرة مساعدة الأعضاء فى شراء البنادق بالتقسيط خاصة مرتفعة السعر كالديانة واالبى اس والجامو لمساعدة الاعضاء على اقتناء هذه الانواع الثمينة .

محمد الجوكر 07-07-2013 12:32 AM

رد: اقتراح بالقسيط
 
جميل جدا الاقتراح ده ياحسن وبجد انا هاكون من اوائل الناس اللى هستفيد بيه بس ياترى هيلاقى قبول من اصحاب المحلات المحترمين ياريت ياجماعه المبادره بالاراء علشان نعطى الموضوع حقه واهميته

ابو علي خليل 07-14-2013 02:32 AM

رد: اقتراح بالقسيط
 
اوافق بشدة .. يا ريت الادارة توصل الموضوع لتجار المنتدي . ممكن يتنقل في قسم السوق و يتعمل عليه استفتاء .. و كمقترح للقسط ممكن تكون الفترة من 3 - 6 شهور و بعائد مناسب مناسب للتاجر و للعميل .. انا واثق ان حاجة زي كده ممكن تحرك مبيعات التاجر للضعف في فترة بسيطة

Compact 07-14-2013 09:01 AM

رد: اقتراح بالقسيط
 
صعب تنفيذها بمصر على نطاق المستهلكين و لكن يتم تنفيذها على نطاق اضيق به ضمانات كافية مصل تقسيط السلاح للقضاة من خلال ناديهم ... الخ

لا يملك اى تاجر اسلحة او ادوات صيد فى مصر اى كادر ائتمانى للقيام بمثل هذه الامور من تقسيط و غيره

و فى الخارج ايضا نادرا ما يتم تقسيط الاسلحة الا فى بعض الحالات النادرة مثل من ينتسبون لبعض الاندية التى لها علاقة بممارسة الرماية

و يمكن التقسيط ببعض التنظيم الجيد و على نطاق ضيق جدا حفاظا على اموال التجار و المستهلكين

و المنتدى لم و لن يكون طرفا فى اى عملية بيع و شراء بنظام الكاش او التقسيط ... عملية البيع و الشراء تقع تحت مسؤولية البائع و المشترى فقط

Trigger 07-16-2013 11:29 PM

رد: اقتراح بالقسيط
 
اقتباس:

المشاركة الأصلية كتبت بواسطة compact (المشاركة 24491)
صعب تنفيذها بمصر على نطاق المستهلكين و لكن يتم تنفيذها على نطاق اضيق به ضمانات كافية مصل تقسيط السلاح للقضاة من خلال ناديهم ... الخ

لا يملك اى تاجر اسلحة او ادوات صيد فى مصر اى كادر ائتمانى للقيام بمثل هذه الامور من تقسيط و غيره

و فى الخارج ايضا نادرا ما يتم تقسيط الاسلحة الا فى بعض الحالات النادرة مثل من ينتسبون لبعض الاندية التى لها علاقة بممارسة الرماية

و يمكن التقسيط ببعض التنظيم الجيد و على نطاق ضيق جدا حفاظا على اموال التجار و المستهلكين

و المنتدى لم و لن يكون طرفا فى اى عملية بيع و شراء بنظام الكاش او التقسيط ... عملية البيع و الشراء تقع تحت مسؤولية البائع و المشترى فقط

كلام من الآخر يا كبيرنا

محمد كمال المحامي 07-17-2013 04:19 AM

رد: اقتراح بالقسيط
 
تطبيق المقترح على ارض الواقع صعب جداً

و معظم التجارب المشابهه انتهت بالفشل





أشرف محمد 07-18-2013 02:13 PM

رد: اقتراح بالقسيط
 
بارك الله فيكم علي المقترح الجميل ده و اللي حيساعد فعلا في أن معظم الأفراد تقدر تمتلك بندقية مثل الديانا و الجامو الحاجات الهاي باور , و أخص بالشكر كل من قام بالردود الواقعية التي هي بالفعل ردود تخلو من المجاملات التي لا تجدي نفعا , و لكن لي اقتراح بسيط أتمني من المشاركين التفكير فيه جيدا و المشاركة الا و هو :
1 - نظام البيع بالتقسيط شأنه شأن اي سلعة تانية بتتباع بالتقسيط .
2 - بالنسبة للدفع اقترح انه يكون مقدم 50% من قيمة اجمالي ثمن البندقية و 50% المتبقية تكون مثلا موزعة علي ستة شهور يمكن أن تزيد الي ثمانية شهور لا أكثر.
3 - بالطبع المنتدي لا يكن طرفا في عملية البيع و الشراء و غير ملزم قانونيا باي التزامات في هذه العملية و لكن من الممكن أن يتم المعاونة فقط في ايجاد تاجر يمكن ان يسهم في نظام التقسيط.
4 - يمكن للتاجر اخذ كافاة الضمانات التي تضمن له باقي المبلغ المستحق و أن يكون هناك شرط جزائي متفق عليه بين التاجر و المشتري يتفق فيه علي قيمة الشرط الجزائي في حالة الاخلال بمواعيد سداد القسط (( العقد شريعة المتعاقدين ))
5 - وجود ما يثبت محل الاقامة الفعلي للمشتري و يتم عمل معاينة لمحل الاقامة مقابل سداد رسوم رمزية من المشتري للتاجر ليقوم مندوب التاجر علي اساسها بزيارة المشتري للتأكد من بيانات المشتري.
6 - اذا لم تتم مناقشة ما سبق من اقتراحات و لم تؤخذ بمأخذ الجدية يتم الغاء كل مقترحاتي السابقة و ربنا مع الغلابة اللي عايزين بنادق و غير قادرين علي سداد الثمن دفعة واحدة.
كل عام أنتم بكل خير و رمضان كريم

محمد الجوكر 07-18-2013 04:05 PM

رد: اقتراح بالقسيط
 
انا بضيف صوتى لراى ا/ اشرف بالنسبه لموضوع الضمانات الكافيه قيسوا على كده حاجات تانيه كتيره بتشتغل بنظام القسط مش زى الادمن اما قال ديه تجربه انتهت بالفشل (مع احترامى لحريه الرأى) يعنى مثلا الواحد لو راح اى معرض سيارات وعايز يشترى سياره بألاف الجنيهات بنظام القسط اظن انه هيلاقى قبول وترحيب بالنظام الشبه سائد على كافه المجالات التجاريه -خلاص ياجماعه متزعلوش هبقى اروح بى تك اقترح عليهم يشترولنا بنادق ويقسطهولنا :)

Trigger 07-19-2013 01:13 AM

رد: اقتراح بالقسيط
 
اقتباس:

المشاركة الأصلية كتبت بواسطة محمد الجوكر (المشاركة 24774)
انا بضيف صوتى لراى ا/ اشرف بالنسبه لموضوع الضمانات الكافيه قيسوا على كده حاجات تانيه كتيره بتشتغل بنظام القسط مش زى الادمن اما قال ديه تجربه انتهت بالفشل (مع احترامى لحريه الرأى) يعنى مثلا الواحد لو راح اى معرض سيارات وعايز يشترى سياره بألاف الجنيهات بنظام القسط اظن انه هيلاقى قبول وترحيب بالنظام الشبه سائد على كافه المجالات التجاريه -خلاص ياجماعه متزعلوش هبقى اروح بى تك اقترح عليهم يشترولنا بنادق ويقسطهولنا :)

معاك حق فعلا ان نظام التقسيط سائد فى كل السلع التجارية ما عدا ادوات الصيد و الاسلحة الشخصية
العربية بتتقسط مع بنك او شركة بتنزل استعلام و بتمضيك على حاجات كتير و بتجيبلها ورق من الشغل و ممكن يرفضوا و ممكن يوافقوا و لو تقسيط مع تاجر بتوصل الفائدة 100% و على فكره العربية لما بتتقسط التاجر بياخد فلوسه كلها من البنك (الفرق بين المقدم و سعر الكاش) اول ما بترخصها فى المرور و تدى للمعرضض صورة الرخصة عشان يبعتها للبنك و ياخد فلوسه
بالنسبة لكلام الادمن فده مش رأيه , دى حقيقة حصلت بالفعل مع كذا تاجر و زى ما الجنرال قال لا يوجد تاجر ادوات صيد فى مصر يملك ادارة ائتمان للقيام بمثل هذه الامور
و زى ما الجنرال قال لازم يكون فى جهة وسيطة لضمان العميل ( نقابة - نادى .. الخ)
و على فكره مفيش محلات سلاح بره مصر بتقسط الا عن طريق وسيط كاندية الرماية مثلا
و لو تم تنظيم و تقنين تقسيط الاسلحة و ادوات الصيد فى مصر التجار كلها حتكون مبسوطة لانها مش حاجة تضايق خالص

محمد كمال المحامي 07-19-2013 11:16 AM

رد: اقتراح بالقسيط
 
طبعاً لابد من وجود ضامن لعملية التقسيط

لأن التاجر لو 2 أو 3 افراد لم يلتزموا معه هيتخرب بيته

و في مصر سلملي على الضمانات الورقية التي لا قيمة لها

المشتري بالقسط لو ماضي خمسين ايصال امانة ولا هتفرق معاه لو هو مش انسان محترم

و مين يقدر يحكم على شخص انه محترم من مجرد مقابلة أو مقابلتين في هذا الزمان

ومين من التجار هيبيع بنادق او اي سلاح ويفضل يجري ورا الناس في الشوراع و يرفع قضايا علشان قسط بـ 100 ولا 200 جنية في الشهر

الحل الوحيد وجود جهه حكومية تضمن عملية السداد للتاجر




الساعة الآن 04:38 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

استضافة وتصميم : المصرية للأنظمة الرقمية والخدمات المتكاملة 

a.d - i.s.s.w