المسدس جلوك بالصور
 

رد: المسدس جلوك بالصور
 

شركة جلوك النمساوية هى شركة عريقة فى انتاج الاسلحة الباردة (البيضاء) من البوليمر , ثم بدأت فى انتاج مسدس جلوك17 عام 1980 للاستخدام العسكرى و هو مصنوع من البوليمر شديد الصلابة , فهو اقوى من الصلب و أخف وزنا بكثير عن الصلب

مميزات الجلوك بصفة عامة:
1- الاعتمادية الفائقة
2- خفة الوزن
3- السعر الممتاز
4- الجودة العالية
5- يوجد للجلوك اكسسوارات و تجهيزات عديدة
6- أمان بالزناد
7- سهولة الفك و التركيب و التنظيف
8- جميع المواسير 6 و 8 ششخان
9- مسكة الدبشك التى تسهل النشان و التحكم
10- يستخدمه ذو اليد اليمنى و اليسرى
11- ضد الكسر
12- ضد التراب و الماء



*جميع موديلات جلوك :-

موديلات عيار 9مم (9*19):
1- جلوك17
2- جلوك19
3- جلوك26
4-جلوك34

موديلات عيار 40 :
1- جلوك22
2- جلوك23
3- جلوك27
4- جلوك35

موديلات عيار 10 مم أوتو :
1- جلوك20
2- جلوك29

موديلات عيار 45 جاب :
1- جلوك37
2- جلوك38
3- جلوك39

موديلات عيار 45 أوتو :
1- جلوك21
2- جلوك30
3- جلوك36

موديلات عيار 380 أوتو :
1- جلوك25
2- جلوك28

موديلات عيار 357. :
1- جلوك31
2- جلوك32
3- جلوك33

موديلات سى (C) ذات فتحات التبريد على الاجزاء على شكل حرف V و ميزتها فى جعل المسدس نظيفا لخروج هبو الطلقات من الفتحات و تبريده أعلى من الموديلات العادية بسبب وجود هذه الفتحات فوق الماسورة :
جلوك 17 , 19 , 20 , 21 , 22 , 23 , 31 , 32

- موديل جلوك18 : و هو الموديل الوحيد المصنوع خصيصا لضرب الطلقات أوتوماتيكيا (رشاش) و هو الموديل الوحيد المزود بأمان جانبى علوى و غير مسموح بترخيصه للمدنيين على مستوى العالم
معلومة مهمة: يوجد قطعة غيار صغيرة تركب على اى موديل جلوك و تجعله يضرب أوتوماتيك ( رشاش )


تصنيف الموديلات حسب الحجم ( ستاندرد - كومباكت - صب كومباكت - كومبتيشن ) :
ستاندرد: 17 , 22 , 20 , 21 , 31
كومباكت: 19 , 23 , 38 , 25 , 32
صب كومباكت: 26 , 27 , 29 , 39 , 30 , 28 , 33 صب كومباكت (شاسيه رفيع): جلوك36
كومبتيشن: 34 , 35

أجيال الانتاج : gen1 , gen2 , gen3 , gen4
و يتميز الجيل الرابع بأنه أنعم (ارتداده اضعف) من الاجيال السابقة لاستخدام سوستة ارتداد مزدوجة

سعة الخزنة لمعظم الموديلات (بالطلقة) : 10 - 15 - 17 - 19 - 33 - 50 طلقة

رد: المسدس جلوك بالصور
 

رد: المسدس جلوك بالصور
 

رد: المسدس جلوك بالصور
 

حقارن بين الجلوك19 و الهكلر يو-اس-بى و البريتا بى اكس4 بما تم تجربته من وجهة نظرى المتواضعة

1- المدي الفعال ... كلهم زى بعض تقريبا

2- الوزن و الحجم ... الجلوك19 وزنه لا يتعدى نصف كيلو و هو غير مذخر ثم الهكلر ثم البى اكس4 (الاخف فالاثقل) , ده مش ميزان ده احساس ايدى من ال3

3- الأعطال و الكفائة وسهولة الصيانة - العمل في درجات حرارة مرتفعة مع قلة الصيانة - و قطع الغيار ... لا اعرف لهم اعطال معروفة و محددة , ال 3 طبنجات اعتمادية من الدرجة الاولى , الجلوك يكسب فى سهولة الفك و التركيب و التنظيف , البى اكس4 ليه بنزين لازم يتفكوا مع بعض و طريقته غريبة شوية فى الفك و التركيب , ال 3 طبنجات ملهمش قطع غيار فى مصر طبعا :)

4- سعر الشراء و سعر اعادة البيع ... الجلوك ارخصهم و الهكلر اغلاهم و بينهما البريتا بى اكس4 , ثقافة الشعب المصرى للسلاح ستنحاز للبريتا فى اعادة البيع , تمن الهكلر = 2 جلوك

5- الارتداد والدقة والامان ... الجلوك الجيل الرابع اقل ارتداد بكثير من البريتا و الهكلر بينهم , الجلوك عايز محترف بسبب امان الزناد مع الدبل اكشن , الهكلر و البريتا امان شاكوش منفصل

6- سعة الخزنة ... الجلوك19 خزنته الاساسية 10 طلقات صف واحد و احتياطية 15 طلقة صفين و الهكلر 15 و البى اكس4 كانت 17 طلقة على ما افتكر


* هكلر يو اس بى كومباكت خزنته 13 طلقة ده لو حنقارن صح مع جلوك19 لانه بحجم الكومباكت برضه

*هكلر يو اس بى عيار45 غير الهكلر عيار 9مم , و بحس ان عيار45 ماسورته اطول من ال 9مم ( انا مسكت السلاح ده كتير بس مضربتش بيه كتير)

*جلوك19 اسرع استجابة لانه امان زناد و ليه خزن 10,15,17,19,31,33,50 طلقة :)

* ال 3 طبنجات ذو غرف نارية مغلقة و لا يفضل استخدام الطلقات القديمة معاهم

* الجلوك الاول عالميا فى الاستخدامات الشرطية و القانونية و المدنية
*الهكلر من الرواد فى استخدامات القوات الخاصة و الاقتحامات
* البريتا بى اكس4 حقق مبيعات عالية جدا فى امريكا و اوروبا

لم اتكلم عن الجلوك17 لان ال19 افضل بكثير خصوصا مع الطلقات المصرى القديمة

رد: المسدس جلوك بالصور
 

الله ينور يا جنرالنا يا خبير..

رد: المسدس جلوك بالصور
 

الله ينور يا جنرال على المعلومات القيمة و فعلا لايو اس بى 45 اطول ب تقريبا 8 مم من العيار 9 مم

انا عايز بس اضيف معلومة بالنسبى لل بى اكس 4 انه بيستخدم (rotating barrel) و ده بيقلل شويه من رد فعل الطبنجة بس ايضا بيزود عدد الاجزاء المتحركة و ده بيخلى الطبنجة ممكن تعطل فى حالة عدم الاهتمام بيها و تزيتها جيدا
على فكرة النظام ده قديم و موجود فى البريتا الكوجار و المسدس الصينى الكيو اس زى

رد: المسدس جلوك بالصور
 

الواحد معندوش حاجة يقولها بعد الجنرال و دوبى باشا.

رد: المسدس جلوك بالصور
 

كلك زوق والله يا فندم والله الواحد بيستفاد من الاعضاء المحترمين و الخبراء الكتيير اللى فى المنتدى هنا و مقصر جدا معا المنتدى بس معلش ظروف الشغل و السفر

رد: المسدس جلوك بالصور
 

الله ينور معلومات قيمه
شكرا معالى الجنرال وشكرا أستاذ/ دوبى