جلوك glock
 

شركة جلوك النمساوية هى شركة عريقة فى انتاج الاسلحة الباردة (البيضاء) من البوليمر , ثم بدأت فى انتاج مسدس جلوك17 عام 1980 للاستخدام العسكرى و هو مصنوع من البوليمر شديد الصلابة , فهو اقوى من الصلب و أخف وزنا بكثير عن الصلب

مميزات الجلوك بصفة عامة:
1- الاعتمادية الفائقة
2- خفة الوزن
3- السعر الممتاز
4- الجودة العالية
5- يوجد للجلوك اكسسوارات و تجهيزات عديدة
6- أمان بالزناد
7- سهولة الفك و التركيب و التنظيف
8- جميع المواسير 6 و 8 ششخان
9- مسكة الدبشك التى تسهل النشان و التحكم
10- يستخدمه ذو اليد اليمنى و اليسرى
11- ضد الكسر
12- ضد التراب و الماء



*جميع موديلات جلوك :-

موديلات عيار 9مم (9*19):
1- جلوك17
2- جلوك19
3- جلوك26
4-جلوك34

موديلات عيار 40 :
1- جلوك22
2- جلوك23
3- جلوك27
4- جلوك35

موديلات عيار 10 مم أوتو :
1- جلوك20
2- جلوك29

موديلات عيار 45 جاب :
1- جلوك37
2- جلوك38
3- جلوك39

موديلات عيار 45 أوتو :
1- جلوك21
2- جلوك30
3- جلوك36

موديلات عيار 380 أوتو :
1- جلوك25
2- جلوك28

موديلات عيار 357. :
1- جلوك31
2- جلوك32
3- جلوك33

موديلات سى (C) ذات فتحات التبريد على الاجزاء على شكل حرف V و ميزتها فى جعل المسدس نظيفا لخروج هبو الطلقات من الفتحات و تبريده أعلى من الموديلات العادية بسبب وجود هذه الفتحات فوق الماسورة :
جلوك 17 , 19 , 20 , 21 , 22 , 23 , 31 , 32

- موديل جلوك18 : و هو الموديل الوحيد المصنوع خصيصا لضرب الطلقات أوتوماتيكيا (رشاش) و هو الموديل الوحيد المزود بأمان جانبى علوى و غير مسموح بترخيصه للمدنيين على مستوى العالم
معلومة مهمة: يوجد قطعة غيار صغيرة تركب على اى موديل جلوك و تجعله يضرب أوتوماتيك ( رشاش )


تصنيف الموديلات حسب الحجم ( ستاندرد - كومباكت - صب كومباكت - كومبتيشن ) :
ستاندرد: 17 , 22 , 20 , 21 , 31
كومباكت: 19 , 23 , 38 , 25 , 32
صب كومباكت: 26 , 27 , 29 , 39 , 30 , 28 , 33 صب كومباكت (شاسيه رفيع): جلوك36
كومبتيشن: 34 , 35

أجيال الانتاج : gen1 , gen2 , gen3 , gen4
و يتميز الجيل الرابع بأنه أنعم (ارتداده اضعف) من الاجيال السابقة لاستخدام سوستة ارتداد مزدوجة

سعة الخزنة لمعظم الموديلات (بالطلقة) : 10 - 15 - 17 - 19 - 33 - 50 طلقة

رد: جلوك glock
 

مجهود عظيم جدا يفندم وتسلم ايدك على المعلومات القيمه

رد: جلوك glock
 

موضوع سوبر من شخص سوبر

رد: جلوك glock
 

طبعا موضوع اكتر من رائع و شامل عن الجلوك

بعد اذن الجنرال انا احب برده اضيف حاجة عن موديلات (سى ) من الجلوك هيه الفتحات ديه مش علشان موضوع التبريد بس ديه بتخلى التحكم فى المسدس يكون افضل بكتيير فى حالة الضرب المتتالى لان هيه بتضيع شويه من ضغط الطلقة وغير كده الضغط العلوى المتولد ده بيحافظ على المسدس دائما فى وضع افقى (الفعل و رد الفعل)

رد: جلوك glock
 

احب اشكر الجنرال اولا علي هذة المعلومات الهامة واشكر العضو dobi2003 علي هذة الاضافة الاخري من المعلومات

رد: جلوك glock
 

و لكنها غير عملية للاستخدام المدنى , لان النظر من خلال النشان و سن نملة الدبانة حيتخلله خروج نار و ده يخلى اللى المستخدم القليل الخبرة يغير نشانه كل مرة بيضرب فيها لعدم التعود على وجود نار قريبة من العين

رد: جلوك glock
 

معلش يا أ\ دوبى نسيت اقولك على الاداء بعد تغيير سوستة الارتداد و سوستة ضرب النار فى الجلوك19 عندى

الطبنجة انعم بكتير خصوصا بعد ما ركبت قطعة الاوتوماتيك و ضربت

تقريبا الارتداد قل بحوالى 50% و ده حلو قوى قوى قوى

شكرا جزيلا لك على ابداء فكرة تغيير السوستة فى السابق

و كده حضطر اجيب الخزنة ال50 عشان ليها متعة تانية فى الضرب الاوتوماتيكى

و عايز أقولك انه بقى احسن من الجلوك18 لانه بحجم الكومباكت اللى بحبه



و يموت المعلم ولا يتعلم

و نورت المنتدى

رد: جلوك glock
 

و عقبال الحلوان لما يبقى بالتنوع ده و الاداء ده

قادر يا كريم :)

رد: جلوك glock
 

دى عايزة ثورة مخصوص لوحدها عشان نشوف 20 موديل بوليمر للحلوان :)

رد: جلوك glock
 

مبروك عليك يا فندم وكويس ان حضرتك طمنتى و بعدين حضرتك حتفضل استاذنا كلنا و انا بتعلم دايما من مواضيع حضرتك الممتازة

كده بقى مفضلش للجلوك غير crimson trace laser grip and doctor red dot sights

و يبقى مع حضرتك بندقية الى هى الاصغر فى العالم
وعلى فكرة انا مش بهزر الحاجات ديه تكلفتها حوالى 600-700 دولار بس الطبنجة هتبقى قناصة

مبارك عليك مرة اخرى