رد: الحكم القانوني للدفاع عن النفس لحاملي الاسلحه المرخصه
شكرا لحضرتك علي تعرف الناس بمعني حق الدفاع عن النفس ونرجو من الادراة التثبيت حتي تعم الفائدة علي الاخوة الاعضاء كلهم
|
رد: الحكم القانوني للدفاع عن النفس لحاملي الاسلحه المرخصه
اقتباس:
|
رد: الحكم القانوني للدفاع عن النفس لحاملي الاسلحه المرخصه
محمد بك الشافعي
موضوع ممتاز ولابد أن كل واحد يعرف حقوقه كاملة و منها حق الدفاع الشرعى لكن عندي سؤال و هو بناءا على فهمى ان حق الدفاع الشرعى ممكن فى حالة الخطر على النفس او الغير فهل ده معناه أنى لو شفت حالة سطو مسلح على شخص اخر من حقى أتدخل و اضرب المعتدى بالسلاح ؟ السؤال الثانى هل فيه فرق بين مبرر الترخيص و استخدامه يعنى لو استخدمت بندقية خرطوش مرخصة رماية او صيد فى الدفاع يعتبر ده قانونى؟ |
رد: الحكم القانوني للدفاع عن النفس لحاملي الاسلحه المرخصه
اقتباس:
اشكر سيادتك علي مرورك الكريم الجزء الاول من سؤال حضرتك انا اعرف اجابته وهو انه من حق حضرتك استخدام حقك في الدفاع الشرعي في حاله الدفاع عن الغير حال تعرضهم للسرقه او الاعتداء اما بالنسبه للجزء الثاني فانا ماعنديش معلومه مؤكده عنه لكن هاسال وارد علي حضرتك |
رد: الحكم القانوني للدفاع عن النفس لحاملي الاسلحه المرخصه
طبقا للعقل يجوز بدليل ان المعتدى لو معاه طبنجه تخصه وانت خدنها منه وقتلته محدش بيقولك انت قتلته ليه
|
رد: الحكم القانوني للدفاع عن النفس لحاملي الاسلحه المرخصه
اقتباس:
انا سالت عن الجزء الثاني من سؤال حضرتك ومع ان الرد مش عاجبني ومستفز جدا لكنه صادر عن شخصيه قانونيه اجلها واحترمها وكما اخبرني سيادته انه لا يجوز استخدام السلاح في غير الغرض المرخص من اجله وسالته بوضوح يعني انا لو خارج اصطاد او راجع من تدريب الرمايه بالبندقيه وطلع عليا بلطجي المفروض اني اقوله استني لما اجيب سلاح مرخص للدفاع مش للصيد !!!! وكان الرد ان القانون يتيح ترخيص سلاح بغرض الدفاع وسلاح بغرض الصيد ولو كان من الممكن استخدام نفس السلاح في جميع الاغراض لما نص القانون علي الغرض من الترخيص وفي جميع الاحوال فان الموضوع سلطه تقديريه لاعضاء النيابه والقضاء في مثل هذه الاحوال والعقوبه لن تتساوي مع عقوبه استخدام سلاح بدون ترخيص وهي سلطه تقديريه كما ذكرت اعتقد فيه حاجات كتير عايزه تتعدل في البلد دي |
رد: الحكم القانوني للدفاع عن النفس لحاملي الاسلحه المرخصه
السيد الفاضل والاستاذ المحترم الاستاذ محمد
الاخ قبل الزميل انا بعتذر لحضرتك جدا جدا عن سوء أدبي وتلفظي بلفظ صدر عني بفعل التهور الاعمى والتلفظ بلفظ قد يغضب علي من أحبهم وأحترمهم وأحمل لهم في نفسي كل تقدير وأحترام واجلال ألا وهو شخص سيادتكم الكريم وأرجو منك أن تسامحني على رد فعلي الاحمق والارعن في التلفظ بهذا اللفظ الذي لا اعلم كيف خرج مني سهواً رغم اني رجل قانون ( المفروض ) لاني خريج حقوق جامعة القاهره سنة 2000 ومعي ماجستير قانون تجارة واستثمارات دوليه للأسف :o لكن لا اعلم كيف خرج مني هذا اللفظ واعتذر من حضرتك جدا جدا إن كان قد ضايقك او جرح مشاعرك واتمنى أن تسامح أخوك _ مش عاوز أقول الصغير عشان مكبركش لاني 36 سنه _ وتنسى لي هذا الفعل والعفو من شيم الكرام وتقبل مني كل الحب والتقدير اخوك هشام |
رد: الحكم القانوني للدفاع عن النفس لحاملي الاسلحه المرخصه
اقتباس:
مافيش اعتزار بين الاخوه ومع ان اعتزار حضرتك ينم عن كرم اخلاقك وسمو طباعك فالرجوع للحق فضيله والاعتزار عند الضروره من سمات العظماء فانا لا اري ضروره للاعتزار وتحفظي كان فقط امر ضروري لعدم ايزاء مشاعر الاخرين ليس الا وانا متابع لجميع تعليقات سيادتك وباحترم اراءك وتعليقاتك تقبل تحياتي واحترامي |
رد: الحكم القانوني للدفاع عن النفس لحاملي الاسلحه المرخصه
اقتباس:
أنا برضه سالت و سمعت رأى مختلف شوية و هو انه ممكن تستخدم سلاح مرخص للرماية فى الدفاع عن نفسك و ده مش هيضر بموقفك فى قضية الدفاع الشرعى فى حالة التعرض للخطر الشديد (لأنك مثلا ممكن تستخدم أى حاجة متاحة زى سكينة مطبخ مثلا) و لكنه ممكن يؤدى لسحب الترخيص بسبب استخدام السلاح فى غير ترخيصه و ده برضه متروك لتقدير النيابة و القضاء و ربنا يستر علينا و ما نحتاجش السلاح أبدا الا فى الرماية و الصيد |
رد: الحكم القانوني للدفاع عن النفس لحاملي الاسلحه المرخصه
عن تجربة ...
لا يجوز استخدام السلاح سوى فى الغرض المخصص له (رماية - صيد - دفاع - حراسة) يوجد سلطة تقديرية للنيابة و القضاء تحكمها ظروف ملابسات الحادثة و الظروف الامنية للمنطقة التى وقعت بها الحادثة ... |
الساعة الآن 07:26 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
استضافة وتصميم : المصرية للأنظمة الرقمية والخدمات المتكاملة