منتدى صيادين مصر

منتدى صيادين مصر (https://www.egyhunters.com/index.php)
-   مقترحات تطوير المنتدى (https://www.egyhunters.com/forumdisplay.php?f=45)
-   -   رسالة الى المشرف (https://www.egyhunters.com/showthread.php?t=2581)

محمد عامر 02-17-2013 06:38 PM

رسالة الى المشرف
 
انا احمد تيتو
صاحب الموضوع اللى انت حزفتة
المسدس الكيمار ال8 مللى
حبيت اقولك كلمة ولحدة بس
حسبى اللة ونعم الوكيل فيك من كل قلبى
لا يشرفنى انى اكون عضو فى منتدى المشرف بتاعة بيحزف المواضيع فقط عشان الناس تشترى منه هو وبس

محمد كمال المحامي 02-17-2013 06:53 PM

رد: رسالة الى المشرف
 
على فكرة يا تيتو انا اللي حذفت الموضوع

تريجر مش موجود في المنتدى حالياً

شوفت سوء ظنك راح بيك لفين

احنا كمان لا يشرفنا وجود شخص مثلك بينا

لأننا ننتقى اعضاء المنتدى

والشرط الأساسي انهم يكونوا محترمين

وبيراعوا ربنا وميضحكوش على حد

ولما يعرضوا سلعة للبيع يبيعوها بسعر مناسب

لو شايف نفسك فيك هذه الشروط اهلا بيك بينا

و أول شرط لينا لإستمرارك معانا هو احترام الإدارة وكل الأعضاء بدون استثناء

اهلا بيك



محمد عامر 02-17-2013 07:08 PM

رد: رسالة الى المشرف
 
اولا اشكرك على ردك على
ثانيا انا رديت على تايجر لانة هو اللى هددنى فى الموضوع بتاعى وقاللى انه هيحذفة ولو كنت قرأت ردى علية كنت انت بنفسك هتحكم انا قلتلة ان اكتر شخص يقدر قيمة الشيئ هو صاحبة وابسط رد كان يرد بية هو ان السعر عالى بس موفق فى البيع مش يهددنى بحذف المشاركة وبعدين تيجى حضرتك تقولى احنا كمان لا يشرفنا وجود شخص مثلك بينا عموما انا كمان مايشرفنيش انى اكون عضو فى هذا المنتدى
شكرا
وحسبى الله ونعم الوكيل
لو بتقدر معنى الكلمه

محمد كمال المحامي 02-17-2013 09:17 PM

رد: رسالة الى المشرف
 
و هو انت لما تقول ميشرفنيش اكون عضو في المنتدى

تفتكر ردنا عليك هيكون ايه



أشرف صبرى 02-17-2013 11:13 PM

رد: رسالة الى المشرف
 
استاذ محمد
مينفعش تقول ميشرفنيش عضويتى ف المنتدى
لأن الرد هيكون بنفس الاسلوب
ثانياً لو كنت اتعرفت على طقم الاداره كنت هتعرف أدّ ايه المنتدى ده منتدى محترم بمعنى الكلمه
و على فكره انتا بتقول على تريجر انه عايز حاجاته بس هيا اللى تتباع
وانا ارد عليك...اقسم بالله انى انا اللى عامل الموضوع بتاع زيارتنا لمحله...واقسم بالله هوا مش متحمس لفكرة التسويق على المنتديات...
استاذ محمد...متغتبش الناس بدون تأكد...لان ده ظلم كبير يوم القيامه....
اعرف الادمن كويس و اعرف تريجر كويس....لو عرفتهم عن قرب هتقول كلام تانى....
جرب نصيحتى و لو كسبتهم كأصدقاء إدعيلى....

Amr Moussa 02-18-2013 12:57 AM

رد: رسالة الى المشرف
 
على فكره انتا متجاوز حدود الادب واللياقه وانا حظى خلانى اقرا الموضوع قبل ما يتحذف واحمد ربنا ان الادمن المحترم حذفه استاذ تريجر اللى انتا بتغتابه وترميه بالباطل بيخدم الناس كلها بدون مقابل وبعدين المحل بتاع تريجر لو انتا بتعرف تقرا افتتاحه يوم الجمعه لسه وتريجر الناس كلها بتحبه وراجع موضوع زياره محل تريجر هتعرف انتا فين وهوا فين وربنا معاك على اللى انتا هتشوفه فى ايامك لو ده فضل اسلوبك فى التعامل والحكم السريع على الناس الراجل مغلطش فيك هوا قلك انتا مبالغ فى السعر هيا بضاعتك وانتا حر وهوا ليه راى بيحترمه على الاقل 2000 عضو فى المنتدى وهوا برضه حر

Trigger 02-18-2013 02:41 AM

رد: رسالة الى المشرف
 
اقتباس:

المشاركة الأصلية كتبت بواسطة محمد عامر (المشاركة 14233)
اولا اشكرك على ردك على
ثانيا انا رديت على تايجر لانة هو اللى هددنى فى الموضوع بتاعى وقاللى انه هيحذفة ولو كنت قرأت ردى علية كنت انت بنفسك هتحكم انا قلتلة ان اكتر شخص يقدر قيمة الشيئ هو صاحبة وابسط رد كان يرد بية هو ان السعر عالى بس موفق فى البيع مش يهددنى بحذف المشاركة وبعدين تيجى حضرتك تقولى احنا كمان لا يشرفنا وجود شخص مثلك بينا عموما انا كمان مايشرفنيش انى اكون عضو فى هذا المنتدى
شكرا
وحسبى الله ونعم الوكيل
لو بتقدر معنى الكلمه

اهددك ايه و بتاع ايه يا ابنى و لما انته اسمك احمد تيتو مسجل نفسك باسم محمد عامر ليه !!!!!!
انا لا اهدد احدا و ليس لى اى احتياج لذلك لانى بحترم نفسى و بحترم غيرى
سعر المسدس الى انت عارضه اغلى من تمنه و هو زيرو و هو ده الى انا قلته بحكم ضميرى مش بحكم اشرافى على قسم سوق المنتدى الى فيه واحد زيك
و بطريقة كلامك دى يبقى تسمع و تسكت و تتعلم تحترم غيرك
على فكره يا حماده انا كان عندى محل من قبل ما انته توعى على مسدسات المياه
و لا اعتقد ان المنتدى يتشرف بوجود واحد فاكر نفسه حيشتغلنا
و معلومة ليك انا معنديش ولا حيبقى عندى المسدس التعبان ده لانه مسدس تعبان و بيبوظ من اى وقعة ليه على الارض و انا مش من النوع الى بيبيع و يدى ضهره و بدى ضمان مدى الحياه على بضاعتى ايا كانت حتى لو تقيلة سنارة
و ازاى بتقول انى عايز الناس تشترى منى انا بس و انا اصلا مش حاطط اعلان فى المنتدى عن بيع اى حاجة فى المحل !!!!
مش حقولك حسبى الله و نعم الوكيل فيك لان واضح انك لسه بتتعلم يا حماده و لسه بدرى عليك اوى
ربنا معاك يا حماده و يارب تكون اتعلمت حاجة

Trigger 02-18-2013 02:51 AM

رد: رسالة الى المشرف
 
شكرا لرد الغيبة من الادمن و الاعضاء المحترمين

قناص الظلم 02-19-2013 06:18 AM

رد: رسالة الى المشرف
 
تم حزف العضو لامكان بيننا لمن يتحدث بهذا الاسلوب

زلطة مان 02-19-2013 05:41 PM

رد: رسالة الى المشرف
 
وبعدين؟؟؟؟؟؟
يارب نقدر نكون مجتمع محترم لاننا لسة 2000 مش 2مليون
ومن اساسيات الاحترام احترام الغائب والغير والكبير
يعنى ماينفعش اسالك عن معلومة وهى تعتبر صدقة يعنى النهادره اطلب صدقة وبكرة اشتم
حتى لو اختلفنا ولو كان فيه شكوى من عضو او اى فرد بغض النظر عن كونه الاكبر او الاكثر علما يفضل فض الاختلافات بهدوء وعالخاص لان الاخ قال مايشرفنيش المطلوب اية نجرى وراه
يارب نكبر ونحترم الكلام قبل مانقوله لان الناس الكبار الغلابة اللى ربونا قالوا ان الكلمة زى الطلقة حبيسة سلاحك او لسانك وان خرجت قد تكون قاتلة للغير ولنفسك
وفى النهاية احب اسمع سلام
ماعدتش نايم معاك --- رد علية قالة ريحتنا من ----فقاك
سلام


الساعة الآن 10:01 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

استضافة وتصميم : المصرية للأنظمة الرقمية والخدمات المتكاملة 

a.d - i.s.s.w