المساعد الشخصي الرقمي

مشاهدة النسخة كاملة : سؤال


مبروك عبدالله
02-15-2013, 03:37 AM
سؤال

هل التشميط حرام ام حلال

أنا أول سنه أستعمل التشميط ولكن بعض الناس قالوا لي أنه حرام

وعايزين منكم موضوع عن أماكن محلات الصيد بالقاهره والجيزه

وشكرا

kefafy
02-15-2013, 10:34 AM
تارجت target لادوات الصيد البرى و البحرى و مسدسات الصوت
العنوان : 38 شارع محمد المقريفى - خلف كنتاكى النادى الاهلى - مدينة نصر - القاهرة
تليفون : 22740340 - 01122887722


هو ايه التشميط ده اساسا ؟
ولحضرتك الف شكر

محمد كمال المحامي
02-15-2013, 11:00 AM
صباح الفل يا كفافي باشا

انا كنت عايز اسئل نفس السؤال لكن انتظرت رد الخبراء

و نفسي بعد رد خبيرنا البحري الكبير اعرف يعني ايه تمشيط

kefafy
02-15-2013, 11:33 AM
يمكن يكون قصدة على الشليط
وبيصطاد بطريقة التشليط
تقالة وشليط وعجينة فوقيهم ولما يحس باكل يروح شالطهم
جايز
احنا بنسطاد السيجان واحيانا البورى كدة
والله اعلم يا يمحمد بيك وصباحك زى الفل يفندم

Trigger
02-15-2013, 12:20 PM
السؤال ده خارج المنهج يا ابو محمود :d
فينك يا حج محمد

أحمد شلتوت
02-15-2013, 12:40 PM
الشعب يريد معنى كلمة (تشميط)
هي أكيد حاجة نعرفها بس لها اسم تاني
.
.
.
.
.
.

محمد كمال المحامي
02-15-2013, 01:53 PM
منتظرين استاذ مبروك لتوضيح معنى كلمة تمشيط


لكن من السؤال حرام ولا حلال انا اعتقد انها صيد السمك بالكهرباء


و انتظر تصحيح المعلومة

مبروك عبدالله
02-16-2013, 03:07 AM
السلام عليكم جميعا
أنا كما ذكرت أول سنه أستعمل التشميط
وهو عباره عن سبحه معلق بها 8أو9أو10أو كما تريد من السنون ونلقي بها من فوق كباري عمليات المياه بالنيل أو من علي الشاطئ وأول ما يستقر علي القاع نقوم ضاربين أو شادين
وعندنا الصيد بالطريقه دي منتشر جدا وخاصة بالشتاء

مبروك عبدالله
02-16-2013, 03:11 AM
وعلي فكره السبحه لا نضع بها أي نوع من الطعم
ومن قوة الشده بتصطاد السمك اللي بيقابل السبحه وهي طالعه

محمد كمال المحامي
02-16-2013, 08:29 AM
الطريقة دي للصيد حلال ميه في الميه

وبنسميها عندنا اللطش

و كل منطقة ولها تسمية حسب العرف والتعود

وصباحك زي الفل يا استاذ مبروك

محمد كمال المحامي
02-16-2013, 08:34 AM
الطريقة دي للصيد حلال ميه في الميه

وبنسميها عندنا اللطش

و كل منطقة ولها تسمية حسب العرف والتعود

وصباحك زي الفل يا استاذ مبروك

bodygard 34
02-16-2013, 04:21 PM
التشميط او اللطش او التشليط كلها مرادف لعملية خطف السمكه من الميه غفله منها بهلب اربعه ريشه او بسنون مجوز او فرديه زى السبحه..كله واحد ..ودى بتبقى فعاله فى المناطق اللى فيها تجمعات سمكيه يعنى اسراب زى البورى مثلا.. اما بقى حلال ولا حرام فانا عاوز اعرف مين الفتيت اللى قال انها حرام ..ربنا سبحانه وتعالى قال: بسم الله الرحمن الرحيم ( واحل لكم صيد البحر) ولم يستثنى منه شئ.. وده بالمره عشان اللى بيقولوا اكل القرش حرام ولم يفرض سبحانه وتعالى طرق صيد محدده ..بايدك ماشى ..بشبكه ماشى..بسناره وطعم ماشى.. تشميط او لطش ماشى.. ان شالله تاخد السمكه على جنب وتضحك عليها بكلمتين على انك حاتخدها تفرجها على البوم صورك او اخر سيديهات لمحمد حماقى او مامتك نفسها تتعرف عليها.. وبعدين تدخلها المطبخ وتعملها صياديه او تقليها او تشويها..كل ده حلال 100% باذن الله

bodygard 34
02-16-2013, 04:31 PM
منتظرين استاذ مبروك لتوضيح معنى كلمة تمشيط


لكن من السؤال حرام ولا حلال انا اعتقد انها صيد السمك بالكهرباء


و انتظر تصحيح المعلومة





ايه اللى حرم الصيد بالكهرباء؟؟ او بقنبلة الصوت..باتكلم جد مش باهزر ..اعرف ناس كانوا بيصطادوا بقنبلة صوت فى الميه ودى بتعمل خلل فى جهاز السمكه العصبى فمابتعرفش تعوم وتطفو على سطح الميه ويلموا السمك بايديهم.. ده غير قانونى فقط لأنه صيد جائر وبيقتل السمك الصغير (الزريعه) اما السمك الكبير اللى بينتج عن عمليات الصيد دى فلا شك عندى انها حلال

محمد كمال المحامي
02-16-2013, 06:15 PM
ما هي الحرمانية في اعتقادي من ابادة السمك بدون تمييز

لأن الصيد حلال لأننا بنستفيد منه أما كون العملية هي قتل عشوائي

فأعتقد ان هذا حرام

فلا يجوز قتل ما لا سنستفيد منه الا اذا كان ضار