طلعة الجمعة 7-12

[eng.amg]

قابلني مهندس مصطفى الأسواني النهاردا وكان ليا الشرف بمقابلته والتعارف علية هو وصديقه المهندس أحمد.
وقابلنا د.إبراهيم وبدأنا الطلعة.

م.مصطفى و م.أحمد معاهم الكرال
د.إبراهيم معاه الشادو 1000
والعبد لله معاه البام 22

اليوم كان جميل جدا والحصيلة معقولة الحمد لله 6 حمام - و 6 يمام - وصقر مضروب غلط - و4 غربان - وكلب بالبام 22

الطلعة جت متأخرة شوية في أكتوبر. عقبال متقابلنا وجهزنا كانت حوالي 7 ص

بس للأسف إلي دايقني إلي بعد مكتشفت مكان مهجور هايل فيه حمام كتير. قابلنا مجموعة عدت بالصدقة وحذرونا تحذير شديد ممن العرب ونصحونا منكونش في المكان دا.
المهم طنشنا الكلام دا وكملنا صيد. لا وكنا بندخل أماكن مهجورة ونقفز من أسوار وراء الحمام.
وإذا بعربية بيجو 504 ستيشن راكب فيها مجموعة عرب وقفت جنبنا وقالو بلهجة بدوية صارمة إننا لو دخلنا أي مصنع أو قربنا من أسواره حيكون ليهم كلام تاني معانا,

بصراحة احنا قلقنا ومشينا وكنا متدايقين جدا. بس الحمد لله
http://imageshack.us/a/img713/1080/dsc0001hc.jpg
http://imageshack.us/a/img543/3479/dsc0005hl.jpg
http://imageshack.us/a/img201/8761/dsc0007yw.jpg

[محمد كمال المحامي]

ما شاء الله

الله ينور يا هندسة

اكتوبر نورت بالصيادين المحترمين

[eng.amg]

شكرا أستاذ محمد. أكتوبر منورة بأهلها

[أسوانىى]

يا باشمهندىس أحمد والله الشرف ليا أنى قابلت ناس محترميين زيكوا , حضرتك والدكتور إبراهيم
ياجماعة بجد الناس دى أخلاق صيادين بجد , كانوا معانا لحظة بلحظة عشان كان أول مرة نطلع فيها , حتى لما بعدنا عنهم بحكم قلة الخبرة كلمونا على الموبايل عشان يطمنوا ولما عرف الباشمهندس أحمد أن اننا مش لاقيين حاجة عندنا قالنا تعالوا المكان عندنا مليان , بجد ناس محترمة جدا وربنا يديم الصداقة والمعروف يا رب

أسوانى

[ولاء الدين]

انا عايز اعرف هيا الكرال اللى معاكم هيا اللى ب1500 جنيه ولا حاجه غيرها وبالهنا والشفا للجميع