المساعد الشخصي الرقمي

مشاهدة النسخة كاملة : سعر مكن صيد السمك في مصر - جر تسقيط


محمد كمال المحامي
09-28-2012, 05:01 PM
كلنا يحتار عند الرغبة في شراء ماكينة صيد سمك

و تختلف الاسعار من مكان لأخر

ومعظمنا لا يعرف الماركات والمواصفات

و نطلب من خبراء صيد السمك افادتنا

وذلك بتحديد افضل المواصفات والأسعار

bodygard 34
09-29-2012, 02:33 PM
بص يا سيدى..انا من عشاق الكورى وبصفه خاصه الشكسبير والباناكس..وزى مانت عارف يا أستاذ محمد السعر حسب الحجم والامكانيات واعتقد انها بتبتدى من 200او 220 حتى 350 جنيه وكمان انا جربت مكنه تايوانى اسمها اوموتو (الماركه يابانى والصناعه تايوانى) برضه سعرها فى حدود 250 جنيه وكانت ولازالت تؤدى بكفاءه(ملحوظه هامه:غسيل المكنه بميه حلوه بعد كل طلعه وبعد ذلك تزييتها بعد تجفيفها بالسشوار او فى الشمس يضاعف من عمرها وتبقى دائما جاهزه)اما اذا تركتها بدون غسيل فالملح حياكل التروس والبلى فى اسرع وقت ...فى نوع كمان كويس اوى اسمه فايكنج برضه فى نفس حدود الاسعار دى ..ممكن طبعا نطمع ونخش على البن الامريكى لو الشيمانو اليابانى او الميتشل الفرنساوى(لو لقيتهم) لأن كله دلوقت بيصنع فى الصين ولو لقيت حاجه منهم اصلى فالمكنه مش حاتقل عن 800 الى 1200(مكن تسقيط مش جر) ودى حدود معلوماتى واى خدمه

خالد عزمى
01-13-2013, 05:46 PM
السلام عليكم الاقى فين مكن الاموتو

خالد عزمى
01-13-2013, 05:47 PM
انا ساكن فى منطقه الزيتون

محمد كمال المحامي
01-13-2013, 06:03 PM
انا اشتريت مكنة جر اوكوما ماكيرا 2 سرعة

وكان سعرها 2700 جنية

Compact
01-13-2013, 11:40 PM
موضوع مفيد جدا

Trigger
01-14-2013, 05:45 AM
ربنا يسهل و اقدر اوفرلكوا قريب انواع المكن المحترمة دى بسعر حصرى لمنتدى صيادين مصر فقط
و طبعا ارحب باقتراحات ملوك الصيد البحرى بالمنتدى وهم عارفين نفسهم كويس :d

bodygard 34
01-18-2013, 02:47 PM
ربنا يسهل و اقدر اوفرلكوا قريب انواع المكن المحترمة دى بسعر حصرى لمنتدى صيادين مصر فقط
و طبعا ارحب باقتراحات ملوك الصيد البحرى بالمنتدى وهم عارفين نفسهم كويس :d

قصدك مين يا سيد تريجر؟؟؟؟؟؟؟:)

خالد عزمى
01-19-2013, 12:48 PM
طيب حضرتك قول على المحلات الى بتبيه مكن اوموتو مع ارقام تلفوناتهم شكراا

محمد كمال المحامي
01-19-2013, 01:00 PM
دي ارقام تليفونات محلات محترمة ممكن تكلمهم وتشوف المكنة موجودة عندهم ولا ايه

اسامة : 01000336495
المهندسين

جميل : 01001716329
مصر الجديدة

وبالتوفيق ان شاء الله

خالد عزمى
01-19-2013, 01:03 PM
تسلم يا باشا ربنا ما يحرمن منك

احمدعباس
03-29-2013, 10:02 AM
يا تري لو ممكن حد عنده ماكينه للبيع تكون بسعر معقول لاني هواي و مبتدء و بتمني الاقي ماكينه كامله بكل مشتملاتها بسعر مناسب سواء جديد او مستعمل و شكرا للجميع و ده ايميلي am252@yahoo.com

محمد كمال المحامي
03-29-2013, 10:11 AM
علشان حد يقدر يخدمك

ممكن تحدد النوع جر ولا تسقيط

و صيد مالح ولا نيلي

وممكن كام تقول عامل حسابك على فلوس اد ايه

احمدعباس
03-29-2013, 10:14 AM
الحقيقه انا معرفش الفرق بين الجر و التسقيط - بس انا من القاهره يعني اكيد هايكون صيد نيلي - ياريت تقولي الفرق بين الجر و التسقيط باختصار - يعني انا عايز حاجه كويسه باقل سعر ممكن و شكرا علي اهتمامك و ردك

محمد كمال المحامي
03-29-2013, 10:20 AM
الجر بيكون من على لنش في البحر

وبيحتاج مكن احجام كبيرة و بيتم الصيد بربلات اللي شكل السمك بس صناعي

أما التسقيط فيشبه صيد النيل و لكن البوصة بتكون قصيره شوية

وصيد النيل ليه مكن مختلف و كمان الأعواد مختلفه

في الحقيقة انا معنديش خبرة في صيد النيل

وارجو ممن لديه خبره في الصيد النيلي افادتنا وترشيح ماكينة محترمة و عود للأستاذ احمد

احمدعباس
03-29-2013, 10:24 AM
اشكر ردك الكريم و المعلومات المفيده - و اتمني من الاخوه الاعضاء مساعدتي و للجميع الشكر يا استاذنا

ايهاب خيرت
04-02-2013, 07:53 PM
http://piratesfishingtackle.com/
دا موقع محل الفهيم في اسكندريه فيه البضاعه المعروضه واسعارها وناس محترمه جدا

امير الفونس
06-06-2013, 10:52 AM
انا كنت صياد هاوى منذ 40 سنة والان اريد ان اعود لهذه الهواية للصيد من كورنيش النيل من اعلى فما هى الماكينة المناسبة وما هو طول العود المناسب والاسعار لو سمحتو وشكرا