مشاهدة النسخة كاملة : تحويل بندقية الرش الي edgun matador
amhamed
01-29-2012, 10:40 AM
السلام عليكم اهل الخبرة
كنت عاوز اسأل اذا كان ممكن يتعمل تعديل في دبشك البندقية الرش علشان تبقي شبه الـ edgun matador الروسي العملاق
دي صورة الedgun matador
https://encrypted-tbn0.google.com/images?q=tbn:ANd9GcT3gF0FnFRbcDxkJnOxbF57MeHksq7er pfvgwmkSx1FdTPF-IfbjA
وفي المرفقات صورة بندقية ديانا بعد قطع الدبشك الخشب او عمل دبشك خشب بالشكل الجديد
اظن ان فرق الوزن يستاهل المحاوله وعلشان الناس الي هاتقولي مش هاينفع ننشن بيها والكلام ده خدوا الفيديو ده
http://www.youtube.com/watch?v=3BItL6DP8w4&feature=player_embedded
وده كمان
http://www.youtube.com/watch?v=lla7s7ukyP4&feature=related
وبعدين نتكلم
amhamed
01-29-2012, 08:36 PM
ماحدش حتي عاوز يبدي رايه
طيب حد يقول فكره وحشه
حد ينتقد
حد يشتم
اي حاجه انا موافق
بس مافيش خالص كده مش ظاهره صحية علي فكره؟؟
الشيخ ابو على
02-03-2012, 02:08 AM
موفق ان شاء الله تعالى
متدرب قنص
02-23-2012, 10:16 PM
على ما اظن ان دى طريقة ميكانيكية بحته
واظن برضو انها مش هتاثر فيها
بس نصيحة منى لو حضرتك عندك بندقيه هلكانة
او مستعملة استعمال كبير ممكن تجرب عليها اولا
وبالتوفيق باذن الله ...
eng.amg
02-23-2012, 11:58 PM
لو علي الوزن فقط. فأنا رأيي الوزن جزء لا يتجزء من الديانا مثلا
ولو خففت وزنها عن كدا مش حتكون دقيقة
الألمان كانوا يقدروا يخفوا وزنها لما يعملو الدبشك بوليمر أو فايبر والأجزاء الداخلية ألومينيوم
وبعدين برضو مش حتبقى edgun matador
:)
hunter
03-30-2012, 09:05 PM
لو علي الوزن فقط. فأنا رأيي الوزن جزء لا يتجزء من الديانا مثلا
ولو خففت وزنها عن كدا مش حتكون دقيقة
الألمان كانوا يقدروا يخفوا وزنها لما يعملو الدبشك بوليمر أو فايبر والأجزاء الداخلية ألومينيوم
وبعدين برضو مش حتبقى edgun matador
:)
الله ينور عليك يا بشمهندس انت جبت الخلاصه
kefafy
04-04-2012, 12:26 PM
يفندم ممكن حضرتك تكون عندك بندقيه قديمه تقصر الماصورة (مش اكتر من تلت طولها )علشان تعرف تكسرها علشان التعمير , وده طبعا هياثر على قوة البندقيه ومداها لانك قصرت مشوار الششخان وبالتبعيه قصرت الاختراق و القوه و المدى بس مش مشكله مش هتفرق قوى يعنى
وبعد كدة حضرتك تروح عند خراط خشب كويس وتديلك الدبشك بتاع البندقيه الروسى
وتاخد معاك جسم البندقيه علشان يحدد لك مكان التلات مسامير كويس قوى وبظبط يباتو فى مكانهم فى الدبشك الجديد لان لو مباتوش كويس الدبشك الجديد هيتشرخ مع الضرب مهما كان جودة نوع الخشب
وبعد كدة حضرتك تخلع فتحه الشيز نهائيا لانها كدة كدة هتخلف معاك النيشان لان مفيش سن نمله دبانه لانها اتقصت مع الماسورة
وبعد كدة تديهم لواحد بتاع دوكو علشان يرش البندقيه الحديد بالدوكو الفرن اسود وبكدة الرش عمرة ما هيطلع من شاسيه الحديد بتاع البندقيه وبالنسبه للخشب هيرشه بردو و الخشب بطبعه بيمسك فيه الدوكو
وبعد ميخلصو دهان تشترى لك ريد دوت وبلاش السكوب
لان مش هيفنع مع حضرتك اسكوب لان اداء البندقيه وطريقه التصويب مش هتنفع معاها اسكوب
انما الريد دوت تركبه تقدر تضرب بيها من غير متريح الدبشك على خدك مجرد تصويب بالتوجيه زى الطبنجات او الخرطوش
انا عملت حاجة زى دى قبل كدة بمعادى كان ماسورتها معوجة من الاخر وقصيت الماسورة وقصيت المخدة بتاعه الدبشك وسنفرتهم كويس ورشتهم دوكو بس على ايامى مكنش فى ريد دوت كان فى اسكوب وزى مقلت لحضرتك مفيش مخده فمكنش ينفع اركب اسكوب والقوه كانت قويه بردو فرق طبعا تقصير الماسورة ولكن مش زى منتا متخيل شكلها كان معامل زى الخرطوش وكنت مركبلها حزام من اليد لاول الماسورة وكانت تحفه.
وساعتها بعتها فى نفس الاسبوع بنفس سعرها جديده نوفى وشاتريت بيها واحدة جديدة نوفى بمبلغ حاجة وسبعين جنيه :)
وتحياتى لحضرتك ودعائى لحضرتك بالتوفيق
star2012
05-06-2012, 08:23 AM
جميلة اوى يريت تزل على طول متصنعة جاهزة احسن منبوظ حاجة الله ينور على هذا الاختراع وغير طبعا منظر البندقية المعتاد بقى ليها روح وطعم مختلف فى الصيد
vBulletin® v3.8.8, Copyright ©2000-2024, TranZ by Almuhajir