المساعد الشخصي الرقمي

مشاهدة النسخة كاملة : عاوز رأيكو في البندقية (الكرال ديفيل)


بلاك هنتر
07-03-2012, 02:45 PM
عاوز رأيكو في البندقية (الكرال ديفيل) ماسورة كسر ودبشك فايبر
ياريت حد يفيدني ويقولي لو ليها عيوب قبل مااشتريها . وشكرا

قناص الظلم
07-03-2012, 04:07 PM
عاوز رأيكو في البندقية (الكرال ديفيل) ماسورة كسر ودبشك فايبر
ياريت حد يفيدني ويقولي لو ليها عيوب قبل مااشتريها . وشكرا

اهلا بيك معنا وتحت امرك - بس ايه الكرال ديفل دى يا استاذ:) الكرال الكسر بنسميها ماجنوم;) ونوع اخر اسمه رمايه -هى دى ولا انا ماعرفش قصد حضرتك:(

بلاك هنتر
07-03-2012, 08:21 PM
شكرا اخ قناص الظلم على اهتمامك وده شرف ليا اني اشترك معاكو واتعلم منكم في المنتدى
والله انا مش متأكد من اسمها كرال ديفيل ولا كرال ماجنوم :)
هيا كسر ده اللي انا اعرفه وسألت عليها في المحل لاقيتها ب 1500 جديدة
وهيا صناعتها تركي
وشكرا لاهتمامك مرة اخرى

قناص الظلم
07-04-2012, 08:07 AM
تمام يا استاذ بلاك ;) حضرتك اخترت البندقيه رقم واحد للجدل فى مصر ناس كتير بتكرهها وناس كتير بتحبها هاتسمع اراء كتير فيها بس تعال نقارن بينها وبين الحاجات الجامده :D البندقيه هاى باور يعنى قويه جدا :eek: بس تركى طبعا اقل من الالمانى والاسبانى والانجليزى من حيث الخامات ولكن الاسعار بقى -الكرال 1375 جنيه عند استاذ محمد تاجر معنا فى المنتدى ومعاها هدايا ;) الصناعات الاخرى من 3000 جنيه لحد 6000 جنيه مستعمل:) بدون مبالغه وجديد بيوصل لحد 8000 فى الديانا 54 :eek: وممكن تكون غليت كدا من وجهه نظرى حلوه جدااااااااااااااااا بالنسبه للسعر:D مشكلتها السوسته صلبه جدا ولانها كسر بتكون قويه فى الكسر عايزه واحد عنده صحه شويه ثانيا ناس كتير اشتكت لانها بتكسر السوسته وطبعا السوسته بتتكسر دايما مع المبتدئين دى ملاحظاتى ودا اكيد من الضرب عالفاضى بدون رش - ثانيا البندقيه بتيجى بدون شحم من الداخل وهو فائدته يعطى ليونه وتبريد اثناء احتكاك المعدن ببعضه وهذا من اسباب كسر السوسته ايضا - الدبشك فيبر وطبعا ضعيف لانه بلاستك - النشان يحتاج ضبط كل فتره ولكن اسمع ان هذه المشكله تم حلها - العلاج اولا تفك البندقيه وتجيب فازلين طبى من الصيدليه او من العطار وبعد غسل الاجزاء الداخليه بالبنزين ولا بلاش بنزين عشان ماتعملش مشكله جاز ونشفها كويس وشحمها بالفازلين وخصوصا السوسته هاتقعد معك فتره طويله الى ان تضعف :cool: طبعا هاتصلحها ساعتها بقى تجيب سوسته جامو وتركبها مع جلبه جامو ايضا - مابتعرفش تفك البندقيه وديها لواحد بتاع صيانه يعملهالك انا ناوى اشترى كرال ودا اللى ناوى اعمله على فكره:) السوسته والجلبه بتاعه الجامو فى حدود 300 جنيه تقريبا - بالنسبه للدبشك الفيبر فمش مشكله وفى نوع بدبشك خشب اغلى 150 جنيه تقريبا والرمايه برده اغلى 100 تقريبا كان فى عرض لجميع الانواع بس تقريبا انتهى لانى مش لاقيه وهذه الصور للماجنوم العادى اول صوره والرمايه اخر صورتين - شكر للمهندس اسلام وابو حمزه على هذه الصور الخاصه بهم

eng.amg
07-04-2012, 08:49 AM
أستاذى العزيز.. أولا: أهلا بيك في المنتدى.

ثانيا: بالنسبة للديفل والديمون:

الديفل في البنادق إلي هيا ماسورة كسر. - Break Barrel
والديمون هي الماسورة الثابتة (عتلة) سواء كانت سفلية أو جانبية - Fixed Barrel

يتفوق الديمون (Fixed Barrel) علي الديفل (Break Barrel) في الآتي:

- الديمون هو الأفضل علي الإطلاق لعيوب موديلات الكسر من تنفيس بسيط بالجلب ((ودا في جميع الأنواع علي إطلاقها حتى الديانات.)) وإعوجاج الماسورة من الإستخدام المتكرر.

- والديمون أقوى في السرعة بنسبة تصل إلي 20 % حسب نوع البندقية لأن كبس الهواء بالكامل موجه إلي المقذوف دون تنفيس إطلاقا

أما الديفل (Break Barrel) يتفوق على الديمون (Fixed Barrel) في الآتي:

- وزن أقل لعدم وجود عتلة تعمير.

- سهولة في تلقيم الرشة لعدم وجود جزرة لوضع الرشة (سواء كانت غرفة جانبية مثل الديانا أم غرفة منزلقة للجانب مثل Kral أو لأعلى مثل BSA. و Gamo CFX و webley

- في الجزرة علي شكل غرفة منزلقة للجانب مثل Kral أو لأعلى مثل BSA. غالبا ما تحدث أعطال فيها وكسور ودا بيحصل مع ناس كتير. وبتتكلف كتير. أما الديانات والبام فلا يحدث فيهم مشاكل لأنها غرفة تفتح بالكامل.

ثالثا: بالنسبة للكرال.
توكل علي الله وهات الكسر (الديفل) لأن مشاكلها في سوستة ودليل يتغيرو ب 100 ج وتثبت الناشينكان الخلفى لو كان بيتحرك وتبقى تمام.

قناص الظلم
07-04-2012, 11:40 AM
أستاذى العزيز.. أولا: أهلا بيك في المنتدى.

ثانيا: بالنسبة للديفل والديمون:

الديفل في البنادق إلي هيا ماسورة كسر. - break barrel
والديمون هي الماسورة الثابتة (عتلة) سواء كانت سفلية أو جانبية - fixed barrel

يتفوق الديمون (fixed barrel) علي الديفل (break barrel) في الآتي:

- الديمون هو الأفضل علي الإطلاق لعيوب موديلات الكسر من تنفيس بسيط بالجلب ((ودا في جميع الأنواع علي إطلاقها حتى الديانات.)) وإعوجاج الماسورة من الإستخدام المتكرر.

- والديمون أقوى في السرعة بنسبة تصل إلي 20 % حسب نوع البندقية لأن كبس الهواء بالكامل موجه إلي المقذوف دون تنفيس إطلاقا

أما الديفل (break barrel) يتفوق على الديمون (fixed barrel) في الآتي:

- وزن أقل لعدم وجود عتلة تعمير.

- سهولة في تلقيم الرشة لعدم وجود جزرة لوضع الرشة (سواء كانت غرفة جانبية مثل الديانا أم غرفة منزلقة للجانب مثل kral أو لأعلى مثل bsa. و gamo cfx و webley

- في الجزرة علي شكل غرفة منزلقة للجانب مثل kral أو لأعلى مثل bsa. غالبا ما تحدث أعطال فيها وكسور ودا بيحصل مع ناس كتير. وبتتكلف كتير. أما الديانات والبام فلا يحدث فيهم مشاكل لأنها غرفة تفتح بالكامل.

ثالثا: بالنسبة للكرال.
توكل علي الله وهات الكسر (الديفل) لأن مشاكلها في سوستة ودليل يتغيرو ب 100 ج وتثبت الناشينكان الخلفى لو كان بيتحرك وتبقى تمام.



شكرا للمعلومات يا بشمهندس وانا مبسوط لانى لاقيتك ابتديت تقتنع شويه بالكرال

بلاك هنتر
07-04-2012, 06:01 PM
شكرا ربنا يكرمكو يارب
أخ قناص الظلم وأخ Eng. amg
ومنكم نستفيد ياجماعه ربنا يجازيكوا خير :)

قناص الظلم
07-04-2012, 06:11 PM
شكرا ربنا يكرمكو يارب
أخ قناص الظلم وأخ eng. Amg
ومنكم نستفيد ياجماعه ربنا يجازيكوا خير :)

لا شكر على واجب نحن تحت امر جميع الاعضاء:)